Daniel 8:8 - Biblia Dc en Mixe de Quetzaltepec

⁸ Ja tsajppax ni'ikyë ja yaj'ixy myëktä'äky, e ma ënety yajxon të myëjaawtëkën, ënät të tyijy ja mëjpë ja wyaj ets të pyëtsimy taxk wiinkpë ja wyaj tu'uk nyas'ixë xëëwpëtsëmtsyow, tu'uk xëëwkëtä'äkytsyow, tu'uk anëkëjxytsyow ets tu'uk ëpa'tkë'ëytsyow.

Biblia Mixe de Quetzaltepec

⁸ Ja tsajppax ni'ikyë ja yaj'ixy myëktä'äky, e ma ënäty yajxon të myëjaawtëkën, ënät të tyijy ja mëjpë ja wyaj ets të pyëtsimy taxk wiinkpë ja wyaj tu'uk nyas'ixë xëëwpëtsëmtsyow, tu'uk xëëwkëtä'äkytsyow, tu'uk anëkëjxytsyow ets tu'uk ëpa'tkë'ëytsyow.

Daniel 8:8 Iomraidhean Croise

2 Crónicas 26:16

Je'eyëp ko ojts nyäjyawëty tëë myëktä'äky jam ma kutujktaknën, amëj akëjxm ojts y'awinpijnë. Ka'ap ja Wintsën t'ëkmëj'ijxnë, tëjkënyëp jap tsajptëkoty kë'ëmwinma'any ets tno'ky ja poom kë'ëmwinma'any ma ja poom wintsë'këntyaknën.

Ester 9:4

Yë Mardoqueo mëj'äämpy ojts y'awinpity ma ja kutujktaknën ets akäjpxy ojts y'ity, ni'ikyë ënety myëjwiinë kyëjääjë ja kyutujkën.

Jeremias 49:36

Mëkpoj ëtsu'ux poj nyajminäämpyës xiitsow yaatsow ma tyaapë kajpnën ets jëtu'unyë pyojwa'kxta'atëty ja ja'ayëty ma ja naax kajpnën, oymyaakajpnëty nëjkxëp jam nyajtskäkëtya'atë mëti'ipë käktëpën.

Jeremias 5:27

Ujts yë jyëën tyëjk tsoky mëët mëti'ipë mye'tsypyën, jëtu'un tä muum ja'ay tyaj'utsyën yë kyäty mëët yë joon mëti'ipë myäjtsypyën. Jëtu'un'äämpy të nyäyyajkumeenytyä'äkyë ets të nyäyaj'awinpityë jotmëk,

Ezequiel 16:7

Ets nyajye'ky tä aay ujts yonyën kamjoty, ojts myeeky mpety, koonëm m'awinpijty tu'uk to'oxytyëjk, ojts ja mtsi'tsk yeeky ets myujxtaay ja mwaay. Je'eyëp ko mniwa'ats m'ëxwa'ats.

Ezequiel 28:9

¿Jëtu'un je'eyëm m'ëna'ana'any ko mijts mjëtu'unëty tä tu'uk tiosën ko ënety jam ma mëtsipën myajpatnë?. Ko ënety myajpatnë ma ja'ayëtyën mëti'ipë myaj'ookanëpën mijts nitii mëk'ajtën xykyamëët'ata'any ma mnaaxwinyëtë ja'ay'ätyën.

Daniel 11:4

E ma ënety të tyajkopkpëkyën ja kyutujktakn, jää nëjkx ja kyutujktakn yaj'ëxwa'any ets taxkpëky nëjkx nyäwyä'kxyë. Yë kuttujkën mëti'ipë ënety myëët'ajtypyën ja yajkutujkpë ka'ap nëjkx ja y'u'unk y'ok t'ëkjä'ä'ajnë ets nän ka'ap nëjkx ja kuttujkën mëk y'ëkyajpatnë tä ënety të pya'tkë'p'atyën, jä'ä nëjkxëp nyäwya'kxënë ets wiinkëtypë ja'ay nëjkx jam y'ënä'ämnë.

Daniel 4:31

Tam ënety kyajpx ëtë'ëtsynyëm ko jam tsajpjotm yajmëtooy käjpxy y'ënä'äny: Mëtow yajxon mijts Nabucodonosor yajkutujkpë. Yë mkutujktakn ka'ap mijts xy'ëkjä'ä'ajnë;

Daniel 5:20

E ko ojts tyuktëkëty ja nämyëjjaw näjyääntyjyawë, tääts winë wiinkjaty tuuny, yë'ëts ojts yajtëkoyë, tääts yajpëjkëy ja kyutujktakn ets ja myëj'ajt y'oyajtën mëti'ipë ënety myëët'ajtypyën ma yajkutukyën.

Daniel 7:2

Ënätës të nwin'ixy, ko taxk it pyojy ets jëtu'un ja mejy jyänty pyojminy jyänty pyojxëpy.

Daniel 7:6

Ja mëtëkëëkpë jëtu'un yaj'ixy poop kaajën, je'eyëp tap taxk tmëëtëty yë kyäkn jëxkë'p; ets të n'ixyës ko nän taxktëm yë kyëpajk ets tëë yajmo'oy yë kuttujkën.

Daniel 8:22

Ja taxkpë ja waj mëti'ipë të pyëtsimyën ko ja mëët tu'ukpë të tyijy, yë'ë y'antijpy ko taxk yë yajkutujkpë jyaak ita'any ma ja kajpnën, je'eyëp ko ka'ap jëtu'un mëj'äämpy y'ita'antë tä ja mëjëyëjpën.

Daniel 8:5

Yë'ëjës ënety jam nmëmääpy nmëtäjpynyëm mëti'ipës ënety të n'ixyën, ko tu'uk të myiny yë tsajppax maatsow yë xëëw pyëtsimyën, pëyi'ikyë myiny jëtu'un yaj'ixy pojjoty yowë pyëyi'iky. Tyaapë tsajppax tam tu'ukyë wyaj tmëëtëty ma wyimpokën,

Daniel 8:7

ets të tëjë mäjtskëty ja wyaj, ka kupixyny ka'ap të t'ëkjëkyäjpnë wi'ix nyäkyuwa'anëtëty. Ok ja tsajppax të tyajkëtay ja kupixyny ets të tnäjpminy të tnäjpxëpy, ni pën të kyaminy ets jeexyë të tyajtso'oky ja kupixyny.

Mateo 24:31

ets tkäxa'any ja anklëstëjk mëët ja pujxnxuxn mëti'ipë mëk tyukxu'uxantëpën ets myujkta'aja'antë xiitsow yaatsow ja ja'ayëty mëti'ipë ënety të yajwin'ixtën, tyso'onta'akëty ma xëëw pyëtsimyën ets jampaat ma kyëtä'äkyën.

Marcos 13:27

Yë'ë kyäxäämpy ja anklëstëjk ets ja ja'ay twoowmujkta'ajëty mëti'ipës të nwinwitsyën tu'ktsajp'akëtä'äky, mapaat yë naaxwiinyëtë tsyo'ontä'äkyën ets mapaat yë tsajp jyëjpkëxyën.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Apocalipsis 7:1

Ko jëtu'un y'ëkjajty, ënätës n'ijxy ko ja tsajpjotmëtë kukäjpxy nimajktaxk tyänëtë jam taxk täk këjxm ma ja naaxwiinyëtë ja tyäkën. Jamts ja poj t'awa'ktuktë oymyëti'ipë pojëty, naaxwinkëjxypë, mejy wiinkëjxypyë ets ujtskëjxypë.