Ester 4:3 - Biblia Dc en Mixe de Quetzaltepec

³ Näyjyëtu'un maajaty ja kajpnën, ma ojts jyä'tyën jëtu'unpë ja ënä'ämën, ja Jutiiyë ja'ayëty ojts tyëkëtë moonpë tujkpë, jëëpyë yaxpë, tyajkëxë'ëktë ja monyëtukyë. May ojts ja'ay nyäkyo'okyë kuyjaamjoty ets tuktëjkëtyë ja wit mëti'ipë kuumpën u'kxpën.

Biblia Mixe de Quetzaltepec

³ Näyjyëtu'un maajaty ja kajpnën, ma ojts jyä'tyën jëtu'unpë ja ënä'ämën, ja Jutiiyë ja'ayëty ojts tyëkëtë moonpë tujkpë, jëëpyë yaxpë, tyajkëxë'ëktë ja monyëtukyë. May ojts ja'ay nyäkyo'okyë kuyjaamjoty ets tuktëjkëtyë ja wit mëti'ipë kuumpën u'kxpën.

Ester 4:3 Iomraidhean Croise

Ester 1:1

Ya'atë aaw ayuk mëti'ipë yam yajnimëtya'akaanpën, jää ojts tyunyë jyätyë ma yajkutukyën yë Asuero. Jä'ä ënety tnitänë ja it naaxwiinyëtë mëko'px ja i'px wëxtujk it, tyimtsoony jam India ets jyä'ty Etiopíë.

Ester 3:12

Ma majktëkëëk y'änyën ja mëët tu'kpo'opë, jä'ä jëmëjt ojts yajmëkajpxmuktë ja jaaypyëtëjkëty mëti'ipë tuuntëpën ma ja yajkutujkpën, ojts yajtuk'ënä'ämtë tja'atëty ja ënä'ämën mëti'ipë të tnipëjktaakën ja Amán ets yajtuknikäxtëty ja mutsk yajkutujkpëty mëti'ipë yajpatëpën ma ja it naaxwiinyëtën mëti'ipë nyitënääpyën ja yajkutujkpë Asuero ets ja kutuunktëjkëty mëti'ipë kajpn kajpn yajpatëpën. Ya'atë ënä'ämën jëtu'un yajjaay tä ja naax kajpn ënety ja aaw ayuk tkajpxtën nijä'äjaty, ojts ja yajkutujkpë xyëëw yajkëxja'ay ets yë'ë tsaay ja noky mëët ja kyë'ëjiits,

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kuttujkën mëti'ipë jää ijtpën. E pën xyaj'o'ktëpës, wä'än t'ixy.

Ester 4:2

Jëtu'un jam tyimja'ajty ma ja kutujkëntëjkën, je'eyëp ko jämyë nyaaxwä'ky tëjk'ëkë'ëm, jä'ä ko ka'ap ënety t'ëwa'atstë ja'ay jap tyëkëty këmoontëkoty pën yë'ë wit myëët'ajtyp mëti'ipë kuumpën u'kxpën.

Ester 4:4

Ja to'oxytyëjkëty mëti'ipë pyutëjkëtyëpën ja yajkutujkpë Ester ets ja ye'etyëjktëjk mëti'ipë ijx'ijt këwent'ajtëpën, ojts ja Ester tuk'ëwaanëtë mëti'ipë ënety jap tuunëpën jajtëpën tëja'p. Ënet ja Ester jyotmaytyëjkëy ets tyëjkëy moonpë tujkpë, ojts tkexy ja wit ma ja Mardoqueo ets tjänëty ja wyit mëti'ipë kuumpën u'kxpën. E ja Mardoqueo ka'ap t'a'ijxëy.

Ester 9:31

ma tni'ënä'ämëtën ets ja Purim xëëw yajtunëty ma ënety të tpaatyën, ijxtëm ja yajkutujkpë Ester ets ja Mardoqueo të tni'ënä'ämëtën ma ja Judá ja'ayëtyën ets ma y'u'unk y'okëtyën. Ojts näjyëtu'un tkujayëtë ja ënä'ämën wi'ix yë ja'ay y'ayuu'atëty ets myontëty tyuktëty.

