Daniel 4:7 - Biblia Dc en Mixe de Quetzaltepec

⁷ Tä myiintaaytyë ja wijyjyä'äytyëjkëty, ja xëëwmääpyëtëjkëty ja najtsja'apëtëjkëty ets tëkokyë ja ijxpëkyjyä'äytyëjkëty, ënätës ntukmëmëtyaktaaytyë ja nkuma'ayës, je'eyëp ko ka'ap ojts tmëwinma'aypyaatë wi'ix nyiwijyën.

Biblia Mixe de Quetzaltepec

⁷ Tä myiintaaytyë ja wijyjyä'äytyëjkëty, ja xëëwmääpyëtëjkëty ja najtsja'apëtëjkëty ets tëkokyë ja ijxpëkyjyä'äytyëjkëty, ënätës ntukmëmëtyaktaaytyë ja nkuma'ayës, je'eyëp ko ka'ap ojts tmëwinma'aypyaatë wi'ix nyiwijyën.

Daniel 4:7 Iomraidhean Croise

Génesis 41:24

Ya'atë tsajpmok yontën të'ëtsëtypë, ojts tjë'ënta'atë ja niwëxtujkpë ja tsajpmok yontën oyëtypë. Ya'atës yam nmëtyä'äkyën tëëjës yë najtsja'apëtëjk pamääpyëtëjk njatukmëmëtya'aktë, e ni pën të tkayajniwijy etsës jeexyë xytyuk'ëwaanëtë tiitën nkuma'ayës jyanikajpxäämpyën.

Génesis 41:8

Komjëpom, yi'iyë ënety myëmääpy myëtäjpy ja wyinkuma'ay, ënät ojts ni'ënä'ämë ko myintëty ja najtsja'apëtëjkëty ets ja wijyjyä'äytyëjkëty. Tä yë yajkutujkpë tnimëtyaktaay yë wyinkuma'ay, e ni pën ojts tkayajniwijy.

Salmos 37:35

Tëës n'ixy ko yë ëxëëk ja'ay kë'ëm janty mëj nyäyajnaxyë, ets nëkooyë wyinma'any nyätyuk mëjpëjktakënë tä tu'uk yë mëj kepyën nëkooyëpë yoonwä'kxyën,

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Ezequiel 31:3

Jëtu'un tä yë ciprés kepyën ëkë ajë kepyën mëti'ipë jam Líbano, janty'oy xye'enty kyëxë'ëky, mëj nyinikë jam yukjotm, këjxm, jampaat jyëjp jyä'ty ma yootsën.

Daniel 1:4

ets twin'ixëty ja ëna'ktëjk mëti'ipë oyëtyën mëkëtyën, mëti'ipë kä'pxyëtyën, mëti'ipë wijyëtyën ets këpetyëtyën ets nyija'awëtyääytyëp winë ets mayëtëp tyuntëty ma ja kutujkëntaknën. Yë'ëjëty nëjkxëp yajtukni''ixëtë ja caldeo ja'ayëty ja y'aaw y'ayukëty ets ja y'ijxpëjkënëty.

Daniel 2:10

Ka'ap maa pën naaxwiinyëtë naaxkëjxy yajpaaty. Jëtu'un y'ëtsoowtë ja wijyjyä'äytyëjk, mëti'ipë nyikajpxëpën mëti'ipë Wintsën tsyojkpyën. Näyjyëtu'un ka'ap maa yajkutujkpë mëti'ipë jëtu'un ënaanp ets y'amëtoopyën tii tä mijts të xy'amëtoyën yë wiyjyä'äytyëjkëty, najtsja'apëtëjkëty ets ixpëkytyëjkëty.

Daniel 2:27

Ënet ja Daniel y'ëtsooy: Ka'ap maa wiyjyä'äy, ka'ap ma nasja'apë, xëëwmääpyë, wijyjyä'äy mëti'ipë nyija'apën wi'ix nyiwijyën yë yajkutujkpë wyinkuma'ay.

Daniel 2:7

Ënet ja ixpëkyjyä'äytyëjk jatëkok y'ëtsoowinpijtë: Tukmëmëtyaktëk ëëtsëty wi'ix jëtu'un yë yajkutujkpë të wyinkuma'ay etsës yam nimëtya'aktëty wi'ix nyiwijyën.

Daniel 3:8

Ënet ja caldeo ja'ayëty ojts ya'atë winma'any tpaatë ets ja pyoky ojts t'ixtaayëtë ja jutië ja'ayëty ets ojts tni'ëënëtë ma ja yajkutujkpën Nabucodonosor,

Daniel 4:18

Jëtu'unës të nwinkuma'ay, ëjts Nabucodonosor yajkutujkpë. E mijts Beltsasar, tuk'ëwa'anëkës ënät wi'ix nyiwijyën, jä'ä ko wijyjyä'äytyëjkëty mëti'ipë yajpatëpën maas yë nkutujktaknën ka'ap të tyajniwijtë; e mijts mayëtëp xyajniwijëty jä'ä ko yë'ë Dios yë myëj'ajt y'oyajtën kënu'kxypyë mtu'uwinwoowëp.

Daniel 5:7

Tääts mëk tyëjkëy yaxpë jojkpë ets tmëkajpxmujktaay ja nyasja'apëtëjk, ja wyijyjyä'äytyëjk ets ja xyëëwmääpyëtëjk mëti'ipë jam Babilonyë yajpatëpën ets t'ënëmaay: Pën yajniwijpy xiipë këxja'ay yajpaatyën ets pën xytyukmëmëtyakpës wi'ix y'ënä'änyën, yë'ë yajtukxoxëp yë tsapts yëk wit ets yajtukyo'kwitsëty yë pu'ts pujxn jo'oky ets yë'ë nëjkx y'ity ënä'ämpë ma ja mëtëkëëkpë ja ënä'ämpën ëpa'tkë'ëytsyowpë yajpaatyën.

Daniel 5:8

Ënet jap tëkoty tyëjkëtyääytyë ja wijyjyä'äytyëjkëty, je'eyëp ko ka'ap ojts pën twinjawë wi'ix y'ënä'änyën ja mëti'ipë jam ijtpën këxja'ay ets ka'ap ojts pën myäyë wi'ix tukmëmëtya'akëtyën ja yajkutujkpë.