Ester 1:2 - Biblia Dc en Mixe de Quetzaltepec

² Yë kyutujktakn jam ënety tmëëtëty ma tu'uk kajpn txëëwatyën Susa.

Biblia Mixe de Quetzaltepec

² Yë kyutujktakn jam ënäty tmëëtëty ma tu'uk kajpn txëëwatyën Susa.

Ester 1:2 Iomraidhean Croise

2 Samuel 7:1

Ko ja David ënety tëë ja kyutujktakn tpatnë ets ka'ap nëkooyë ma ja jëën tsip t'ëkmëët'ajnë mëët ja myëtsiptëjk mëti'ipë jam yajpatëpën winkon,

1 Reyes 1:46

E yë Salomón tëë ja kutujktakn tpëky ma ja ënä'ämtäknën,

Nehemías 1:1

Yaa jëtu'un yajnikäjpxy yajnimëtyä'äky ja Nehemías, yë Hacalías yë myaank, ma y'i'px jëmëjtpetyën maju'unëm tyëkën yajkutujkpë yë Artajerjes, ma y'änyën yë Quisleu po'o, ëjts mëti'ipë nxëëwajtypyën Nehemías jamës ënety ntsëënë Susa

Ester 2:3

Nikë wä'än yë yajkutujkpë tuknipëky yë ja'ay, maajaty ja naax kajpnën, mëti'ipë ya'atë kuttujkën nyitënääpyën; yë'ë y'ixta'atëp ja to'oxy'ëna'k ets jam twoownëjkxtëty ma yajkutujkpë ja y'ijtaknën, jam Susa, ma ja tëjkën ma to'oxy'ëna'k y'itën ets yajtuknipëkëty yë Hegai ets yë'ë t'ijx'it tkëwent'atëty. Tääpë Hegai nyija'ap yë yajkutujkpë ko oy jyä'äy'äty, wä'änts yë'ë tyajkay tyaj'uuky yë to'oxy'ëna'k; wä'än t'ixy tmëyäty ets wä'än yajxon tyajtsooypyetsy ets t'oytyuny.

Ester 2:5

Jam Susa, jam ijty tsyëënë tu'uk Jutiiyë ja'ay, Mardoqueo xyëëwajtyp, Jair myaank, yë'ë y'ok'u'unk yë Simí ets Quis, Benjamín y'u'unk y'ok.

Ester 3:15

Ja noky ënätyë ye'eywya'kxtaay, jä'ä ko jëtu'un ënety ja yajkutujkpë të tni'ënä'ämë, ya'atë noky ojts jam Susa yajkajpxwä'kxy. E ja yajkutujkpë uktëp mukëtëp ënety jap mëët ja Amán, tyam ja ja'ayëty mëti'ipë jam Susa kukajpnajtëpën myoontëpë tyujktëpë.

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kuttujkën mëti'ipë jää ijtpën. E pën xyaj'o'ktëpës, wä'än t'ixy.

Daniel 4:4

Ëjts Nabucodonosor, jotkujkës ënety jam njuuky'äty maas yë nkutujktaknën ets nitiijës ënety nkamëmay nkamëtajy.

Daniel 8:2

Maas ënety jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.