Job 2:8

Ënet ja Job jam nyaaxwe'tsy ma pu'uxm niko'owpety y'ityën. Jam tpaty yë tu'ts apu'u, yë'ëts nätyukjäjpëp ko tyäty xyi'ipyë.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Isaías 22:4

Paatyës të n'ëna'any: Jëwa'aktë, nikë minës je'eyë n'ëkyä'äxy; këtiipë pën y'ëna'anëty wä'änës nyaxmony, ets këtiipë pën y'ëna'anëty etsës njotkujkëty maas ja nnax nkajpn ja ëyo'on tpaatyën.

Isaías 58:5

¿Jä'ä jëtää miitsëty mmaytyë mtajtë koos yë'ëjës ntukjotkëtäkpy ko ja'ay mon tuk yajpaaty, ko ja'ay winta'ak naaxkow jyëtity tä tutkopkën ëkë ko ja'ay tuktëkë wit mëti'ipë kuumpën u'kxpën, ëkë ko ja'ay nyätyukuwo'kta'ayë kuyjaam ets naaxway? ¿Jëtu'unën ja'ay y'ayuu'atyë, jëtu'un yë ja'ay tmëjjaw tkënu'kxjawë Wintsënë?

Ezequiel 27:30

Nëjkxëp y'ëwë'ëktë ets mijts myajnijë'ë myajniya'axëty. Nëjkxëp naaxway nyätyukupëkëtë ets nëjkx jyaamyäts nyaaxyätstë.

Daniel 9:3

Ënet ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Jonás 3:6

Ko ja Nínive yajkutujkpë tnija'awëy ojts ënätyë tsyoony ma ja kyutujktaknën ets nyätyuknijääntutë ja wyit mëti'ipë myë''ëne'emypyën ets tuktëjkëy ja wit mëti'ipë kuumpën u'kxpën ets nyaaxwe'tsy naaxkëjxy.

Mateo 13:42

Jap yajpëjkta'aka'antë ma ja jëën mëj tyoyën, ma jyë'ëtëty ya'axtëty ets tyipkä'äxtëtyën.

Mateo 22:13

Ënet ja yajkutujkpë t'ënëmaay ja tyuunpë: Kë'ëtsumtë tekytsymtë ets xypyëjkta'aktëty jap tëja'p akootstuuy, ma ja'ay jyë'ëtëty ya'axtëtyën ets nyätyëtskääpëtëtyën.

Mateo 25:30

Ets ya'atë mëtuunpë mëti'ipë ka'ap oy myëtunyën, yajpëtsëmtë jap tëja'p, wä'än jap akootstuuy twë'ëmy. Ma myina'anyën ja jë'ëyën yaxën ets tsipkä'äxën.

Josue 7:6

Ja Josué ets ja mëjja'aytyëjkëty mon tuk ojts nyäyjyawëtë ko jëtu'un tmëtoowpatë, paaty yë wyit tkë'tstaaytyë ets ja naaxway nyätyuknipëjkëtë, tyajkëxë'ëktë jëtu'un ja monyëtukyë ets ja pëjkën ato'onën mëët ko ënety o'ktëy të jyat të kyëpätë. Ënet ojts jam nyëjkxtë ma ja Dios ja kyaaxë y'ityën ets nyäkyoxtënaaytyakëtë naaxkëjxy koonëm nyaxkukowëtë ets jëtu'un tyajtsu'ujëtyë.

1 Samuel 11:4

Tä ja kukäjpxy jam jyajtë Guibeá ma ja Saúl ënety tsyëënën ets tuknija'awëtyë ja naax kajpn mëti'ipë ënety amay'ajtp jotmay'ajtpën. Tä ja ja'ayëty tyëjkëtyääpyë jëëpyë yaxpë.