Ester 9:4 - Biblia Dc en Mixe de Quetzaltepec

⁴ Yë Mardoqueo mëj'äämpy ojts y'awinpity ma ja kutujktaknën ets akäjpxy ojts y'ity, ni'ikyë ënety myëjwiinë kyëjääjë ja kyutujkën.

Biblia Mixe de Quetzaltepec

⁴ Yë Mardoqueo mëj'äämpy ojts y'awinpity ma ja kutujktaknën ets akäjpxy ojts y'ity, ni'ikyë ënäty myëjwiinë kyëjääjë ja kyutujkën.

Ester 9:4 Iomraidhean Croise

2 Samuel 3:1

Ja tsip mëti'ipë tyuuntën ja David ja jyä'äy mëët ja Saúl ja jyä'äy ojts myëjë kyëjääjë ets jeky y'ijty, je'eyëp ko ja David ja jyä'äy ojts yaj'ijxnë ko yë'ë myëtaknëtë ets ja Saúl ja jyä'äy ni'ikyë kyunajknëtë.

1 Crónicas 11:9

Ja David ja kyutujkën ni'ikyë ja myëjë kyëjääjë ets ja Wintsën mëti'ipë maaytyääyëpën jä'ä mëët xëmë yajpaaty.

1 Crónicas 14:17

jëtu'un'äämpy ja David mëj'äämpy ja ja'ay nyikäjpxyë ets ojts ja naax kajpn tsyë'ëkëty jyawëty.

Ester 10:2

Tëkokyë mëti'ipë tyuunën kyajpxën mëët ja kyutujkën ets ja y'ënä'ämën ets ko tmooy ja mëj tuunk ja Mardoqueo, jap myiinta'ay këxja'ay ma ja nokyën mëti'ipë jyä'ä'ajtëpën ja yajkutujkpëtëjk jampë tyuuntën Media ets Persië.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Salmos 18:43

Tëës mijts xyajnitso'oky ma ja naax kajpnën mëti'ipë käjpxy kyumëtoownajxpën. Tëës xypyëjktä'äky yajkutujkpë ma ja naax kajpnën ets të xymyëtunyës ja ja'ay ka'apës ënety n'ixy'ätyën.

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Dios yë tyëjkën, mëti'ipë nTios'ajtëmën.

Éxodo 11:3

Yë Dios yë'ë ojts kë'ëm tyajkutuky ets Egiptë ja'ayëty janty'oy tjawëtëty yë Israel ja'ayëty. Näyjyëtu'un ënät ja wintsëntëjkëty, mëti'ipë mëët tyuunmuktën ja mëj'ënä'ämpë, jëtu'un tyajnajxtë ja Moisés tä tu'uk yë ja'ayën, mëti'ipë mëj këjää winë tyuunpy kyäjpxypën.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Sofonías 3:19

Jä'ä xëëw nëjkxëpës jää winë ntuny ko ënety pën mtëytyuna'anyës. Jëtu'unës ja n'u'unk n'ëna'k mputëkëja'any tä yajputëkën yë kupixyny mëti'ipë të tyekytyijyën ets mëti'ipë tëkoy'ijtpën; mëj'äämpy ets akäjpxy nëjkx miitsëty nyajnaxtë ma ënety o'ktëy të mjat të mkëpätën.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Josue 6:27

Yë Josué mëj këjää ojts Wintsën pyutëkëty ets mëj'äämpy muum yajnikäjpxy.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.