Éxodo 10:2 - Biblia Dc en Mixe de Quetzaltepec

² Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënety të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Biblia Mixe de Quetzaltepec

² Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënäty të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Éxodo 10:2 Iomraidhean Croise

2 Samuel 7:22

paatyës njanty y'ënä'äny, ko mijts Wintsën mëj këjää winë xytyuny xykyäjpxy, ka'ap maa wiinkpë jëtu'unpë tä mijtsën; ka'ap maa jëtu'unpë Wintsën tä mijts mWintsën'atyën, mëti'ipës kë'ëm të n'ixtën ets të nnijawëtën.

Salmos 44:1

Mijts Dios, tëës nmëtowtë mëët yë nkë'ëmtatskëtyës, ets ojts xytyukmëmëtya'aktës yë n'ap n'okëtyës wi'ix ojts winë xytyunyën tëëyëp ko yë'ëjëty jyuuky'ajtë.

Salmos 44:2

Mijts ojts kë'ëm xy'ëxkexy yë ja'ayëty mëti'ipë ënety y'ëwtajtëpën wiink tios, ëxëëk ojts xytyuny yë naax kajpn ets xy'ëxwojpy ets jam xyajtsënaaytyaknpëjky ja n'ap n'okëtyës.

Salmos 58:11

Ënet ja käjpxy y'ëna'ana'any: Nik oy'ajtp ko oy winë ntu'unmëty. Jä'ä ko tää tu'uk yë Dios mëti'ipë winë nyipaye'epyën.

Salmos 71:18

Dios, mëti'ipës nTios'ajtypyën, këtiis xy'ëxmats xymyajtstu'utëty oyës ënety të nmëjja'ayënë etsës të nkupo'ojënyë, jä'ä ko ëjts njaaknimëtya'akäämpyës yë mmëjajtën ma ja'ayëtyën tyampë jyuuky'atën ets mëti'ipë juuky'atantëpnëm.

Salmos 78:3

Mëti'ipës të nmëtowtën ets të nijawëtën, mëti'ipës ja nteety n'ap të xytyukmëmëtya'aktën.

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënety ëëtsëty nmëtun n'ëyowtën.

Éxodo 14:18

Koos ënety jëtu'un të nyajkëxë'ëky ja nmëj'ajtënës ma ja mëj'ënä'ämpën, mëët nitëkokyë ja tsyiptuunpëtëjk ets ja kyepywyintëkäämpëty ets ja kyëwaayëty, ënätnëm nëjkx ja Egiptë ja'ayëty y'ëna'antë ko janty ëjtstëm jëtu'un Wintsën.

Éxodo 14:4

E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.

Éxodo 7:17

Paaty tyam, jëtu'un yë Dios y'ënä'äny: Tyam xynyijawëty ko ëjts Wintsën. Koos ënät yam nwojpyu'kxëty yë nëë, mëti'ipë pëyë'kpën ma mëjnëëjën, mëët yë ntajkës, m'ixëp ënät ko ne'pynyën y'awinpitëty.

Éxodo 7:5

Koos ënety të nyaj'ixyë ja nmëjajtën jap Egiptë, ets koos ënety të njuuty ja Israel kajpn, jëtu'un nëjkx yë Egiptë ja'ay nijawëtë ko ëjts Wintsën.

Éxodo 8:6

Ënet yë Aarón ojts jam tjantynyajtstijë yë tyajk, maajaty ja nëë yajpaatyën mëti'ipë japën Egiptë ets ja nooty jap myäypyëtsëëmtë ets tyajwintujktaaytyë ja Egiptë kajpn.

Isaías 38:19

Yi'iyë tëy mëti'ipë juuky'ajtëpën jyëkyäjptëp wi'ix mwin'ëw mwinya'axëtëty, jëtu'un tääjës ëjts tyam ntunyën.

Ezequiel 20:26

Ojts n'ëxmajtsnës ets nyäyaj'ëxëëktëkëtëty mëët ja wintsë'kën mëti'ipë myooytyëpën ja awinax ets yë'ëpaat ma ja y'u'unk y'ëna'këty kä'äxkopkpë tukwintsë'ëkëtë ja ka'apë tiosëtyën. Ya'atë paatyës jëtu'un ntuuny ets tsyë'ëkëtëty ets nijawëtëty ko ëjts Wintsën.

Ezequiel 20:28

Koos ojts nyajtëkëtë ma ja naaxwiinyëtën mëti'ipës ënety të ntukwinwanëtën, tim je'eyë muum t'ijxpatë tu'uk yë mëj kepy ëkë nitun, ënätyë ijty wyintsë'kën ets y'ayajk y'ako'onën tmo'otë ja awinax, ja tsooy mëti'ipë pa'akxu'kpën ets ja tsatym nyëë mëti'ipë tëë nyimaanaxyën, yë'ë mëët xytyukyajjoot'anpëjktës, jëtu'un ja wyintsë'kën tyajtëkooytyë ma ëjtsën.

Joel 1:3

Tukmëmëtya'aktë m'u'unk m'ëna'këty ets yë'ëjëty tukmëmëtya'aktëty yë y'u'unk y'ëna'këty ets y'u'unk y'ëna'këty tukmëmëtya'aktëty yë jyä'äyëty.

Efesios 6:4

Miits taak teetyëty ka'ap m'u'unk m'ëna'k xyajjoot'anpëktëty, ëëwij kajpxwijtë yajxon ets tuk'ix tuknijawëtë wi'ix tuntëty mëti'ipë Wintsën tsyojkpyën.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.