Éxodo 12:2 - Biblia Dc en Mixe de Quetzaltepec

² Ya'atë po'o myiny kyëtä'äkyën, yë'ë tu'uk yë po'o mëti'ipë mëj'äämpy mjëkyäptëpën; yë'ë mëti'ipë më''ëka'any timtso'ontakpën, ko yë jëmëjt tsyo'ontä'äky.

Biblia Mixe de Quetzaltepec

² Ya'atë po'o myiny kyëtä'äkyën, yë'ë tu'uk yë po'o mëti'ipë mëj'äämpy mjëkyäptëpën; yë'ë mëti'ipë më''ëka'any timtso'ontakpën, ko yë jëmëjt tsyo'ontä'äky.

Éxodo 12:2 Iomraidhean Croise

Ester 3:7

Ma mëtu'kpo'o tsyo'ontä'äkyën jajëmëjt, mëti'ipë yajtijpën Nisán, ma majkmäjtsk jëmëjt y'apetyën ma ja Asuero yajkutukyën, jää t'ijxpëtsëëmtë ja xëëw po'o jëna'a mëpaat y'ëktuny y'ëkjatyë ja Amán ja wyinma'any, jää ojts mëtëy tukka'ay ma majktëkëëk y'änyën ja mëmajkmäjtsk po'opë, mëti'ipë yajtijpën Adar po'o.

Éxodo 12:1

Ënet yë Dios ojts myëtyä'äky mëët yë Moisés ets Aarón ets y'ënëmaayëtë:

Éxodo 12:18

Ko ënety ja po'o myajkmajtsk'any yë'ë mkaytyëp ja tsajpkääky mëti'ipë ka'ap tsyooymyëëtëtyën, jënäkyxyëëw jëtu'unpë tsyo'onta'akëty; e ko ja po'o y'i'px tu'uk'anëty, jënäkxyëëw nëjkx ja tsajpkääky xyjyaakaytyë.

Éxodo 12:3

Jëtu'un xy'ënëëmëty tëkokyë yë Israel ja'ay: Ko ya'atë po'o myajk'anëty, jää nëjkx xyaj'ooktë nitu'ukjaty yë mtsajppaxëty ëkë mkupixynyëty ets nitëkokyë jëtu'un maajaty yë jëën tëjkën.

Éxodo 13:3

Ënet ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënety je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 13:4

Miitsëty ya'atë xëëw jëtu'un yaa mtso'ontë, ma y'änyën ja po'o mëti'ipë xyëëwajtypyën Abib.

Éxodo 23:15

Mxëëwtuntëp ma ja tsajpkääky yajkayën jëtu'unyëpë ka'apë tsyooymyëëtëty, jëtu'un tä të ntuk'ëne'emyën, wëxtujk xëëw xykyäyëty yë tsajpkääky ka'apë tsyooymyëëtëtyën. Ya'atë xëëw jää xytyuntëty ma ja xëëw po'o y'änyën mëti'ipë xyëëwajtypyën Abib, jä'ä ko jä'ä po'o ojts jap mtsoontë Egiptë. Ets maas ëjtsën ni pën mëpaat kyaminy jëtu'unyë pën ka'ap tii tmëminy.

Éxodo 34:18

Mtuntëp yë nyixëëw ja tsajpkääky mëti'ipë ka'ap tsyooymyëëtëtyën, jëtu'un tääjës të ni'ënä'ämën, jää xykyäytyëty ja tsajpkääky ka'apë tsyooymyëëtëtyën wëxtujk xëëw. Jää xykyäytyëty ma ja Abib po'o y'änyën, jä'ä ko jä'ä xëëw ojts tsyoontë yë Israel ja'ayëty jap Egiptë.

Éxodo 40:17

Paaty ko mäjtsk jëmëjt y'apejty, ma ënety të tsyoontën jap Egiptë, ma tyu'uk'anyën ja mëët tu'ukpë ja po'opë, jää ojts ja Dios ja jyëën tyëjk ëka'any yajpëjktä'äky.

Ezequiel 45:18

Ëjts Wintsën, jëtu'unës yam n'ëna'any: Ko tyu'uk'anëty yë mëtu'kpo'opë, yë'ë nëjkx jää xyaktë yë tsajpkaa ayääkë mëti'ipë oy mëkën ets yë'ë mëët wya'atsëty yë tsajptëjk.

Ezequiel 45:21

Ma myajkmajkts anyën ja mëët tu'kpo'opë jää nëjkx xyajtso'onta'aktë ja ëmaay xyëëwk ets wëxtujk xëëw nëjkx xykyäytyë tsajpkääky ka'apë tsyooymyëëtëtyën.

Deuteronomio 16:1

Ko yë Abib po'o tpaatëty jää xynyixëëwtuntëty yë ëmaayxyëëw, ma ja Dios xymyëjjaw xyjyäänty jyawëtëtyën, jä'ä ko miits wa'ats xynyijawëtë ko jä'ä tsu'um ojts yë Dios jap Egiptë mjuutëtë.