Daniel 3:1 - Biblia Dc en Mixe de Quetzaltepec

¹ Yë Nabucodonosor yajkutujkpë, ojts tni'ënä'ämë ets tu'uk yaj'oytyunëtyë yë awinax aakyë'ë yajtuk'oytyunëp yë pu'ts pujxn, jä'ä kyëjxmëty majkmokx xajpk ets tu'kxajpk ja mäjtsk kë'ënux myëjwiinëty ets jam ojts tni'ënä'ämë yajpëjkta'akëty ma ja Durá joyjotmën, mëti'ipë nyitënääpyën yë Babilonyë.

Biblia Mixe de Quetzaltepec

¹ Yë Nabucodonosor yajkutujkpë, ojts tni'ënä'ämë ets tu'uk yaj'oytyunëtyë yë awinax aakyë'ë yajtuk'oytyunëp yë pu'ts pujxn, jä'ä kyëjxmëty majkmokx xajpk ets tu'kxajpk ja mäjtsk kë'ënux myëjwiinëty ets jam ojts tni'ënä'ämë yajpëjkta'akëty ma ja Durá joyjotmën, mëti'ipë nyitënääpyën yë Babilonyë.

Daniel 3:1 Iomraidhean Croise

1 Reyes 12:28

Ko ya'atë ja winma'any ojts yajxon tyajtëy tyajtëtä'äky, ënät ja yajkutujkpë ojts t'oytyuny mäjtsk yë tsajpkaa ayääkë, aak pu'ts pujxn mëët y'oytyunyëty ets t'ënëmaay ja naax kajpn: Miitsëty Israel ja'ayëty, tëë yowë m'ënu'kxënyëtë ko jam xëmë mnëjkxtë Jerusalén. Tyaa ja mwintsënëty, mëti'ipë ojts jap Egiptë mjuutëtën.

Ester 1:1

Ya'atë aaw ayuk mëti'ipë yam yajnimëtya'akaanpën, jää ojts tyunyë jyätyë ma yajkutukyën yë Asuero. Jä'ä ënety tnitänë ja it naaxwiinyëtë mëko'px ja i'px wëxtujk it, tyimtsoony jam India ets jyä'ty Etiopíë.

Salmos 135:15

Yë awinax mëti'ipë tsuuja'aytyëjk y'ëwtajtëpën, yë'ë mëët y'oytyunyëty yë pu'ts pujxn ets poop pujxn mëti'ipë yë naaxwiinyëtë ja'ay kë'ëm yajkojpyën mëët yë kyë'ë y'aaw.

Éxodo 20:23

Nitii awinax xykyayajkojtëty, mëti'ipë oytyunyën mëët yë pu'ts pujxn, mëët yë poop pujxn ets xy'ëwtatëty ijxtëm jeexyë ëjts xy'ëwtatën.

Éxodo 32:31

Tä ja Moisés jatëkok jam pya'tëjkëy ma ja Dios ijty jam kyëtä'äkyën ets t'ënëmaay: Janty tëy jëtu'un ko yë naax kajpn mëj këjää të pyokytyuny ko të tyajkojtë tu'uk yë awinax aak pu'ts pujxn jëtu'unpë kyëxë'ëkyën tsajpkaajën.

Isaías 2:20

Ko ënety ja xëëw jëmëjt tpaaty, nëjkxëp ja ja'ay ja y'awinax t'ixjëpijpta'atë ma ja teptsy yunën ets ma ja tëëxy pyä'änën, mëti'ipë ënety të t'oytyuntën mëët ja pu'ts pujxn ets poop pujxn.

Isaías 30:22

Nëjkxëp xy'ëxëëk'ijxnë ja m'awinax, ja mtsaapotsy ets mkepy tsyetsy mëti'ipë ja ja'ay y'oytyuuntëpën mëët yë poop pujxn ets pu'ts pujxn. Ëxëëk nëjkx xy'ijxnë ets pu'uxmën putsta'akën nëjkx xyajnajxnë.

Isaías 46:6

Tä ja'ay mëti'ipë may yë pu'ts pujxn yäjkpyën ets may yë poop pujxn tkijpxtä'äky ets t'ënëëmë tu'uk ja ja'ay ets t'oytyunëty yë awinax, yë'ëts y'ëwtajtyp ets twinkoxtänë.

Jeremias 10:9

Yë y'awinaxëty mëti'ipë nikoyën mëët yë poop pujxn, jam Tarsis tmëtsoontë, mëti'ipë nikoyën mëët yë pu'ts pujxn jam Ufaz tmëtsoontë; yë tsäjtspë ets pujxn oytyuunpë yë'ë të t'oytyuntë ets të txoxtë mëët ukywyit tsaptswit. Yë ja'ayëty mëti'ipë jëtu'unpë tyuunk'ajtëpën yë'ë të tyaj'ijxëntëkëtë ets oy kyëxë'ëkëty.

