Esdras 2:1 - Biblia Dc en Mixe de Quetzaltepec

¹ Ya'atë Judá ja'ayëty yë'ë ojts wyimpitë jatëkok, jam tsyo'ontë Babilonyë, ma ënety ja yajkutujkpë Nabucodonosor të myëët'atëtën tsumy matsy. Ko ojts tpatnë jajëmëjt tääts ojts jatëkok wyimpijnëtë jam Jerusalén ets jam Judá; nitu'ukjaty ojts tpata'atë ja nyaax kyajpnëty.

Biblia Mixe de Quetzaltepec

¹ Ya'atë Judá ja'ayëty yë'ë ojts wyimpitë jatëkok, jam tsyo'ontë Babilonyë, ma ënäty ja yajkutujkpë Nabucodonosor të myëët'atëtën tsumy matsy. Ko ojts tpatnë jajëmëjt tääts ojts jatëkok wyimpijnëtë jam Jerusalén ets jam Judá; nitu'ukjaty ojts tpata'atë ja nyaax kyajpnëty.

Esdras 2:1 Iomraidhean Croise

2 Reyes 25:11

Ojts ja Nabuzaradán tmënëjkxta'ay ja ja'ay jam Babilonyë, mëti'ipë ënety të jyaakwë'ëmtën kajpnjotm ets ja mëti'ipë tëë tja'aypyëjknëtën ja Babilonyë yajkutujkpë ets näjyëtu'un ja ja'ayëty mëti'ipë pi'tëpën kojtëpën.

1 Crónicas 9:1

Je'eyëp ko ja ja'ayëty mëti'ipë jyä'äyäjtypyën ja Judá, ojts ja jam tsyo'ontaaynyëtë ma nyaax kyajpnëtyën tsumy matsy, mëët ko ënety ja tuuntëko'oy kajpxtëko'oyën tmëët'atë.

1 Crónicas 9:2

Ja ja'ayëty mëti'ipë ojts jatëkok wyimpitën ma ja nyaax kyajpnëtyën ets jatëkok jam tsyënaaytyaknpëjktë, jä'ä ja teetytyëjkëty, Leví jyä'äyëty ets ja mëti'ipë jap tsajptëkoty tuuntëpën.

Esdras 1:11

Aakyë'ë myënëjkxtaay yë Sesbasar, ko wyinpijnëtë jam Jerusalén, ma tsyo'ontën jam Babilonyë, ko ojts yaj'ëxmajtsnëtë.

Esdras 2:2

Ja ja'ayëty mëti'ipë pyatso'ontën ja Zorobabel, jä'ä xyëëwajtëp: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm ets Baaná. Ya'atë ja'ayëty aakyë'ë y'u'unk y'ok yë Israel.

Esdras 2:70

Ojts jam Jerusalén wyë'ëmtë tsënääpyë, yë teetytyëjkëty, Leví ja'ayëty, kajpn ja'ayëty, mëti'ipë ëëwtëpën ets mëti'ipë ja tsajptëjk kyëwent'ajtëpën ets nän may ojts ja Israel ja'ayëty nyëjkxtëpë ma ja nyaax kyajpnëtyën ets ma ja jyëën tyëjkëtyën.

Esdras 6:2

e jam ma ja kyutujkëntëjkën ja Ecbatana, ma Media y'itjotmën, jam yajpaty tu'uk ja noky, ma tnimëtyä'äkyën ya'atë ja aaw ayuk:

Esdras 8:35

Ok, ja ja'ayëty tkë'ëyajktë ja wintsë'kën ma Tiosën, mëti'ipë ënety të yaj'ëxwoptën ets ënety tsumy matsy të yajmënëjkxtë wiink kajpn. Ojts tmëjjaw tkënu'kxyjyawëtë ko ënety jatëkok të tpaatë ja nyaax kyajpnëty, paaty ojts ja Dios ja wyintsë'kën tmo'otë. Majkmäjtsk yë tsajpkaa tyaj'o'ktë, majkta'px majkmokx tu'uk yë tsajppax, tëkë'px majkmokx mäjtsk yë kupixyny ets majkmäjtsk yë tsajppax ayääkë. Yë'ë ojts yë nyëë pyoky tukunaxtë ya'atë jëyujk ooky, aak tsa'ay aak no'oky yë Dios tukwintsë'ëkëtë.

Nehemías 12:1

Ya'atë jëtu'un ojts tyeety'atë ets Leví ja'ayëty mëti'ipë jatëkok winpijtën jam Jerusalén mëët Zorobabel, myaank yë Salatiel ets mëët yë Josué: Jä'ä ja teetytyëjkëty mëti'ipë txëëwajtëpën: Seraías, Jeremías, Esdras,

Ester 1:1

Ya'atë aaw ayuk mëti'ipë yam yajnimëtya'akaanpën, jää ojts tyunyë jyätyë ma yajkutukyën yë Asuero. Jä'ä ënety tnitänë ja it naaxwiinyëtë mëko'px ja i'px wëxtujk it, tyimtsoony jam India ets jyä'ty Etiopíë.

