Daniel 7:9 - Biblia Dc en Mixe de Quetzaltepec

⁹ Tamës ënety jëtu'un njaak ixynyëm, koos të n'ixy yajkëëytyä'äky yë kutujktakn, ënyääytyakn ets jam tu'uk yë Mëjja'ay të nyaaxweetsy. Poopëm yë wyit yaj'ixy tä tsajp o'pykyën ets wyääy jëtu'un kyëxë'ëky tä kupixyny nyijëmkën. Ja ënyääpyäjn ets ja nyiye'eypyäjn mëti'ipë tëkäämpën jëënën yaj'ixy,

Biblia Mixe de Quetzaltepec

⁹ Tamës ënäty jëtu'un njaak ixynyëm, koos të n'ixy yajkëëytyä'äky yë kutujktakn, ënyääytyakn ets jam tu'uk yë Mëjja'ay të nyaaxweetsy. Poopëm yë wyit yaj'ixy tä tsajp o'pykyën ets wyääy jëtu'un kyëxë'ëky tä kupixyny nyijëmkën. Ja ënyääpyäjn ets ja nyiye'eypyäjn mëti'ipë tëkäämpën jëënën yaj'ixy,

Daniel 7:9 Iomraidhean Croise

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.

2 Crónicas 18:18

Ja Micaías jyaak nikajpxëy ja aaw ayuk ets y'ënäny: Ya'atë aaw ayuk mëti'ipës yam nnikäjpxypën Wintsën yë y'aaw y'ayuk; mëtoow'it wi'ix y'ënä'änyën: Tëës n'ixy ja Wintsën jam pyo'kxy pyiky ma y'ënyääypyäjnën, ma yajkutukyën ets ja tyuunpëtëjk tsajpkëjxmëpë tam myäyajpaatë ma yë'ëjën anajny aka'any.

Salmos 45:8

Tëkokyë yë mwit mtujkxy aak pa'akxu'kp. Jap ma mkutujktaknën mëti'ipë oytyunyën mëët yë pajk juunpë ets oyëtypë, xuxtëp koowtëp jap ja'ayëty.

Salmos 90:2

Tyimtso'ontäky jëtu'un ma ënety ka'ap ja tun kopk kyojynyëmën, ets ma ënety ka'ap ja naaxwiinyëtë jyää'atynyëmën, ko jyeky'äjty ets tyampaat mijts jëtu'un mTios'ajtp.

Salmos 93:2

Wintsën, yë mkutujktakn tëëyëp yë ta'tspëky yajpaaty ets tyampaat je'eyëm y'ity. Mijts Wintsën winë xëëw winë jëmëjt myajpaaty.

Isaías 6:1

Jä'ä jëmëjt ma ja yajkutujkpë Ozías y'o'kyën, jääjës ojts yë Wintsën n'ixy kuma'ayjoty; jamtëm y'u'unyë ma ja yajkutujktaknën. Jam këjxm ets janty'oy janty tsuj jam, ja wyit janty yonytyëm, jä'ä wa'ats të tyajnitujkta'ay ja tsajptëjk.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kuttujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Dios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Jeremias 49:38

Jam Elám jamës nëjkx yë nkutujktakn npëjktä'äky, ja yajkutujkpëtëjk ets ja ënä'ämpëtëjkëty wa'atsës nëjkx nyaj'o'kta'ay. Ëjts Wintsën, ëjts ënaanp.

Ezequiel 1:26

Jam niwits nijuux nëkëjxy jëtu'unës të n'ixy jam yowë yë po'kxtakn ma yajkutujktaknën, yë'ë mëët y'oytyunyëty yë tsuxk uky tsyaa; e ma tääpë kutujktaknën jam tu'uk yë ja'ay yaj'ixy.

Daniel 7:13

Tamës jëtu'un nwinkumaa ëtë'ëtsy koots. Ko ajotkumonë të n'ixyës: Ja'ayën myiny yootsjoty, naaxwiinyëtë ja'ayën yaj'ixy, jä'ä të tninëjkxy ja Mëjja'ay ets të yaj'ënëëmë ets wyinkonëty.

