Ester 4:1 - Biblia Dc en Mixe de Quetzaltepec

¹ Ko ja Mardoqueo tnija'awëy tëkokyë mëti'ipë ënety të tyuny të jyätyën, ënät ojts tkëëty ja wyit ets tyajnikëxë'ëky jëtu'un ko ënety myony tyuky, tääts tuktëjkëy ja wit mëti'ipë kuumpën u'kxpën, ojts nyätyukupëkyë kuyjaam ets kajpnjoty tyëjkëy najxpë tëjkëpë, mëk jyänty yäxy jyänty jyojky mëët ja monyëtukyë.

Biblia Mixe de Quetzaltepec

¹ Ko ja Mardoqueo tnija'awëy tëkokyë mëti'ipë ënäty të tyuny të jyätyën, ënät ojts tkëëty ja wyit ets tyajnikëxë'ëky jëtu'un ko ënäty myony tyuky, tääts tuktëjkëy ja wit mëti'ipë kuumpën u'kxpën, ojts nyätyukupëkyë kuyjaam ets kajpnjoty tyëjkëy najxpë tëjkëpë, mëk jyänty yäxy jyänty jyojky mëët ja monyëtukyë.

Ester 4:1 Iomraidhean Croise

Génesis 27:34

Ko ja Esaú jëtu'un tmëtooy wi'ix ja tyeety y'ënä'änyën, ënät ojts tyëkë yaxpë ets mëk yujk'ënany: Tatë mooykyës näjyëtu'un wäänë yë kënu'kxën.

Génesis 37:34

Ënet yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënety të y'ooky të tyëkoy.

2 Samuel 1:11

Tää ja David mëët ja jyä'äy tyëjkëtyë moonpë tujkpë, yë'ëpaat ja wyit tyujkxyëty ojts tkëëtstë mëët ja ma'ayën tajën,

2 Samuel 13:19

ojts nyätyukupëjkta'ayë kuyjaam, kyë'tstaay ja wyit mëti'ipë ënety jam pyëjktäkpyën, je'eyë nyäkyumajtskëtakë ets ojts nyijkxy jëëpyë yaxpë tu'ktu'u.

Ester 4:2

Jëtu'un jam tyimja'ajty ma ja kutujkëntëjkën, je'eyëp ko jämyë nyaaxwä'ky tëjk'ëkë'ëm, jä'ä ko ka'ap ënety t'ëwa'atstë ja'ay jap tyëkëty këmoontëkoty pën yë'ë wit myëët'ajtyp mëti'ipë kuumpën u'kxpën.

Ester 4:3

Näyjyëtu'un maajaty ja kajpnën, ma ojts jyä'tyën jëtu'unpë ja ënä'ämën, ja Jutiiyë ja'ayëty ojts tyëkëtë moonpë tujkpë, jëëpyë yaxpë, tyajkëxë'ëktë ja monyëtukyë. May ojts ja'ay nyäkyo'okyë kuyjaamjoty ets tuktëjkëtyë ja wit mëti'ipë kuumpën u'kxpën.

Job 1:20

Ënet ja Job pyëti'ky ets tkë'tstëëy ja wyit, jä'ä mëk jya'ap ko ënety jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Job 2:8

Ënet ja Job jam nyaaxwe'tsy ma pu'uxm niko'owpety y'ityën. Jam tpaty yë tu'ts apu'u, yë'ëts nätyukjäjpëp ko tyäty xyi'ipyë.

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Isaías 15:4

Jya''amëtoow jyapëjktsoowtëp näypyutëkë yë Hesbón ja'ayëty ets Elalé ja'ayëty; jampaat ja jëtu'unpë ja aaw ayuk jyajnë Jahas. Paatykyëjxm ja Moab ja'ayëty ka'ap t'ëknija'awënëtë tii tyuunta'aktëpën.

