Éxodo 10:10 - Biblia Dc en Mixe de Quetzaltepec

¹⁰ E ja mëj'ënä'ämpë tyaa y'ënäny: Wa'ats tyimyajmëtoowkojy ko miitsëty wiink winma'any mëët'ajtëp. ¿E miitsëty jä'äjëtën m'ënantëpë ko Dios yë'ë mjämyëët'atanëtëp, ëkë m'ënantëpën jëtu'unë, ko n'ëxmatstëp ënät yam mëët yë m'u'unk m'ëna'këtyë?

Biblia Mixe de Quetzaltepec

¹⁰ E ja mëj'ënä'ämpë tyaa y'ënäny: Wa'ats tyimyajmëtoowkojy ko miitsëty wiink winma'any mëët'ajtëp. ¿E miitsëty jä'äjëtën m'ënantëpë ko Tios yë'ë mjämyëët'atanëtëp, ëkë m'ënantëpën jëtu'unë, ko n'ëxmatstëp ënät yam mëët yë m'u'unk m'ëna'këtyë?

Éxodo 10:10 Iomraidhean Croise

2 Crónicas 32:15

Këtii xymyëpëktë ijxtëm yë Ezequías m'ënë'ëmxëtën, këtii myajwin'ëëntë, nitu'uk yë naax kajpn të kyamayëtë nyäyajtso'okëtëty mëët ëëtsëty ets mëët ja n'ap n'okëtyës, ni yë'ë miitsëty yë mTios kyamayëtëty etsës xy'awa'ktuktëty.

Éxodo 10:11

Ka'ap ma jëtu'unpë. Aak miitsëty nëjkxkojtë aak ye'etyëjktëjk ets mëj'ëna'ktëjkëty, nëjkx ëwtatë yë mTiosëty, yë'ëxëtën mtsojktëp. Tä ja mëj'ënä'ämpë ni'ënä'ämëy ets jap yajmëpëtsëmtëty ma ënety japëtyën.

Éxodo 10:24

Tä ja yajkutujkpë ojts tmëkäjpxy ja Moisés ets t'ënëmaay: Nëjkx ëwtatë yë mWintsënëty, mënëjkxtë näjyëtu'un yë m'u'unk m'ëna'këty; e yë'ë tëy yë mjëyujk mtsajpkaajëty, mtsajppax mkupixynyëty yaa xyajwë'ëmtëty.

Éxodo 10:9

Tä ja Moisés y'ëtsooy: Nëjkxta'ajantëp ëëtsëty ni'ëmukë, mëjja'aytyëjkëty, pi'k'ëna'ktëjkëty, njëyujk ntsajpkaajëtyës, ntsajppaxëty nkupixynyëtyës, jä'ä ko ëëtsëty mëj xëëw tu'uk nyaj'apaatëjantëpës maas nmëjjawëja'antën ja nWintsënëtyës ja xyëëw.

Éxodo 13:21

Ko xyiinyäjty, yoots ojts mëët yë Dios tyu'uwinwowëtë, e ko kyootsajty tu'uk yë jëën kyutë'kxëtë. Paaty tjëkyejpy ets nyë'ëye'ey tyu'uye'eytyëty xëëny koots.

Lamentaciones 3:37

Ko pën wi'ix y'ënä'äny, ko pën tii jyätyë kyëpetyë, paaty jyëtu'un'aty jä'ä ko Ni'ik Këjxmëpë jëtu'un të tyajnikutukë.