Daniel 7:7 - Biblia Dc en Mixe de Quetzaltepec

⁷ Ja mëmajktaxkpë ja mëj jëyujk atsë'ëk ajawë yaj'ixy ets nëkooyë myëk'ajnë. Yë'ë tyëts'ajtyp yë pujxn; aak tyimtsu'tstääpy tii tyimpatyp ets tnaxmëtäänë mëti'ipë natëjkëpën. Tëkatsy tääpë ja mëj jëyujk y'ixëty, ka'ap jyëtu'un'atë ja mëti'ipës ënety mëjëyëjp të n'ixyën, tam tmëëtëty majk yë wyaj ma kyëpajkën.

Biblia Mixe de Quetzaltepec

⁷ Ja mëmajktaxkpë ja mëj jëyujk atsë'ëk ajawë yaj'ixy ets nëkooyë myëk'ajnë. Yë'ë tyëts'ajtyp yë pujxn; aak tyimtsu'tstääpy tii tyimpatyp ets tnaxmëtäänë mëti'ipë natëjkëpën. Tëkatsy tääpë ja mëj jëyujk y'ixëty, ka'ap jyëtu'un'atë ja mëti'ipës ënäty mëjëyëjp të n'ixyën, tam tmëëtëty majk yë wyaj ma kyëpajkën.

Daniel 7:7 Iomraidhean Croise

2 Samuel 22:43

Täätsës jëtu'un të nyajjajta'ay tä yë naaxway pyojë'ëkyën. Tëë n'atään ntuktäänës tä ja'ay mo'onts t'atään tuktäänën tu'ujoty.

Job 41:14

¿Pën yë y'aaw y'ëk'yajwa'kxëp mëët ijxtëm yë tyëts jyëjpëtyën?

Daniel 2:19

Jä'ä tsu'um yë Daniel ojts yë Wintsën tyuk'a'ijxnaxyë mëti'ipë ja Babilonyë yajkutujkpë nyijawëjäämpyën, ënät ja Daniel tkukajpxëy tja'awëkyëtakëy ja Wintsën.

Daniel 7:13

Tamës jëtu'un nwinkumaa ëtë'ëtsy koots. Ko ajotkumonë të n'ixyës: Ja'ayën myiny yootsjoty, naaxwiinyëtë ja'ayën yaj'ixy, jä'ä të tninëjkxy ja Mëjja'ay ets të yaj'ënëëmë ets wyinkonëty.

Daniel 7:2

Ënätës të nwin'ixy, ko taxk it pyojy ets jëtu'un ja mejy jyänty pyojminy jyänty pyojxëpy.

Daniel 8:10

Nëkooyë ojts yä'knë, jampaat jyä'äjty ma ja tsiptuunpëtëjkëtyën mëti'ipë jam tsajpjotm yajpatëpën ets ojts may tyajka'ay tä jeexyë mëtsa'a kyuka'anaxyën ets t'ate'eny tukte'eny,

Daniel 8:22

Ja taxkpë ja waj mëti'ipë të pyëtsimyën ko ja mëët tu'ukpë të tyijy, yë'ë y'antijpy ko taxk yë yajkutujkpë jyaak ita'any ma ja kajpnën, je'eyëp ko ka'ap jëtu'un mëj'äämpy y'ita'antë tä ja mëjëyëjpën.

Zacarías 2:1

Ojts jatëkok nwinkuma'ayës. Tu'ukës yë ja'ay n'ixy yë'ë kyë'ëwits'ajtyp tejxyp mëti'ipë mëët yë ja'ay winë tkijpxyën.

Apocalipsis 12:3

Ënet ja wiinkpë ja ijxpät kyëxë'ky jam tsajpwinm: tu'uk ja mëj tsapts tsa'any. Wëxtujk ja kyëpajk ets majk ja wyaj ets ja kyujän maajaty ja kyëpajkën.

Apocalipsis 13:1

Etsës n'ijxy tu'uk ja mëj jëyujk jam pyëtsimy mejyotm. Wëxtujk ja kyëpajk ets majk ja wyaj, ets aak kujänmëët ja wyaj. Tu'uktu'uk ja kyëpajk, aak ëxëëk käjpxy jam këxja'ay, yë'ë Dios wiinkjaty yajtijp.

Apocalipsis 17:12

Ja waj mëti'ipë të xy'ixyën, jä'ä ja nyiwijy: nimajkpë yajkutujkpë, mëti'ipë ka'anëm tyëkëtën ënä'ämpë; tu'ktsojkyë je'eyë jyaak ita'any ets tpëktëty ja kyutujkën ets y'ënä'ämëty mëët ja mëj jëyujk.

Apocalipsis 17:7

Tääts ja tsajpjotmëtë kukäjpxy xynyëmaayës: ¿Tii ko mëk xyjyawë? Tyam ntuk'ëwaanëty wi'ix yajja'akyukëja'anyën ja to'oxytyëjk ets mëj jëyujk mëti'ipë yë to'oxytyëjk tyuk'u'unyääpyën, mëti'ipë wëxtujk ja kyëpajkën ets majk ja wyajën.

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënety nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.