Ester 6:12 - Biblia Dc en Mixe de Quetzaltepec

¹² Ko jëtu'un tukjëtitëtyääy ja naax kajpn, ja Mardoqueo jam ojts jatëkok nyijkxy tëjk'ëkë'ëm ma ja kutujktaknën. E ja Amán, ko jam tsyo'ony, pëyi'ikyë ojts nyijkxy ma tyëjkën, mon tuk, jëëpy yaxp ets ka'ap y'ëk'ijxë'k y'ëkkoowë'knë.

Biblia Mixe de Quetzaltepec

¹² Ko jëtu'un tukjëtitëtyääy ja naax kajpn, ja Mardoqueo jam ojts jatëkok nyijkxy tëjk'ëkë'ëm ma ja kutujktaknën. E ja Amán, ko jam tsyo'ony, pëyi'ikyë ojts nyijkxy ma tyëjkën, mon tuk, jëëpy yaxp ets ka'ap y'ëk'ijxë'k y'ëkkoowë'knë.

Ester 6:12 Iomraidhean Croise

2 Samuel 15:30

E ja David jamtsow ojts pya'tëkë ma ja kopk txëëwatyën Olivos; tekywya'ats ojts nyijkxy ets jëëpy yaxp, kupe'eny mëët ko ja amay jotmay tpaaty. Näyjyëtu'un tëkokyë ja ja'ayëty mëti'ipë ënety panëjkxëpën aak kupe'eny nyëjkxtë ets jëëytyëp yaxtëp.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

1 Reyes 20:43

Ënet ja yajkutujkpë mëti'ipë jam tuunpën Israel ojts nyëjxnë mon tuk ets a'äkë jam Samaria, jëtu'un jyäjty jam ma ja kyutujktaknën.

1 Reyes 21:4

Ja Ahab mon tuk ojts nyëjkxnë ma tyëjkën jä'ä ko ënety jëtu'un ja Nabot të y'ëtsoyë, ko ka'ap tjëkyepy myo'ojëtëty mëti'ipë ja tyeety tyaak tukumaayën. Ko jyä'äjty ma tyëjkën ënätyë nyäkyo'kë, jam nyämyëjjujpetyë potsywinm ets ka'ap ojts y'ëkaaynyë.

1 Reyes 21:6

Tä ja Ahab y'ëtsooy: Jä'ä ko tëëjës njamëtyä'äky mëët yë Nabot, nja''amëtoyës yë kyam, ma y'uvë tyaj'ityë etsës të nja'ënëëmë ko oyës wiinkpë nmo'ojëty ëkë oyës nkujuuyëty, e yë'ë ka'ap tkupëky.

2 Crónicas 26:20

Ko ja teety kyopk Azarías twin'ijxpejty ets näjyëtu'un ja wiinkëtypë ja teetytyëjkëty ets t'ijxpatë ko tam tyukpëtsëmyë ma wyimpokën, ënätyë tyajpëtsëëmtë; yë'ë ënätyë näjyëtu'un kë'ëm y'ënäny ko pyëtsëmëty, jä'ä ko tëë ënety twinjawë ko yë Wintsën tëytyuunp yë'ë.

Ester 2:19

Jä'ä xëëw ma ënety ja to'oxy'ëna'këty yajmënëjkxtën jam ma ijtaknën, mëti'ipë tëë twinkuwa'akëtën ja yajkutujkpë, yë Mardoqueo jam ënety y'u'unyë tëjkwinm ma ja akujktëjkën.

Ester 6:11

Ënet ja Amán ojts jap tjuuty ja yajkutujkpë ja wyit ma jap pëjkë'ëky y'ityën, ets tmëkäjëy ja kwaay. Tääts txojxy ja Mardoqueo ets tyajtso'ony kwaaykyijxy ets mëk yyä'äxy jyoky ma jam twinwitsyën ja kwaay mëti'ipë ja Mardoqueo tyuk'u'unyääpyën: Jëtu'un ja ja'ay yajkukajpxë mëti'ipë ja yajkutujkpë y'oyjya'apën.

Ester 7:8

Ko ja yajkutujkpë wyimpijty ets jap tyëjkëy tëkoty ma ënety jap të kyäy të y'uuktën, tää t'ijxy ko jam ja Amán tyimnäkyëxjujpënë ma ja Ester ja pyuuyën. Ënet ja yajkutujkpë yujk'ënany: Mijts Amán, ¿wi'ixën mwinma'any xytyimpëjktaknë ko jam jëtu'unyë mtimnyäkyëxjujpënë ma yajkutujkpë Ester pyuuyën; ëkë m'ënaanpën ënät näjyëtu'un xymyëët'atanë ja nkutëjkës ëjts nwintuuy maas yë nkë'ëmtëjkënë? Tim je'eyë jëtu'un ja yajkutujkpë Asuero y'ënäny, ënätyë ja tyuunpëtëjk tyëjkëtyë jap tëkoty ets tmajtsë'ktë ja Amán. Tääts ja wit tukwinkupä'änëtyë ets tu'uk y'ënäny mëti'ipë xyëëwajtypyën Harboná: Jam ma Amán tyëjkën, tam tu'uk o'ktakn. Jä'ä kyëjxmëty majkmajkts xajpk ja kujkm. Yë'ë ojts yë Amán tukni'oytyunë yë Mardoqueo ets jam y'ookëty, yë Mardoqueo mëti'ipë ojts ja nija'awën tyäkyën ma mijtsën yajkutujkpë ets ojts myajtso'okyë. Tä ja yajkutujkpë ni'ënä'ämëy ets y'ënäny: Nëjkx jam yo'ktëytyë.

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

Job 9:24

Yë naaxwiinyëtë, yë'ë ëxëëkja'aytyëjk tyukmëwë'ëmpy, yë yajkutujkpë ni'ikyë twinkumats tjotkumatsë. Pën ka'ap Tyiosëty, ¿pën?

1 Samuel 3:15

Ko kyajpxtaay ja Wintsën, ënät ojts ja Samuel jatëkok nyäkyo'okyë, jëtu'un ojts xyinyënë, jopyëp ojts tyaj'ëwatskojy yë Samuel ja tëjk'akë'ë ma ja tsajptëjkën. Samuel tsë'këp jä'ä, ka'ap tukmëmëtya'aka'any ja Eli mëti'ipë të t'ijxyën kuma'ayjoty.