Ester 1:11

ets nëjkx twowtë ja yajkutujkpë to'oxytyëjk Vasti ets tmëminëty ja kujän mëti'ipë ja yajkutujkpë to'oxytyëjk yajtuuntëpën, jëtu'un ja naax kajpn t'ixëty wi'ix ja yajkutujkpë to'oxytyëjk y'oy tsyujëtyën, jä'ä ko ja yajkutujkpë Vasti janty'oy ënety kyëxë'ëky.

Ester 1:3

Kom tëkëëk jëmëjt ma ënety yajkutukyën, jää tnipëjktakëy tu'uk ka'ayën ukën. Wa'ats twoowmujktaay ja wintsëntëjk, ja mëti'ipë kutuunk'ajtëpën ets ja tsiptuunpë wintsënëty, maajaty kajpn kajpn yajpaatën, mëti'ipë ënety të tniwa'aktën ko ja tsip y'ijty,

Ester 1:8

Ja yajkutujkpë tëë ënety tnikäjpxy ma ja tyuunpëtëjkën ko këtii pën yajtuk'atsip'atëty ja nëë, ka'ap pën atsip y'uukëty, kë'ëm ja'ay t'ixtëty jënu'un y'uuka'anyën.

Ester 8:9

Ja yajkutujkpë ja jyääpyëtëjk ënätyë ojts yajmëkajpxta'atë. I'px tëkëëk ënety ja mëtëkëëk po'opë y'äny, ja Sivan po'o. Tëkokyë mëti'ipë ja Mardoqueo nyi'ënä'ämëyën yajkujaaytyääy ets yajtuknikäjxtë ja Jutiiyë ja'ayëty, yajkutujkpëtëjk ets kutuunktëjk ma ja mëko'px ja i'px wëxtujkpë ja kajpnën, mëti'ipë jam India ets jampaat Etiopíë yajpatpën; aakjëtu'un ja noky yajjaay tä kyajpxtën ets wi'ix ja tja'atën. Ja Jutiiyë ja'ayëty ojts ja nyoky yajtuknikäxtë tä kyajpxtën ets jya'atën.

Isaías 48:20

Käkpëtsëmtë jam Babilonyë, kukä'äktë yë Babilonyë ja'ayëty. Mëk tukyaax tukjokëtë mëët ja jotkujk'ajtën, tuk'ëwaanëtë wä'än timpyënëty naaxwiinyëtë apëtsëmy: Ënëëmëtë ko ja Wintsën tëë tyaj'ëwaatsëpëtsëmy ja Jacob mëti'ipë tyuunpë'ajtypyën.

Jeremias 50:19

Ëjts nyajwinpitäämpy jatëkok yë Israel ja'ayëty ma nyaax kyajpnëtyën, jëtu'unës nyajwinpita'any tä tu'uk yë kupixyny yajtukniwoyën yë jyi'kxy jam Carmel, Basán, ëkë ma Efraín kyopk jotmën, jam Galaad.

Lamentaciones 1:3

Ëyoop mëtuunp Judá tyam, tsumy matsy yajpaaty wiink naax wiink kajpn. Mëti'ipë ijty naax kajpn y'ëne'empyën, tyam ka'ap pyo'kxy. Mëti'ipë të yajpapo'oyën tëë yajnajtspaatë ma y'axu'utstëkën.

Lamentaciones 1:5

Yë'ë myëtsip mëtaktëp, yë myëtsip winpäjtëp. Yë Wintsën yajmoon yajtujkëp mëët ko të pyokytyuny. Tsumy matsy yë y'u'unk y'ëna'k të yajnëjkxëtë myëtsip wiink naax wiink kajpn.

Lamentaciones 4:22

Mijts Sión kajpn, tëë nyäxy ja mtëytyu'unën; ka'ap yë Wintsën m'ëk ixkäxanënë mnaaxjoty mkajpnjoty. Je'eyëp ko tyiytyunäämpy yë mtëko'oyën mijts Edom kajpn ets yajnikëxë'ëkäämpy ma të mtëkoyën.

Sofonías 2:7

Yë Judá ja'ayëty mëti'ipë ënety të jyaak tso'oktën, yë'ë nëjkx tääpë naax kajpn tjä'ä'atë ko ënety ja Wintsën nyiminëtë ets pyutëkëja'anëtë ets jotkujk jyuuky'atëty. Jam nëjkx ja kyupixyny tkëwent'atë ets koots nëjkx pyo'kxtë pyëktë ma ja jyëën tyëjkëtyën jam Ascalón.

Hechos 23:34

Ja yajkutujkpë Félix ojts tkäjpxy ja noky. Tääts tyajtëëy ja Pablo'ajtp maa tsyoony; ko tnija'awëy ko Cilicia y'itjotm tsyoony.