Ester 9:3 - Biblia Dc en Mixe de Quetzaltepec

³ Tëkokyë ja kutujkëntëjkëty mëti'ipë ënä'ämtëpën ma ja naax kajpnën, aakyë'ë ojts tputëkëtë ja Jutiiyë ja'ayëty, jä'ä ko yë'ë tsyë'këtëp ja Mardoqueo.

Biblia Mixe de Quetzaltepec

³ Tëkokyë ja kutujkëntëjkëty mëti'ipë ënä'ämtëpën ma ja naax kajpnën, aakyë'ë ojts tputëkëtë ja Jutiiyë ja'ayëty, jä'ä ko yë'ë tsyë'këtëp ja Mardoqueo.

Ester 9:3 Iomraidhean Croise

Esdras 2:2

Ja ja'ayëty mëti'ipë pyatso'ontën ja Zorobabel, jä'ä xyëëwajtëp: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm ets Baaná. Ya'atë ja'ayëty aakyë'ë y'u'unk y'ok yë Israel.

Esdras 8:36

Ok ojts ja kutuunktëjkëty yajtuknijawëtë wi'ix ënety ja yajkutujkpë ja ënä'ämën të tyäkyën, ma ja kutuunktëjkëtyën mëti'ipë jam yajpatëpën ma ja Éufrates y'itjotmën, mëti'ipë ojts pyutëkëtën ko ja naax kajpn tkoj'o'oyëtë ja tsajptëjk.

Ester 3:12

Ma majktëkëëk y'änyën ja mëët tu'kpo'opë, jä'ä jëmëjt ojts yajmëkajpxmuktë ja jaaypyëtëjkëty mëti'ipë tuuntëpën ma ja yajkutujkpën, ojts yajtuk'ënä'ämtë tja'atëty ja ënä'ämën mëti'ipë të tnipëjktaakën ja Amán ets yajtuknikäxtëty ja mutsk yajkutujkpëty mëti'ipë yajpatëpën ma ja it naaxwiinyëtën mëti'ipë nyitënääpyën ja yajkutujkpë Asuero ets ja kutuunktëjkëty mëti'ipë kajpn kajpn yajpatëpën. Ya'atë ënä'ämën jëtu'un yajjaay tä ja naax kajpn ënety ja aaw ayuk tkajpxtën nijä'äjaty, ojts ja yajkutujkpë xyëëw yajkëxja'ay ets yë'ë tsaay ja noky mëët ja kyë'ëjiits,

Ester 8:17

Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Ester 8:5

ets y'ënäny: Pën yë yajkutujkpë myëtoopy oy mëti'ipës yam n'amëtoowäämpyën ets pën xyänty tsyojkyp xyääntyjya'apës, wä'än tu'uk noky tyajja'ay ma yaj'akajpxtukëtyën ja ënä'ämën mëti'ipë ja Amán ojts tyajkojyën, ma tjatuknipëjktakëyën jeexyë ja Jutiiyë ja'ayëty y'o'kta'atë mëti'ipë tsënaaytyëpën maajaty ja kajpnën mëjpë mutskpë mapaat ja ënä'ämën kuttujkën y'ityën.

Ester 8:9

Ja yajkutujkpë ja jyääpyëtëjk ënätyë ojts yajmëkajpxta'atë. I'px tëkëëk ënety ja mëtëkëëk po'opë y'äny, ja Sivan po'o. Tëkokyë mëti'ipë ja Mardoqueo nyi'ënä'ämëyën yajkujaaytyääy ets yajtuknikäjxtë ja Jutiiyë ja'ayëty, yajkutujkpëtëjk ets kutuunktëjk ma ja mëko'px ja i'px wëxtujkpë ja kajpnën, mëti'ipë jam India ets jampaat Etiopíë yajpatpën; aakjëtu'un ja noky yajjaay tä kyajpxtën ets wi'ix ja tja'atën. Ja Jutiiyë ja'ayëty ojts ja nyoky yajtuknikäxtë tä kyajpxtën ets jya'atën.

Daniel 3:2

Ënet tnikäjxëtyääy ja yajkutujkpëtëjk, mëti'ipë ënä'ämtëpën maajaty ja naax kajpnën mëti'ipë ja Babilonyë nyitënääpyën, ojts tnikäxë näjyëtu'un yë tsiptuunpë wintsëntëjkëty, kajpxwijpëtëjkëty, mëti'ipë meenykyoonë'ktëpën, mëti'ipë nyipaye'eytyëpën yë jotmay, mëti'ipë kutuunk'ajtëpën ets myiinta'atëty ma jam ja awinax yajnixëëwtuna'anyën mëti'ipë ja Nabucodonosor të t'oytyunyën.