Ester 10:2 - Biblia Dc en Mixe de Quetzaltepec

² Tëkokyë mëti'ipë tyuunën kyajpxën mëët ja kyutujkën ets ja y'ënä'ämën ets ko tmooy ja mëj tuunk ja Mardoqueo, jap myiinta'ay këxja'ay ma ja nokyën mëti'ipë jyä'ä'ajtëpën ja yajkutujkpëtëjk jampë tyuuntën Media ets Persië.

Biblia Mixe de Quetzaltepec

² Tëkokyë mëti'ipë tyuunën kyajpxën mëët ja kyutujkën ets ja y'ënä'ämën ets ko tmooy ja mëj tuunk ja Mardoqueo, jap myiinta'ay këxja'ay ma ja nokyën mëti'ipë jyä'ä'ajtëpën ja yajkutujkpëtëjk jampë tyuuntën Media ets Persië.

Ester 10:2 Iomraidhean Croise

1 Reyes 11:41

Ma ja Salomón yajnimëtyä'äkyën, ja wyijy'ajtën, ja y'ijxpëky'ajtën ets tëkokyë mëti'ipë tyuunën, jap myiinta'ay kuja'ay ma ja nyinokyën.

1 Reyes 14:19

Ja nyikäjpxy nyimëtyä'äky ja Jeroboam, tiijaty tyuunën, wi'ix ojts tsyiptunyën ets wi'ix tyuunyën ko y'ijty yajkutujkpë, jap myiinta'ay këxja'ay ma ja nokyën mëti'ipë yajtijpën Crónicas, ma kyuja'ayëtyën ja tyu'unënëty kyajpxënëty ja yajkutujkpëtëjk.

1 Reyes 22:39

Ja nyikäjpxy nyimëtyä'äky wi'ix ja Ahab ojts yajkutukyën, mëti'ipë tyuunën kyajpxën ets kyutujktakn mëti'ipë yë'ë kyojën mëët janty oyëtypë pajk ets ja naax kajpn mëti'ipë yaj'ëxtakën, jap myiinta'ay këxja'ay ma ja nokyën mëti'ipë jyä'ä'ajtëpën ja yajkutujkpëtëjkëty.

Ester 2:23

Ya'atë jotmay ojts yajnipaye'ey ets tyajtëytyëkëja'antë; ko tyiytyëjkëy, ënät ojts yajni'ënä'ämëtë ya'atë nimäjtskpë ja'ayëty, mëti'ipë ënety nyiwintsën'ajtëpën ja tsiptuunpëtëjk jampë kyëwent'atën ma ja kutujkëntëjkën ets ojts yajyo'ktëytyë. Ya'atë jëtu'unpë jotmay ojts yajkuja'ay nokyjoty ets yaja'amyätsëty. Jap ojts wyi'imy këxja'ay ma tnikäjpxy tnimëtyä'äkyën winë, mëti'ipë tuunëp jajtëpën ma ja naax kajpnën.

Ester 6:1

Jä'ä tsu'um, ja yajkutujkpë ka'ap myääy, paaty tni'ënä'ämëy ja noky ets tyajmintëty ma jap myinyën këxja'ay tëkokyë winë mëti'ipëjaty tuunëp jajtëpën ma ja naax kajpnën ets yajtukwinkukajpxëty.

Ester 8:15

Jä'ä xëëw ja Mardoqueo jap pyëtsiimy ma ja kyutujktaknën, jä'ä wyit tyuktëjkëy mëti'ipë ja yajkutujkpëtëjk wyit'ajtëpën; jä'ä wyooxyëty poop ets yëktsuxk, ojts ja pu'ts pujxn kujän tpëjktä'äky ma kyëpajkën ets nyätyukniyä'pë tu'uk ja mëjwit, tsapts wyooxyëty, oywyit. Tä ja mayjyä'äy tyëjkëtyë yaxpë jojkpë mëët ja mëj xoontakën;

Ester 8:2

Ënet ja yajkutujkpë Asuero nyätyukë'ëji'tstutë ja kë'ëjiits mëti'ipë ja Amán ijty yajtuumpyën ets tmooy ja Mardoqueo. E ja Ester yë'ë ojts tuknipëky ja Mardoqueo ets tniwintsën'atëty tëkokyë winë mëti'ipë ja Amán jyä'ä'ajtypyën.

Ester 9:4

Yë Mardoqueo mëj'äämpy ojts y'awinpity ma ja kutujktaknën ets akäjpxy ojts y'ity, ni'ikyë ënety myëjwiinë kyëjääjë ja kyutujkën.

Salmos 18:35

Mijtsës xykyuwaanp etsës xyajnitso'oky. Yë m'a'oykyë'ë yë'ëjës xytyukmajts'ijtp, ets mëët yë m'oyjot m'oywyinma'any ni'ikyës nnäjyawëty nyeeky npety maas winë nmëëtëtyën.

Daniel 2:48

Ënet ja Babilonyë yajkutujkpë ojts tpëjktä'äky mëj wintsën ma ja Babilonyë kajpnën, ojts näjyëtu'un tmo'oy may yë näynyamo'ojë ets näykyumayë, ojts tuknipëky ets y'itëty yajkutujkpë ma ja y'itjotmën ja Babilonyë ja'ayëty ets yë'ë ojts näjyëtu'un tpëjktä'äky ets tniwintsën'atëty ja ijxpëkyjyä'äytyëjkëty mëti'ipë jam ma ja naax kajpn yajpatëpën.