Daniel 4:3 - Biblia Dc en Mixe de Quetzaltepec

³ Tëë yë myëj'ajtën tyaj'ixyë mëjwiin këjää. Xëmëkyëjxm y'ita'any yë kyutujkën ets y'ënä'ämën ijtëwaanp yë tu'kjuuky tu'kkä'äx.

Biblia Mixe de Quetzaltepec

³ Tëë yë myëj'ajtën tyaj'ixyë mëjwiin këjää. Xëmëkyëjxm y'ita'any yë kyutujkën ets y'ënä'ämën ijtëwaanp yë tu'kjuuky tu'kkä'äx.

Daniel 4:3 Iomraidhean Croise

Salmos 104:24

Mëj këjää winë të xytyuny, Wintsën. Winma'anymyëët winë të xyajkojy; yë naaxwiinyëtë ujts yajpaaty mëët mëti'ipë të xyajkojy të xypyëjktä'äkyën.

Salmos 105:27

ets tyaj'ijxëtë ja Dios ja myëk'ajtën jam wintë'ëtstum. Mëj këjää yë mëj'ajtën ojts jam yaj'ixy ma ja Cam ja y'itjotmën.

Salmos 145:13

Yë mkutujkën, yë'ë mëti'ipë winë xëëw winë jëmëjt ijtpën, yë m'ënä'ämën yë'ë mëti'ipë xëmëkyëjxm yajpatpën.

Salmos 66:7

Yë'ë mëët y'ëne'emy myëk'ajtën xëmëkyëjxm, yë'ë kë'ëm y'ijx'ijtyp kyëwent'ajtyp yë mëjëtypë naax kajpn, këtiipë yë ja'ay mëti'ipë käjpxy kyumëtoownajxtëpën nyipëtë'ëkëtëty.

Salmos 72:18

Kënu'kxy mëjjawë yë Dios y'ity, yë Wintsën, mëti'ipë yë Israel ja'ay Tyios'ajtypyën, yë tu'ukyëpë mëti'ipë mëj këjää winë tyuunpyën;

Salmos 77:19

Ojts yë mnajxtakn xyajni'ëwaatsë mëjnëëjoty; ojts xytyuknaxy kanaak yë nëëmejy, e ni pën të tkapaaty ja mtu'u'ateeny.

Salmos 86:10

Jä'ä ko tu'uk mijts mTiosëty, e mijts janty mëj ets mëj këjää yë mëj'ajtën xyaj'ixyë.

Salmos 92:5

Mijts Wintsën, tëkokyë mëti'ipë të xyajkojyën të xypyëjktä'äkyën mëj këjää oy. Yë mjot mwinma'any mëj këjää yë'ë.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Isaías 28:29

Näyjyëtu'un të tuknipëjktaakë yë Wintsën mëti'ipë maaytyääyëpën winë. Yë'ë janty oyëty winë të tuknipëjktakëtyä'äy ets tyuunpy mëti'ipë të tuknipëjktaakën.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Daniel 2:2

Ënet twinwoowmujky kanaak ja këpetyjyä'äytyëjk, najtsja'apëtëjk, kajpxpojkpëtëjk ets ja ijxpëkyjyä'äytyëjk ets tyajniwijtëty ja kuma'ay. Ojts myiinta'atë ja ja'ayëty jam ma ja yajkutujkpën mëti'ipë ojts yajmëkajpxtën,

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Daniel 4:17

Ya'atë tëytyu'unën të yajnikäjpxy, mëti'ipë yë anklëstëjk këwent'ajtpë të t'awitstën ets tëkokyë naaxwiinyëtë ja'ay nijawëtëty ko yë Dios Ni'ik Këjxmëpë myëët yë mëk'ajtën ma naaxwiinyëtë ja'ay kyutujktaknëtyën, myoopy yë kuttujkën yë ja'ay mëti'ipë tyuk'më'a'ijxëpën ets yajwintsën'ajtyp ja ja'ay yu'unkpë naxymyëpë ma ja naax kajpnën.

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Daniel 7:27

E ja kuttujkën, mëk'ajtën ets ja mëj'ajt oyajtën mëti'ipë naaxwiinyëtë apëtsëmy yajpatpën yë'ë nëjkx yajmooytya'atë ja Dios Ni'ik ja nyaax kyajpn. Yë kyutujkën xëmëkyëjxm nëjkx yajpaaty ets tëkokyë yë naax kajpn naaxwiinyëtë apëtsëmy yë'ë nëjkx tmëtuntë ets tmëmëtowtë.

Romanos 11:33

Ni'ik ja Dios ja myëj'ajt jyääntyajtën kyëjääjëty ets näjyëtu'un ja wyijy'ajt kyejyajtën. Ni pën kyamayë tkajpxtë'kxëty mëti'ipë të tuknipëjktaakën ets ka'ap pën myäyëtëty twinjawëty ja nyë'ë tyu'u.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

Hebreos 1:8

E ko ja y'U'unk tnimëtyä'äky, jëtu'un y'ënäny: Mijts Dios, xëmëkyëjxm ja mkutujkën y'ity, myajkutukëp mijts mëët ja tëyajtën.

Hebreos 2:4

Näyjyëtu'un ja Dios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.