Daniel 7:22

koonëm të myiny ja mëjja'ay ets jä'ä të tnitsiptuny ja Wintsën Ni'ik nyaax kyajpn, jä'ä ko tëë ënety tpaaty ja xëëw jëmëjt ets ja naax kajpn jä'ä tjä'ä'atëty ja kutujkëntakn.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Habacuc 1:12

Mijts Wintsën, xëmëkyëjxm mjuuky'äty ets wa'ats mTios'aty ¿këtiijë? Wintsën, mëti'ipës xykyuwaanp xynyixajpën, mijts të xymyo'oy mëk'ajtën yë caldeo ja'ayëty ets yë'ë tuntëty ja paye'eyën.

Mateo 17:2

Ma ënety jam jëtu'un yajpaatën ënät ojts ja Jesús tyëkatsy. Ajajp atë'kxp ja wyiin jyëjp ijxtëm ja xëëw y'änyën ets ja wyit ojts pyoopë ijxtëm ja ajajkën.

Mateo 28:3

Jëtu'un ja tsajpjotmëtë kukäjpxy y'ajajy ijxtëm tu'uk wëtsukën ets poop ja wyit ijxtëm yë tsajp'o'pykyën.

Marcos 9:3

Yajxon ojts ja wyit y'atë'kxnë janty poop yaj'ixy, ni pën ja'ay jëtu'un ja wyit kyapoopëty oy jënu'un të tjapujy.

Hechos 2:30

Yë David, Dios käjpxynyajxpë ijty, nyija'ap jä'ä ko ënety ja Dios tëë mëktä'äky tyukwinwanëty ko ja y'u'unk y'ok tu'uk tpëjkta'aka'any mëti'ipë y'ëxajëpën ja David ja kyutujkën.

Hechos 2:33

Ko ënety ja Dios Teety të yajtsajpetyë ets të yajnaaxweetsyë y'aka'any'äämpy ets ko ënety ja Kënu'kxymyëkajtën ja Dios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kuttujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Dios nyipaye'eyën'ajtypyën ko të yajmëpëky.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

1 Juan 1:5

Yë'ë miits yam ntuk'ëwa'anëtyëp mëti'ipë ja Wintsën Jesukristë ojts xytyuk'ëwa'anëmën: ko ja Dios atë'kxp ajajp yë'ë ets ka'ap maa yajpaaty akootstuuypyë jam.

Apocalipsis 1:14

Janty poop ja wyääy, ijxtëm yë pixynyën ëkë ijxtëm yë tsajp'o'pykyën ets ja wyiin ijxtëm ja jëënyä'änkën.

Apocalipsis 19:18

Mintë ets xytsyu'utstëty xyjyë'kxtëty ja yajkutujkpë, ja tsyiptuunpëtëjk, ja jotmëkja'aytyëjk; näjyëtu'un xytsyu'utstëty ja kwaay ets mëti'ipë tyuk'u'unyääytyëpën. Oy tyimtiijëty xytsyu'utstëty, wä'än tkamëtuunpëty, wä'än tyajja'aytyuunpëty, wä'än tmëj tmutskëty.

Apocalipsis 20:4

Ets n'ijxyës kanaak ja kutujktakn, yë'ë jam u'unyääytyëp mëti'ipë ënety të t'ëxajëtën ja kuttujkën ets pyaye'eytyëty; ets n'ijxyës näjyëtu'un ja y'anëmëty mëti'ipë të yajkupuxtën mëët ko të tkajpxwa'kxtë ja Wintsën Jesús ja jyä'ä ets ja Dios ja y'aaw y'ayuk ets mëti'ipë ënety ka'ap të twintsë'ëkëtën ja mëj jëyujk ets ni të tkakupëktë ets yajtsa'atëty wyimpokëjxm ëkë kyë'ëkëjxm; ets n'ijxyës ko jyuukpyëktë jatëkok ets yajkutuka'antë mëët ja Kristë tu'uk mil jëmëjt.

Apocalipsis 4:2

Tääts tim pojën ja Kënu'kxymyëkajtën xytyuktëjkëyës ets n'ijxpatyës tu'uk ja kutujktakn jam tsajpjotm. Jamts tu'uk y'u'unyë ja juuky'ajtpë.