Daniel 4:1 - Biblia Dc en Mixe de Quetzaltepec

¹ Ëjts Nabucodonosor, ntsojkpyës ets jyää'atëty jotkujk'ajtën, oy juukyajtën ma nitëkokyë ja'ayëtyën mëti'ipë naax tsënaay kajpn tsënaaytyëpën, ma wiinkëtypë naax kajpnën ets ma tëkokyë naaxwiinyëtën mëti'ipë wiink ayuk kyajpxtëpën.

Biblia Mixe de Quetzaltepec

¹ Ëjts Nabucodonosor, ntsojkpyës ets jyää'atëty jotkujk'ajtën, oy juukyajtën ma nitëkokyë ja'ayëtyën mëti'ipë naax tsënaay kajpn tsënaaytyëpën, ma wiinkëtypë naax kajpnën ets ma tëkokyë naaxwiinyëtën mëti'ipë wiink ayuk kyajpxtëpën.

Daniel 4:1 Iomraidhean Croise

1 Crónicas 12:18

Ënet ja Amasai, mëti'ipë nyiwintsën'ajtypyën ja nimajkpë ja ja'ayëty mëti'ipë nyiwintsën'ajtëpën ja tsiptuunpëja'aytyëjk, ojts mëk ja aaw ayuk tnajtsmatsë, ja Wintsën ja myëk'ajtën y'oyajtën ojts tyukja'tyë ets y'ënäny: Jotkujkajtën yam ntuknikejxyp mijts David, Jesé yë myaank. Ntuknikäjpxy ja jotkujk'ajtën ets xëmë yajpaatëty ma mijtsën. Xëmë yajpaatëty ja jotkujk'ajtën ma mijtsën ets ma ja mjëëky mëku'ukën mëti'ipë mëët mye'eyën mnaxyën, jä'ä ko mijts tii xytyuny oy, ja Dios xëmë mputëkëtëp. Ojts ja David tyuunkmo'ojëtë ma ja tsiptuunpë wintsënëtyën.

Esdras 4:17

Ënet ja yajkutujkpë Artajerjes tyuknikäjxëtë ya'atë ja aaw ayuk: Yajtuknikexy ya'atë noky ja Rehúm, tsiptuunpë wintsën ets ja Simsai, mëti'ipë jääpyën ets ja myëku'uktëjk jampë tsyëënëtën Samaria ets mëti'ipë jam tsënaaytyëpën maatsow xëëw pyëtsimyën ma ja Éufrates mëjnëë nyäxyën: Tyam nkajpxpo'kxtë,

Esdras 5:7

jëtu'un ja noky y'ënä'äny: Ma mijtsën yajkutujkpë tyam ëëts ja kajpxpo'kxën nyajnaxtë, nikajpxa'antës ko tëëjës ntukjëtijtëtya'atë ja Judá y'itjot ets tëëjës n'ixtë ja mëj Wintsën ja tsyajptëjk, mëti'ipë jam ja Israel ja'ayëty tyuunk'ajtëpën, mëjatyëty ets oyëty ja tsaa mëti'ipë yajtuuntëpën. Tyam kepy yam tyukniwojpnëtëp ja potsy, poj'am ja tuunk t'ëkyajtu'uye'eynyëtë.

Ester 3:12

Ma majktëkëëk y'änyën ja mëët tu'kpo'opë, jä'ä jëmëjt ojts yajmëkajpxmuktë ja jaaypyëtëjkëty mëti'ipë tuuntëpën ma ja yajkutujkpën, ojts yajtuk'ënä'ämtë tja'atëty ja ënä'ämën mëti'ipë të tnipëjktaakën ja Amán ets yajtuknikäxtëty ja mutsk yajkutujkpëty mëti'ipë yajpatëpën ma ja it naaxwiinyëtën mëti'ipë nyitënääpyën ja yajkutujkpë Asuero ets ja kutuunktëjkëty mëti'ipë kajpn kajpn yajpatëpën. Ya'atë ënä'ämën jëtu'un yajjaay tä ja naax kajpn ënety ja aaw ayuk tkajpxtën nijä'äjaty, ojts ja yajkutujkpë xyëëw yajkëxja'ay ets yë'ë tsaay ja noky mëët ja kyë'ëjiits,

Ester 8:9

Ja yajkutujkpë ja jyääpyëtëjk ënätyë ojts yajmëkajpxta'atë. I'px tëkëëk ënety ja mëtëkëëk po'opë y'äny, ja Sivan po'o. Tëkokyë mëti'ipë ja Mardoqueo nyi'ënä'ämëyën yajkujaaytyääy ets yajtuknikäjxtë ja Jutiiyë ja'ayëty, yajkutujkpëtëjk ets kutuunktëjk ma ja mëko'px ja i'px wëxtujkpë ja kajpnën, mëti'ipë jam India ets jampaat Etiopíë yajpatpën; aakjëtu'un ja noky yajjaay tä kyajpxtën ets wi'ix ja tja'atën. Ja Jutiiyë ja'ayëty ojts ja nyoky yajtuknikäxtë tä kyajpxtën ets jya'atën.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Daniel 3:4

Ënet ja ja'ay tukkajpxëy mëti'ipë ënety të yajtuknipëkyën ets t'ënëmaay ja mayjyä'äy: Mëtoow'itë ya'atë aaw ayuk miitsëty naax kajpnëty, ninu'un të mja'tën ets ninu'un wiinkëtypë aaw ayuk xykyajpxtën.

Daniel 6:25

Ënet ja Darío yajkutujkpë tnija'ayëtyääy ja naax kajpn wi'ixjaty ja aaw ayuk tmëët'atën ets y'ënäny: Ëjts ntsojkpyës ets miitsëty jotkujk mjuuky'atëty ets xypyaatëty xy'ixtëty mëti'ipë mtukjuuky'atëpën,

Daniel 6:27

Yë'ë yajtsokp ets yaj'ëwaatsëpëtsëëmp yë'ë; yaj'ijxëp yë myëj'ajtën tsajpjotm ets naaxwiinyëtë. Yë'ë të tyajtso'oky yë Daniel ma kaa myu'utën nyiitstën.

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Zacarías 8:23

Jä'ä xëëw, majk nëjkx yë jaaypyo'kxyjyä'äy tmatsy wyitkëjxy yë jutië ja'ay ets t'ënëëmëja'antë: Jamës nëjkxa'antë ma miitsëtyën, jä'ä ko tëëjës nnijawëtë ko tam yë Dios yajpaaty ma miitsëtyën.

Hechos 2:6

Ko tmëtoowtë ko amuup tsyoony jam tsajpwinm, tää ja ja'ay may myujktë ets ka'ap tnija'awëtë tii tuunëp jajtëp; tääts ja mëpëjkpëtëjk ojts kanaakjëjp ja ayuk tkajpxtë këëkjä'ä.

Efesios 1:2

Wä'än ja nTeety'ajtëm Dios ets ja Wintsën Jesukristë mmo'ojëtë ja kënu'kxën ets ja jotkujk'ajtën.

1 Timoteo 1:2

yajkajpxpo'kxy ja Timoteo mëti'ipë mëtëy yaj'u'unk'ajtpën ma mëpëjkënën. Wä'än ja Dios Teety ets ja Wintsën Jesukristë mmo'oyë ja kënu'kxën, pa'ëyo'owën ets ja jotkujk'ajtën.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.