Isaías 22:4

Paatyës të n'ëna'any: Jëwa'aktë, nikë minës je'eyë n'ëkyä'äxy; këtiipë pën y'ëna'anëty wä'änës nyaxmony, ets këtiipë pën y'ëna'anëty etsës njotkujkëty maas ja nnax nkajpn ja ëyo'on tpaatyën.

Isaías 37:1

Ko ja yajkutujkpë Ezequías tmëtoowpaty jëtu'unpë ja ayuk, ojts tkë'ëtswä'kxy ja wyit ets nyätyukxojxë ja wit mëti'ipë kuumpën u'kxpën mëët ko ëxëëk nyäjyawëty ets ojts nyijkxy ma ja Wintsën ja tsyajptëjkën.

Isaías 37:2

Tä tkejxy ja Eliaquim mëti'ipë wiinkëëpy kujkëëpyën ma ja kutujkëntëjkën, ja Sebná mëti'ipë kujääpyën ets ja teetytyëjkëty, mëjja'aytyëjkëty ojts ja wyit tuktëjkëtya'atë mëti'ipë kuumpën u'kxpën mëët ja amay jotmay ets ojts ninëjkxtë ja käjpxynyajxpë Jeséas, yë Amós yë myaank,

Isaías 58:5

¿Jä'ä jëtää miitsëty mmaytyë mtajtë koos yë'ëjës ntukjotkëtäkpy ko ja'ay mon tuk yajpaaty, ko ja'ay winta'ak naaxkow jyëtity tä tutkopkën ëkë ko ja'ay tuktëkë wit mëti'ipë kuumpën u'kxpën, ëkë ko ja'ay nyätyukuwo'kta'ayë kuyjaam ets naaxway? ¿Jëtu'unën ja'ay y'ayuu'atyë, jëtu'un yë ja'ay tmëjjaw tkënu'kxjawë Wintsënë?

Ezequiel 21:11

paaty të yajjëjpme'ey ets yajnajtstijëty. Tëë yajjëjpme'ey yajëjpwitsy ets tyajtunëty yë yaja'ay o'kpë.

Ezequiel 21:6

Mijts, ye'etyëjk, jë'ë ya'ax mëët ja monyëtukyë ets ja jotmay; winyaaxë ja naax kajpn.

Daniel 9:3

Ënet ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Miqueas 1:8

Paatyës nya'axa'any mon tuk; tekywya'atsës njëtita'any, koos nya'axëty jëtu'un yajmëtowa'any wax yowë yaxp ëkë jëtu'un tä yë pakëtsey yä'äxyën.

Sofonías 1:14

Tëë tyimwiinkony yë Wintsën yë xyëëw. Tim winkon, pe'tym wyinkony. Ta'amëm nëjkx yë ja'ay tjawëtë ko ënety ja Wintsën ja ëyo'on tyaj'ity: Yë'ëpaat yë ja'ayëty mëti'ipë jotmëkëtyën nëjkxëp y'ayaxtu'utë.

Mateo 11:21

Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Dios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Hechos 14:14

Ko tnija'awëtyë ja Pablo ets ja Bernabé, tää ojts jyotmaytyëkëtë ets ja wyit tkë'tstë jä'äkyëjxm ko jëtu'un yajwintsë'ëkëja'antë. Ënet jap nyajtskäkëtyë mayjyä'äyjoty ayaxp ajojkp:

Josue 7:6

Ja Josué ets ja mëjja'aytyëjkëty mon tuk ojts nyäyjyawëtë ko jëtu'un tmëtoowpatë, paaty yë wyit tkë'tstaaytyë ets ja naaxway nyätyuknipëjkëtë, tyajkëxë'ëktë jëtu'un ja monyëtukyë ets ja pëjkën ato'onën mëët ko ënety o'ktëy të jyat të kyëpätë. Ënet ojts jam nyëjkxtë ma ja Dios ja kyaaxë y'ityën ets nyäkyoxtënaaytyakëtë naaxkëjxy koonëm nyaxkukowëtë ets jëtu'un tyajtsu'ujëtyë.

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.