Ester 4:6 - Biblia Dc en Mixe de Quetzaltepec

⁶ Tä ja Hatac ojts tninëjkxy ja Mardoqueo. Yë Mardoqueo jam ënety yajpaaty kajpnjotm, jam tëjk'ëkë'ëm ma yajkutujktaknën.

Biblia Mixe de Quetzaltepec

⁶ Tä ja Hatac ojts tninëjkxy ja Mardoqueo. Yë Mardoqueo jam ënäty yajpaaty kajpnjotm, jam tëjk'ëkë'ëm ma yajkutujktaknën.

Ester 4:6 Iomraidhean Croise

Ester 4:3

Näyjyëtu'un maajaty ja kajpnën, ma ojts jyä'tyën jëtu'unpë ja ënä'ämën, ja Jutiiyë ja'ayëty ojts tyëkëtë moonpë tujkpë, jëëpyë yaxpë, tyajkëxë'ëktë ja monyëtukyë. May ojts ja'ay nyäkyo'okyë kuyjaamjoty ets tuktëjkëtyë ja wit mëti'ipë kuumpën u'kxpën.

Ester 4:5

Ënet ja Ester t'ënëmaay ja Hatac, mëti'ipë mëët ja yajkutujkpë Asuero tyuunmukyën ets wä'än tuny mëyajtën nëjkx tyajtëy ja Mardoqueo tii tuunëp jajtëp, wi'ix ko jëtu'unpë ja jot winma'any tpaaty.

Ester 4:7

Ënet ja Mardoqueo ënätyë tukmëmëtyaktaay wi'ix ënety ja ëyo'on jotmay jyam'atyën, ojts tuk'ëwa'anëtyä'äy jënu'un ënety ja Amán ja poop pujxn të t'ëwaanën ma ja yajkutujkpën ets kyutëkooytya'atëty ja Jutiiyë ja'ayëty.

Ester 7:2

ma ja mëmäjtsk xëëwpë yajwowtën kääpyë. Ënet ja yajkutujkpë jatëkok t'ënëmaay ja Ester: Amëtoowkës tii mtimtsyojkpy, tyam mijts nmo'ojëty, oy yë'ëjëty yë nkutujkënës kujkwä'kxy xytyim amëtowa'anëty.

Ester 9:12

ënät ja yajkutujkpë t'ënëmaay ja Ester: Yë Jutiiyë ja'ayëty tëë tyaj'ooktë nimëkoxk mëko'px yë ja'ay, ëpëky nimajk të tyaj'ooktë ja Amán ja y'u'unk y'ëna'k yaa ma Susa kajpnën. ¿Tiijaty jëtää muum të tjaaktuntë yë Jutiiyë ja'ayëty ma wiinkëtypë kajpnën? Tyam nëmaaykyës tiijaty mjaaktsojkpy ets nmo'ojëty.