Ester 2:9 - Biblia Dc en Mixe de Quetzaltepec

⁹ Yë Ester oy ojts myëku'ukjawëty yë Hegai, paaty ojts ni'ik yajmëj'atyë ets oyëty ja jë'kxy pëky ets ja kääky uuky myooyë. Yë Hegai, niwëxtujk ojts twin'ixy ja to'oxy'ëna'k mëti'ipë ja Ester ixëtëpën. Ja Ester jam yajpëjktäky ma ja oypyë ja ijtaknën, ma ja yajkutujkpë ja jëën tëjk tmëëtëtyën, ma ja to'oxy'ëna'k nyiye'epyäjtën.

Biblia Mixe de Quetzaltepec

⁹ Yë Ester oy ojts myëku'ukjawëty yë Hegai, paaty ojts ni'ik yajmëj'atyë ets oyëty ja jë'kxy pëky ets ja kääky uuky myooyë. Yë Hegai, niwëxtujk ojts twin'ixy ja to'oxy'ëna'k mëti'ipë ja Ester ixëtëpën. Ja Ester jam yajpëjktäky ma ja oypyë ja ijtaknën, ma ja yajkutujkpë ja jëën tëjk tmëëtëtyën, ma ja to'oxy'ëna'k nyiye'epyäjtën.

Ester 2:9 Iomraidhean Croise

Génesis 39:21

yë José je'eyë ja Dios mëët y'ity ets xëmë pyutëk pyupetyë jap pujxn tëkoty, e jëtu'un'äämpy yë José ojts tmëmëtä'äky ets ja pujxntëjkëwent'ajtpë oy tsuj jyawëtëty,

Génesis 39:4

Ojts ja José tuk'oy'äty ets oy tsuj jyawëtëty ja wyintsën, tä ojts pyëjktä'äkyë ets tkëwent'atëty ja wyintsën. Yë'ë ojts yajtuknipëky tu'kë'ëyë winë mëti'ipë ja wyintsën myëët'ajtypyën ma jyëën tyëjkën ets kyuwits kyukëyëty.

1 Reyes 8:50

Mpokymyä'kxëp ja mnaax nkajpn mëti'ipë të mëtëkoyën. Mä'kxëp ja y'ëxëëkjot y'ëxëëk winma'anyëty ma ënety të mëtëkoyën, mijts mtunëp yë mëyajtën ets xypya'ëyow xynyajts'ëyowëty, pya'ëyowëtëty näjyëtu'un ja ja'ayëty mëti'ipë ënety tsumy matsy të yajnëjkxëtën.

Esdras 7:6

Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

Nehemías 2:8

ëpëky wiinkpë ja noky mëti'ipë ja Asaf yajtuknijayëpën, mëti'ipë kyëwent'ajtypyën ja yukjot kepyjyot mëti'ipë yajkutujkpë nyitënääpyën, ma yaj'ënëëmëtyën: ko wä'än xymyo'oyës ja kepy mëti'ipë ja tsajptëjk ja nyitëjk'aaw yajtuk'oytyunëpën ets mëti'ipë ja kajpnpa'a ja nyitëjk'aaw näjyëtu'un yajtuk'oytyunëpën ets näjyëtu'un maas ëjts ntsëënëja'anyën. E ja yajkutujkpë ojtsës xymyo'oy jä'ä ko yë'ë ënety ja Wintsën mëët ja pyutëjkën nmëtä'äkyës.

Ester 2:12

Tëkokyë ja to'oxy'ëna'këty majkmäjtsk po'o ojts yaj'oytyuntë ets oyëtypë ja kääky uuky yajmo'otë; tëtujk po'o ojts ja nyini'kx yaj'oytyuntë mëët tu'uk yë on mëti'ipë tyijtëpën mirra, ets tëtujk po'o ojts yaj'oytyuntë mëët yë wiinkëtypë on ets tsooy mëti'ipë pa'akxu'kpën, mëti'ipë yajtuuntëpën ja to'oxytyëjkëty. Ko yaj'oytyuuntaaytyë, nitu'ukjaty ojts yajtukniwitsëtë ets nëjkx twinkuwa'akëtë ja yajkutujkpë Asuero.

Ester 2:3

Nikë wä'än yë yajkutujkpë tuknipëky yë ja'ay, maajaty ja naax kajpnën, mëti'ipë ya'atë kuttujkën nyitënääpyën; yë'ë y'ixta'atëp ja to'oxy'ëna'k ets jam twoownëjkxtëty ma yajkutujkpë ja y'ijtaknën, jam Susa, ma ja tëjkën ma to'oxy'ëna'k y'itën ets yajtuknipëkëty yë Hegai ets yë'ë t'ijx'it tkëwent'atëty. Tääpë Hegai nyija'ap yë yajkutujkpë ko oy jyä'äy'äty, wä'änts yë'ë tyajkay tyaj'uuky yë to'oxy'ëna'k; wä'än t'ixy tmëyäty ets wä'än yajxon tyajtsooypyetsy ets t'oytyuny.

Ester 5:2

Ko ja yajkutujkpë t'ijxy tam tyänë ja yajkutujkpë Ester, janty yujy janty tëtä'äky ojts nyäpyëjktä'äkyë mëët ja Ester, ënätyë tuknikäjpy ja tyajk mëti'ipë oytyunyën mëët ja pu'ts pujxn mëti'ipë kyë'ëkap'ajtypyën ets jä'ä mëët tukmëjwo'ony.

Salmos 106:46

Ojts tyajkutuky ets ja naax kajpn mëti'ipë ënety të myëmëta'akëtën, oy jyëkyäpëtëty ets myëët'atëtëty.

Proverbios 16:7

Ko Dios t'oy'ixy ko yë ja'ay oypyëtsëëmp yë tyu'unën kyajpxën, yë'ëpaat yë myëtsip mëët nyämyë'oypyikyë.

Daniel 1:9

Dios ojts tyuny paaty ja wintsën mëti'ipë jam tuunpën ma ja kutujkëntëjkën oy ojts tja'akyukë tä ja Daniel y'ënëmaayën,

Hechos 7:10

Ojts ja Dios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.