Daniel 8:3 - Biblia Dc en Mixe de Quetzaltepec

³ Jëkämës n'ixy, tu'uk yë kupixyny ayääkë jam nëëpë'am. Mäjtsk yë wyaj tmëëtëty, ok ënety tu'uk të myuxy je'eyëp jaakyeny ets ja kon ja myëku'uk.

Biblia Mixe de Quetzaltepec

³ Jëkämës n'ixy, tu'uk yë kupixyny ayääkë jam nëëpë'am. Mäjtsk yë wyaj tmëëtëty, ok ënäty tu'uk të myuxy je'eyëp jaakyeny ets ja kon ja myëku'uk.

Daniel 8:3 Iomraidhean Croise

1 Crónicas 21:16

Ko ja David y'ijxë'ky, ënät t'ijxy ko tamtëm ja Wintsën ja kyukäjpxy yajpaaty, tam tkë'ëkë'ë'aty ja tyiypyujxn ets itkujky yajpaaty ma ja naaxwiinyëtë mëët ja tsajp nyäpyäätyë ets ja tyiypyujxn jamtëm tnajtstijë ma ja Jerusalén kajpnën. Ja David mëët ja mëjja'aytyëjk tëë ënety nyätyukxoxëtë wit këëtsëtypë ets twinkuxtënaaytyë ja Wintsën ja kyukäjpxy,

Esdras 1:2

Jëtu'un ja Ciro y'ënä'äny mëti'ipë yajkutujkpën jam Persië: Yë Wintsën, mëti'ipë ijtpën tsajpjotm yë'ë ojts t'ëwa'atsy etsës ëjts njä'ä'atëty ja kutujktakn naaxwiinyëtë apëtsëmy e yë'ëtsës të xytyuk'ëne'emy etsës nkojëty tu'uk Tsyajptëjk jam Jerusalén, ma Judá y'itjotmën.

Esdras 4:5

Ojts tjawin'ëëna'antë ja wintsëntëjkëty mëët ja wit meeny, e ja wintsëntëjkëty ka'ap ojts nyäkyë'ëyakëtë, oy ja kutuunktëjk ojts tyuntë mapaat yajkutujkyën ja Ciro jam Persië ets Darío.

Ester 1:3

Kom tëkëëk jëmëjt ma ënety yajkutukyën, jää tnipëjktakëy tu'uk ka'ayën ukën. Wa'ats twoowmujktaay ja wintsëntëjk, ja mëti'ipë kutuunk'ajtëpën ets ja tsiptuunpë wintsënëty, maajaty kajpn kajpn yajpaatën, mëti'ipë ënety të tniwa'aktën ko ja tsip y'ijty,

Isaías 13:17

Ntsipwinkajpxëjäämpyës yam yë Medë ja'ayëty, mëti'ipë ka'ap nëkooyë tmëmay tmëtajtën yë wit meeny, mëti'ipë ka'ap ja poop pujxn pu'ts pujxn tpajëtitën.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Isaías 44:28

Jëtu'unës n'ënëëmë yë Ciro: Tyampaat ka'ap ënety maa të yajnijawë'aty yë Ciro xyëëw, mëti'ipë jam Persië yajkutujkpën, oy muum pën të tjanimëtyä'äky. Mijts yë'ë mtunëp mëti'ipës ëjts ntsojkpyën xytyunëty. Yë Jerusalén kajpn jëtu'unës n'ënëëmë: mijts myajkoj'oyëjaanp jatëkok, yë mtsajptëjk nëjkxëp jatëkok yë nyipotsy ëjx tya'tspëky.

Jeremias 51:11

Yë Wintsën yajkutëkoyäämpy yë Babilonyë kajpn, tëë yë Media yajkutujkpë tukmëtoy ya'atë ëyo'on jotmay. Jëtu'un ja Wintsën tukumëtowa'any ja naax kajpn ja nyëë pyoky, mëët ko ëxëëk të y'ëtë'ëtstë ma tsyajptëjkën. Nipëjktaakëtë ja ti'pxn. Mëk majts'itë yë m'akëëytyuk.

Daniel 10:5

Ënätës ajotkumonë të n'ijxpaaty tu'uk yë ja'ay, yë'ë wyit'ajtyp yë Linë wit ets yë'ë wyëën'ajtyp yë pu'ts pujxn wa'atspë.

