Ester 7:2 - Biblia Dc en Mixe de Quetzaltepec

² ma ja mëmäjtsk xëëwpë yajwowtën kääpyë. Ënet ja yajkutujkpë jatëkok t'ënëmaay ja Ester: Amëtoowkës tii mtimtsyojkpy, tyam mijts nmo'ojëty, oy yë'ëjëty yë nkutujkënës kujkwä'kxy xytyim amëtowa'anëty.

Biblia Mixe de Quetzaltepec

² ma ja mëmäjtsk xëëwpë yajwowtën kääpyë. Ënät ja yajkutujkpë jatëkok t'ënëmaay ja Ester: Amëtoowkës tii mtimtsyojkpy, tyam mijts nmo'ojëty, oy yë'ëjëty yë nkutujkënës kujkwä'kxy xytyim amëtowa'anëty.

Ester 7:2 Iomraidhean Croise

Ester 5:3

Tä ja yajkutujkpë yajtëëwë: ¿Tii mjajtëp mkëpäjtëp, mijts yajkutujkpë Ester? ¿Tii mtsojkpy? Tyam mijts n'ënëëmë ko oy xytyim'amëtowëty yë n'ënä'ämënës nkutujkënës, mijts nmo'ojëp yam kujkwä'kxy. Ënet ja Ester y'ëtsooy:

Ester 5:6

E tam ënety jëtu'un kyäytyë, ko ja yajkutujkpë t'ënëmaay ja Ester: Ester, amëtoowkës tii mtimtsyojkpyën, tyam nmo'ojëty, oy yë'ë xytyim'amëtowa'anëty kujkwä'kxy yë nkutujktaknës.

Ester 7:1

Yë yajkutujkpë ets ja Amán ojts nyëjkxtë ma ja ka'ayën ukën y'ityën,

Ester 9:12

ënät ja yajkutujkpë t'ënëmaay ja Ester: Yë Jutiiyë ja'ayëty tëë tyaj'ooktë nimëkoxk mëko'px yë ja'ay, ëpëky nimajk të tyaj'ooktë ja Amán ja y'u'unk y'ëna'k yaa ma Susa kajpnën. ¿Tiijaty jëtää muum të tjaaktuntë yë Jutiiyë ja'ayëty ma wiinkëtypë kajpnën? Tyam nëmaaykyës tiijaty mjaaktsojkpy ets nmo'ojëty.

Marcos 6:23

Ojts ja Dios tyajkäjpxy ko tmo'oja'any pën tii ja to'oxy'ëna'k y'amëtoopy, yë'ëpaat ojts ja kuttujkën kujkwä'kxy tukwinwanë.

Juan 16:24

Tyampaat ka'ap miits tii xy'amëtowtës ëjtskyëjxm; amëtowtë ets myajmo'otëty, jëtu'un ja mxoontakën kya'pxtëty.

Hechos 23:19

Tääts ja mëj tsiptuunpë wintsën ja yä'äy ëna'k tkë'ëmajtsy ets ojts twijtsnëjkxy ëpëky. Tääts tyajtëëy: ¿Tiis xytyukmëmëtya'akaanpës?