Jeremias 16:20

¿Jyëkyejpy yë naaxwiinyëtë ja'ay t'oytyunëty kë'ëm yë tyiosëtyë? Ka'ap tjëkyepy, paaty tääpë awinax ka'ap tyiyëty jyääntyëty.

Daniel 2:48

Ënet ja Babilonyë yajkutujkpë ojts tpëjktä'äky mëj wintsën ma ja Babilonyë kajpnën, ojts näjyëtu'un tmo'oy may yë näynyamo'ojë ets näykyumayë, ojts tuknipëky ets y'itëty yajkutujkpë ma ja y'itjotmën ja Babilonyë ja'ayëty ets yë'ë ojts näjyëtu'un tpëjktä'äky ets tniwintsën'atëty ja ijxpëkyjyä'äytyëjkëty mëti'ipë jam ma ja naax kajpn yajpatëpën.

Daniel 2:49

Ojts näjyëtu'un yë Daniel t'amëtoy; ets yajkutujkpë tpëjkta'akëty yë Sadrac, Mesac ets Abed-negó ma mëj'äämpyëtypë tuunkën, mëti'ipë yajpatpën ma Babilonyë ja'ayëty yë y'itjotëtyën. Yë Daniel jam ojts wyi'imy wintsën ma ja yajkutujkpën.

Daniel 3:14

ënät ja yajkutujkpë yajtëëwëtë: ¿Janty tëy yë'ëjë ko miitsëty ka'ap xy'ëwtatë ëëts yë ntiosëty ets nän ka'ap xywyinkoxtänëtë ja awinax mëti'ipë të ni'ënä'ämën kyojëty?

Daniel 3:30

Ënet ja yajkutujkpë ojts tmo'oy tyaapë ëna'ktëjkëty këjxmëtypë tuunk ma ja kyutujktaknën ets ojts näjyëtu'un y'ënä'ämtë ma ja itjot tnitänën ja Babilonyë.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Daniel 5:4

Aak uktaaytyë ja ja'ayëty ets këëkjä'ä tjanty y'ëwtatë ja y'awinaxëty, mëti'ipë oytyunyëtën mëët ja pu'ts pujxn, poop pujxn, tsuxkpujxn, juunpujxn, mëët yë tsaa ets kepy.

Oseas 2:8

E yë'ë ka'ap ojts t'ixkäpy ko ëjts ijty nyajkääpy nyaj'ukpy, ko ëjts ijty nmoopy yë tsajpmok, yë tsatym nyëë tëëpë nyimaanaxyën ets on. Ko ëjts ijty nmoopy yë pyu'tspujxn mëti'ipë tyuk'oytyuunën yë y'awinax.

Oseas 8:4

Ëjts ka'apës tii të xyajtëwtë ko tpëjkta'aktë yë kyutujkpëtëjkëty ets të tnikajpxpätë yë wyintsëntëjkëty maas ka'ap të nijawën. Tëë twinpëjkmuk twintuunmuktë yë pyoop pujxnëty pyu'tspujxnëty ets y'awinax të t'oytyuntë ets kë'ëm nyäyajkutëkoya'anëtë.

Habacuc 2:19

Janty mon janty tuk mijts myajpaaty, jä'ä ko yë'ë awinax m'ënëmääpy ets wyijëty, tsaa m'ënëmääpy ets wya'kukëty. ¿Wä'än jëtää tii xy'ëktuk'ëwa'anëmëtyë? ¿Ka'ap tii xytyuk'ëwa'anëmëty jä'ä ko ka'ap jyuukyëtyë? oy jënu'un pu'ts pujxn ëkë poop pujxn tjaniwits'aty.

Hechos 17:29

Jä'ä ko ëëtsajtëm Dios xy'u'unk'ajt xy'ok'ajtëmë, ka'ap tjëkyepy jëtu'un nmä'ämyëty ntajmëty ko yë Dios jëtu'un tä awinaxën mëti'ipë oytyunyën mëët yë poop pujxn, pu'ts pujxn ëkë kepy tsaa mëti'ipë yë ja'ay yajkojtëpën ijxtëm myäytyën tyajtën.

Hechos 19:26

Tëë xy'ixtë xynyijawëtë ko tää ja Pablo jyëtity ets y'ënä'äny ko ka'apëk tyiosëty mëti'ipë ja'ay y'oytyuunpyën. Tëë ja'ay may yajtukmëpëktë jëtu'unpë ja winma'any, ka'ap yääyëty Éfeso, näjyëtu'un jam Asia nyaaxjotm.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Apocalipsis 9:20

E ja ja'ay mëti'ipë jaakwë'ëmtën mëti'ipë jaakjuukyëtyën mëët ja jëtu'unpë ëyo'on, ka'ap ja t'ëxmajtstë ja y'ëxëëk winma'anyëty, wyintsë'ëkë ëtëtstëp ja ku'oypyë, ja awinax mëti'ipë pu'ts pujxn, poop pujxn, tsuxkpujxn, tsaa ets kepy mëët y'oytyunyëtyën; mëti'ipë ka'ap myëtoyën ets mëti'ipë ka'ap ye'eyën.