Ester 3:1 - Biblia Dc en Mixe de Quetzaltepec

¹ Jëtu'un ja xëëw jëmëjt tpaty ma ja Amán ojts mëj'äämpy ja yajkutujkpë pyëjktä'äkyën. Amán, Hamedata yë tyeety xyëëwajtyp, Agag y'u'unk y'ok, ja yajkutujkpë kyutënaay ma ja naax kajpnën.

Biblia Mixe de Quetzaltepec

¹ Jëtu'un ja xëëw jëmëjt tpaty ma ja Amán ojts mëj'äämpy ja yajkutujkpë pyëjktä'äkyën. Amán, Hamedata yë tyeety xyëëwajtyp, Agag y'u'unk y'ok, ja yajkutujkpë kyutënaay ma ja naax kajpnën.

Ester 3:1 Iomraidhean Croise

Génesis 41:40

Mijts yaa mwë'ëmëp maas yë nkutujktaknën ets tu'kë'ëyë nkajpnës mëmëtowëtëty. Mëti'ipë tëy ëjts yaa mëj naxaanp këtiinëm mijts, jä'ä ko ëjts yajkutujkpë.

Génesis 41:55

Ko ojts y'akëjxëtyääynyë yë jë'kxy pëky ma ja'ayëtyën jap Egiptë ets yuu mëk tja'awënëtë, ënät ojts nyëjkxtë ma yajkutujkpën jë'kxy'amëtoopë. Ënet yë yajkutujkpë t'ëtsooy ja Egiptë ja'ayëty: Nëjkxtë ma Joséjën ets yë'ë tuntë tii yë'ë nyi'ënä'ämëpën.

Esdras 7:14

Jä'ä ko yë yajkutujkpë ets niwëxtujkpë jyä'äy mëti'ipë ëëwij kajpxwijtëpën, yë'ë yam mkäjxëtëp ets nëjkx xy'ixy tyuny jam Judá ets jam Jerusalén, jëtu'un tä jap myinyën kuja'ay ja ënä'ämën tëyajtën ma mnokyën mëti'ipë mëët'ajtypyën.

Ester 1:14

Ja ja'ayëty mëti'ipë ënety tu'ukyë mëët nyäyaj'itëtën ja yajkutujkpë, ja Carsená, Setar, Admata, Tarsis, Merés, Marsená ets Memucán, niwëxtujk y'ijtë, aak mëj'äämpy ënety yajjëkyäptë jam Media ets Persië. Ya'atë ja'ayëty mëët tu'ukyë tyuntë ja yajkutujkpë jam ma ja nyaax kyajpnëtyën.

Ester 3:10

Ënet ja yajkutujkpë nyätyukë'ëji'tstutë ja kyë'ëjiits ets tmooy ja Amán, mëti'ipë ënety myëtsip'ajtypyën ja Jutiiyë ja'ayëty.

Ester 5:11

ets tukmëmëtyaktaay wi'ix ënety tmëëtëtyën ja wit meeny mëj këjää, wi'ix nyimayëtyën ja y'u'unk y'ëna'k ets wi'ix ja yajkutujkpë të myo'oyën ja ënä'ämtakn kutujktakn, yi'iyë atu'uk këtiinëm ja myëku'uktëjk ets wi'ix ni'ik mëj'äämpy të yajnaxyë.

Ester 7:6

Ja mëtsip mëti'ipë ëxëëk ja'ay'ajtpën, yë'ë tyaapë y'u'unyën, Amán, jëtu'un ja Ester y'ëtsooy. Ko jëtu'un ja Amán tmëtooy, jëtu'unyë ojts tyimmëkë, ka'ap y'ëktimyu'kxnë mëët ja mëktsë'ëkë ko twinku'ijxëy ja yajkutujkpë Asuero ets ja yajkutujkpë Ester.

Ester 8:3

Ester ojts jatëkok tninëjkxy ja yajkutujkpë Asuero ets twinkujijtëy mëët ja jë'ëyën yaxën tääts t'amëtooy tpëjktsooy ets ja yajkutujkpë tunëty ja mëyajtën: tpo'otëty ets tyaj'atëkoyëty ja ënä'ämën mëti'ipë ënety ja Amán të tyajkojyën, këtiipë jëna'a jëtu'un tyunëtëty jyatëtëty ja ëyo'on jotmay ma ja Jutiiyë ja'ayëty ënety të yajtuknipëjktaakëtën y'ooktëty.

Salmos 12:8

Yë ëxëëkja'aytyëjkëty xiitsow yaatsow yajpaatë, ets tëkokyë ja'ay aakyë'ë y'oyjya'awëtyëp ëxëëktu'un ëxëëk kajpxën.

Proverbios 29:2

Ko oyjyä'äytyëjkëty yë'ë yajkutuktë, jotkujk yë naax kajpn y'ity; ko ëxëëkja'aytyëjk yë'ë yajkutuktë, o'ktëy yë naax kajpn jyäty kyëpety.

Eclesiastés 10:6

yë yajkutujkpëtëjk tyuunkmooytyëp yë tsuuja'aytyëjk ets yë'ë myooytyëp tuunk mëti'ipë mëj'äämpy najxpën, e yë wijyjyä'äytyëjkëty yë'ë yajmooytyëp yë tuunk mëti'ipë ka'ap mëj'äämpy nyäxyën.

Daniel 6:2

Ojts tëkëëk tpëjktä'äky ja'ay mëti'ipë y'aye'eyëpën ja kutujktakn ma tyaapë kutuunktëjk të yajnikajpxpätën, këtiipë muum ja yajkutujkpë tsyiptëkëty. Daniel ojts näjyëtu'un yajtuknipëky ja tuunk ma ja nitëkëëkpë ojts yajnikajpxpätën mëti'ipë aye'ey anajxtëpën,

1 Samuel 15:33

E ja Samuel tyaa y'ënäny: Mëët yë mtëypyujxn may yë u'unktaak yë y'u'unk myääy xytyukyajni'o'ktuty. E timjëtu'un tä tääpë u'unktaak jyajtën, nän timjëtu'un tyam yë mtaak jyata'any. Tä ja Samuel t'apujx tukpujxëy ja Agag jam Guilgal, ma ja Wintsënën.

1 Samuel 15:8

Ojts tmatsy ja Agag mëti'ipë ënety jam ënä'ämpën ets ojts tyaj'o'kta'ay ja Agag ja tsyiptuunpëtëjk.