Daniel 7:2 - Biblia Dc en Mixe de Quetzaltepec

² Ënätës të nwin'ixy, ko taxk it pyojy ets jëtu'un ja mejy jyänty pyojminy jyänty pyojxëpy.

Biblia Mixe de Quetzaltepec

² Ënätës të nwin'ixy, ko taxk it pyojy ets jëtu'un ja mejy jyänty pyojminy jyänty pyojxëpy.

Daniel 7:2 Iomraidhean Croise

Isaías 17:12

Mëtoow'itë wi'ix ya'axtën jyoktën yë mayjyä'äy, jëtu'un tä y'iitsy kyomyën yë mëjmejy. Jëtu'un ja naax kajpn myu'utë nyiitstë tä mëj komnëë y'amu'uyën.

Jeremias 49:36

Mëkpoj ëtsu'ux poj nyajminäämpyës xiitsow yaatsow ma tyaapë kajpnën ets jëtu'unyë pyojwa'kxta'atëty ja ja'ayëty ma ja naax kajpnën, oymyaakajpnëty nëjkxëp jam nyajtskäkëtya'atë mëti'ipë käktëpën.

Jeremias 51:42

Yë Babilonyë kajpn mëj nëëkom të yajkutëkoyë, jëtu'unyë nëë o'pyky të nyijä'tspetyë.

Daniel 11:4

E ma ënety të tyajkopkpëkyën ja kyutujktakn, jää nëjkx ja kyutujktakn yaj'ëxwa'any ets taxkpëky nëjkx nyäwyä'kxyë. Yë kuttujkën mëti'ipë ënety myëët'ajtypyën ja yajkutujkpë ka'ap nëjkx ja y'u'unk y'ok t'ëkjä'ä'ajnë ets nän ka'ap nëjkx ja kuttujkën mëk y'ëkyajpatnë tä ënety të pya'tkë'p'atyën, jä'ä nëjkxëp nyäwya'kxënë ets wiinkëtypë ja'ay nëjkx jam y'ënä'ämnë.

Daniel 2:19

Jä'ä tsu'um yë Daniel ojts yë Wintsën tyuk'a'ijxnaxyë mëti'ipë ja Babilonyë yajkutujkpë nyijawëjäämpyën, ënät ja Daniel tkukajpxëy tja'awëkyëtakëy ja Wintsën.

Daniel 7:13

Tamës jëtu'un nwinkumaa ëtë'ëtsy koots. Ko ajotkumonë të n'ixyës: Ja'ayën myiny yootsjoty, naaxwiinyëtë ja'ayën yaj'ixy, jä'ä të tninëjkxy ja Mëjja'ay ets të yaj'ënëëmë ets wyinkonëty.

Daniel 7:7

Ja mëmajktaxkpë ja mëj jëyujk atsë'ëk ajawë yaj'ixy ets nëkooyë myëk'ajnë. Yë'ë tyëts'ajtyp yë pujxn; aak tyimtsu'tstääpy tii tyimpatyp ets tnaxmëtäänë mëti'ipë natëjkëpën. Tëkatsy tääpë ja mëj jëyujk y'ixëty, ka'ap jyëtu'un'atë ja mëti'ipës ënety mëjëyëjp të n'ixyën, tam tmëëtëty majk yë wyaj ma kyëpajkën.

Daniel 8:2

Maas ënety jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.

Daniel 8:8

Ja tsajppax ni'ikyë ja yaj'ixy myëktä'äky, e ma ënety yajxon të myëjaawtëkën, ënät të tyijy ja mëjpë ja wyaj ets të pyëtsimy taxk wiinkpë ja wyaj tu'uk nyas'ixë xëëwpëtsëmtsyow, tu'uk xëëwkëtä'äkytsyow, tu'uk anëkëjxytsyow ets tu'uk ëpa'tkë'ëytsyow.

Zacarías 6:5

Ënet ja tsajpjotmëtë kukäjpxy xy'ëtsooyës: Tyaapë yë'ë mëti'ipë taxkpëky tsoonaanpën Wintsën wyintum ets t'aye'eya'antë yë naaxwiinyëtë.

Mateo 24:31

ets tkäxa'any ja anklëstëjk mëët ja pujxnxuxn mëti'ipë mëk tyukxu'uxantëpën ets myujkta'aja'antë xiitsow yaatsow ja ja'ayëty mëti'ipë ënety të yajwin'ixtën, tyso'onta'akëty ma xëëw pyëtsimyën ets jampaat ma kyëtä'äkyën.

Apocalipsis 17:15

Ets ja tsajpjotmëtë kukäjpxy näjyëtu'un xynyëmaayës: Yë mejy mëti'ipë të xy'ixyën ma ku'into'oxy y'u'unyën, yë'ë tyijpy ja ja'ay mëti'ipë yajpatëpën maajaty ja naaxwiinyëtën, ma kanaakjëjpë ja aaw ayuk ja'ay tkajpxtën, ma ja naax kajpnën ets ma ja itjot naaxjotmën.

Apocalipsis 7:1

Ko jëtu'un y'ëkjajty, ënätës n'ijxy ko ja tsajpjotmëtë kukäjpxy nimajktaxk tyänëtë jam taxk täk këjxm ma ja naaxwiinyëtë ja tyäkën. Jamts ja poj t'awa'ktuktë oymyëti'ipë pojëty, naaxwinkëjxypë, mejy wiinkëjxypyë ets ujtskëjxypë.