Daniel 7:4 - Biblia Dc en Mixe de Quetzaltepec

⁴ Ja mëët tu'ukpë jëtu'un y'ixëty tä kuuyxyëpëjyën, je'eyëp ko tam yë kyäkn jëtu'un tä witsnën. Tam ënety n'ixyës ko të yajkatsnuky yë kyäkn ets yajwijtskukë jëtu'un të wya'kukë ja'ayën ets ja kyuko'oxy jëtu'un të y'awinpity tä ja'akyuko'oxyën.

Biblia Mixe de Quetzaltepec

⁴ Ja mëët tu'ukpë jëtu'un y'ixëty tä kuuyxyëpëjyën, je'eyëp ko tam yë kyäkn jëtu'un tä witsnën. Tam ënäty n'ixyës ko të yajkatsnuky yë kyäkn ets yajwijtskukë jëtu'un të wya'kukë ja'ayën ets ja kyuko'oxy jëtu'un të y'awinpity tä ja'akyuko'oxyën.

Daniel 7:4 Iomraidhean Croise

2 Samuel 1:23

Yë Saúl ets Jonatán mëkës ijty n'oyjyawëtë, ets nmëku'ukjawëtë, yë'ëjëty nijëna'a ojts kyanäy'ëxmatsëtë oy jyääjëty ko jyuuky'ajtë ets näjyëtu'un ko y'oktë. Pe'tym ijty ni'ikëty këtiinëm jyëtu'unëty yë witsn. Mëk ijty ni'ikëty këtiinëm jyëtu'unëty yë kaa.

Job 25:6

Tiimëk jëtää tu'uk yë naaxwiinyëtë ja'ay; mëti'ipë jëtu'un tä tënë'kën.

Salmos 9:20

Wintsën, ëtsë'ëkë tääpë ja'ayëty; tuknijawë ko ka'ap tii tkëjxm'atë, naaxwiinyëtë ja'ay yë je'eyëty.

Jeremias 25:38

Jëtu'un të tnipëtsëmy ja naax kajpn tä tu'uk kaa pyëtsimyën y'ijtaknjoty ets ëxëëk tuuny ja naax kajpn, jä'ä ko ja Wintsën ja tsyip y'äkë jëënën tsyooypyijky, paaty tyajnaaxkëtäky ja jëën tsip.

Jeremias 4:13

Ëk'ixtë wi'ix myinyën yë mëtsip tä tu'uk yootsën, yë pyujxnwintëkäämpë jëtu'un yaj'ixy wyinkontë pojxujtykyën, yë kwaay jëtu'unyë yaj'ijxnë kyääkë'knëtë witsnën. Janty mon janty tuk ëëtsajtëm nyajpatëmë, tëë ntëko'oyëmë.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Jeremias 48:40

Jëtu'un yë Wintsën y'ënä'äny: Jëtu'un yë Moab yë myëtsip të nyiminyë käknmëët yowë, tä tu'uk witsnën.

Jeremias 49:19

Ajotkumonës nmina'any, jëtu'un tä muum yë kaa y'ëkëtypyëtsimyën ujtsjoty jam Jordán ets nyijkxy mëëyjoty; njëkäxäämpyës yë Edom ja'ayëty etsës yë'ë jam nyaj'ënä'äma'any yë ja'ay mëti'ipës ënety të nwin'ixyën. Jä'ä ko ka'ap maa jëtu'unpë Dios tä ëjtsën, ka'ap tjëkyepy pën xytsyipwinkajpxëtyës, ka'ap tjëkyepy pën xywyinkuwa'akëtyës.

Lamentaciones 4:19

Ni'ik pye'tym'ajnëtë yë nmëtsipëtyës këtiinëm jyëtu'unëty yë witsn mëti'ipë tsajpkëjxy kääkjëtijtëpën; koos njanëjkxtë kopkkëjxm tamës xypyaja'të, koos nëjkxtë të'ëts'itjotm tamës xypyaja'të.

Ezequiel 17:3

Jëtu'un xy'ënëëmëty: Jëtu'un yë Wintsën y'ënä'äny: Tëë tu'uk yë witsn jyä'ty jam Líbano; janty mëj kyäkn ets nëkooyë muum jya'ajnë, kanaak ujkën yë jyëmk. Jam të wya'ak'oyë ma tu'uk yë ajë kepykyopkën,

Ezequiel 28:2

Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.

Ezequiel 28:9

¿Jëtu'un je'eyëm m'ëna'ana'any ko mijts mjëtu'unëty tä tu'uk tiosën ko ënety jam ma mëtsipën myajpatnë?. Ko ënety myajpatnë ma ja'ayëtyën mëti'ipë myaj'ookanëpën mijts nitii mëk'ajtën xykyamëët'ata'any ma mnaaxwinyëtë ja'ay'ätyën.

Daniel 2:38

ets mijts m'ënä'ämtääpy tëkokyë yë ja'ay, yë jëyujk yë joon ets wä'än timy tyiijëty, yë Dios yë'ë të mo'oyë mëk'ajtën ets mijts winë xy'ënä'ämta'ajëty, yë'ë jëtu'un të xywyin'ixy tä ja pu'ts pujxn tkëpajk'atyën.

Daniel 4:36

Ënet tsokyës ets ja njot nwinma'anyës jatëkok tyëjkëy ets mpatyës jatëkok ja nkutujkënës, nmëj'ajtënës ets ja njotkujk'ajtënës. Ja wintsëntëjkëty, ja ixpëkytyëjkëty ets ja mëti'ipës xy'ëëwij xykyajpxwijtëpën ojts xynyimintë etsës xytyukxoontaktë, jëtu'unës jatëkok ntuuntëjkëy maas ja nkutujktaknën ets ni'ik mëj'äämpyës ojts n'awinpijnë.

Daniel 7:12

Näyjyëtu'un ja wiinkëtypë ja mëj jëyujk ojts yajpëjkëtë ja myëk'ajtën, je'eyëp ka'ap të tyaj'ooktë jä'änëm tyuk'ëwxijtëp ja xëëw po'o.

Daniel 7:5

Ja mëmäjtskpë jëtu'un yaj'ixy tä osën, tu'kpa'a këjxm yaj'ixy ja nyini'kx, yë'ë y'akap'ajtyp tëkëëk yë jëwiits pajk; ets të nmëtoyës yaj'ënëëmë: Nëjkx mtsu'utsy, tii mtimytsyu'utsäämpyën.

Mateo 24:28

Ma ënety jam tii të y'ookyën, jam ja majkwejkxy myuka'antë.

Deuteronomio 28:49

Jëkäm yë Dios tyajtsoona'any yë naax kajpn, mëti'ipë poj'am mtukja'tëtëpën tä tu'uk yë witsnën; ja aaw ayuk mëti'ipë kyajpxtëpën, ka'ap nëjkx xywyinjawë;

Apocalipsis 13:2

Ya'atë jëyujk mëti'ipës n'ijxën, jëtu'un kyëxë'ëky ijxtëm yë kuuyxyëpëjyën. Jëtu'un ja tyeky ijxtëm ja osë tekyën ets ja y'aaw ijxtëm ja kaa aawën. Ja mëj tsa'any ojts myo'oyë ja mëk'ajtën, ënä'ämtakn ets ja mëjkutujkën.