Daniel 2:39

Ok wiinkpë yajkutujkpë pyëtsëma'any mëti'ipë naxy nëjkx nyäxy ma mijtsën ets nëjkxëp wiinkpë yajkutujkpë jyää'aty, mëti'ipë të xy'ixyën tä tsuxkpujxnën, mëti'ipë nëjkx näjyëtu'un y'ëne'emyën naaxwiinyëtë apëtsëmy.

Daniel 5:31

ets Darío, Media ja'ayën yë'ë ojts tyëkë yajkutujkpë. Jä'ä ënety yë Darío jyëmëjt tëkë'px mäjtsk.

Daniel 6:28

Ets Daniel je'eyëm ojts y'ity wintsën ma ja Darío ja kyutujktaknën ets ma ja Ciro näjyëtu'un yajkutujkyën, mëti'ipë Persëja'ayën.

Daniel 7:5

Ja mëmäjtskpë jëtu'un yaj'ixy tä osën, tu'kpa'a këjxm yaj'ixy ja nyini'kx, yë'ë y'akap'ajtyp tëkëëk yë jëwiits pajk; ets të nmëtoyës yaj'ënëëmë: Nëjkx mtsu'utsy, tii mtimytsyu'utsäämpyën.

Daniel 8:2

Maas ënety jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.

Daniel 8:20

Yë tsajppax mëti'ipë të yaj'ijxpën ko mäjtsk yë wyaj yë'ë y'antijpy yë yajkutujkpëtëjk mëti'ipë Media ja'ayën ets Persë ja'ayën.

Zacarías 1:18

Ojtsës näjyëtu'un jatëkok nkumaakojnëpë, yë'ëjës yë tsajpkaawaj taxk n'ijxyp.

Zacarías 2:1

Ojts jatëkok nwinkuma'ayës. Tu'ukës yë ja'ay n'ixy yë'ë kyë'ëwits'ajtyp tejxyp mëti'ipë mëët yë ja'ay winë tkijpxyën.

Zacarías 5:1

Ojtsës jatëkok nwinkumaakojnëpë, yë'ëjës nwin'ijx tu'uk yë noky axaatsy, pojëtijtp.

Zacarías 5:5

Ënet jatëkok pyëtsiimy ja tsajpjotmëtë kukäjpxy mëti'ipës mëët nmëtyä'äkyën etsës xy'ënëmaay: Yajxon xy'ixëty mëti'ipë tyam pëtsëmaanpën.

Zacarías 5:9

Ix jatëkok ets të n'ijxyës mäjtsk ja to'oxytyëjk. Aaktam yë kyäknëty, jëtu'unyë pyojëtitë. Jëtu'un kyäkn yaj'ixtë wojnykyäknën ets tam twijts'itë ja kijpxën pojjoty.

Zacarías 6:1

Ojtsës jatëkok nwinkumaakojnëpë: Täxkës nwin'ixy pyëtsëmtë yë pujxnwintëkäämpë mëti'ipë ja'ay myëtsiptuuntëpën, jam ma tu'uk yë mëj kopkën aak tsuxkpujxnëmpë yaj'ixyën.

Josue 5:13

Tëkok ojts jyäty kyëpety, jam ënety yë Josué yajpaaty winkon ma Jericó kajpnën, ko tu'uk yë ja'ay nyimiinë mëët yë yenypyujxn jam kyë'ëkëjxm, ënät ja Josué ojts tninëjkx ets tyajtëëy: ¿Wi'ix miny ëëts xypyutëkëjantëpë ëkë mëtsip mputëkëjäämpyë?

Apocalipsis 13:11

Okës n'ijxy wiinkpë ja mëj jëyujk pyëtsimy naaxjoty. Mäjtsk ja wyaj ijxtëm kupixyny u'unk yë wyajën ets jëtu'un kyäjpxy ijxtëm ja mëj tsa'anyën.

Apocalipsis 5:6

Ënätës n'ijxy tu'uk mëti'ipë yajtijpën Kupixyny U'unk, itkujky tyänë ma ja kutujktaknën, ma ja nimajktaxkpë juukyajtpën ets ja mëjja'aytyëjkëty. Jëtu'un kyëxë'ëky tëë yowë wyintsë'kën'aty. Wëxtujk ja wyaj tmëëtëty ets wëxtujk ja wyiin. Ja wëxtujkpë ja wyiin, yë'ë ja wëxtujkpë ja'awën mëti'ipë ja Dios të tkexyën yaa naaxwiiny.