Daniel 2:2 - Biblia Dc en Mixe de Quetzaltepec

² Ënet twinwoowmujky kanaak ja këpetyjyä'äytyëjk, najtsja'apëtëjk, kajpxpojkpëtëjk ets ja ijxpëkyjyä'äytyëjk ets tyajniwijtëty ja kuma'ay. Ojts myiinta'atë ja ja'ayëty jam ma ja yajkutujkpën mëti'ipë ojts yajmëkajpxtën,

Biblia Mixe de Quetzaltepec

² Ënät twinwoowmujky kanaak ja këpetyjyä'äytyëjk, najtsja'apëtëjk, kajpxpojkpëtëjk ets ja ijxpëkyjyä'äytyëjk ets tyajniwijtëty ja kuma'ay. Ojts myiinta'atë ja ja'ayëty jam ma ja yajkutujkpën mëti'ipë ojts yajmëkajpxtën,

Daniel 2:2 Iomraidhean Croise

Génesis 41:8

Komjëpom, yi'iyë ënety myëmääpy myëtäjpy ja wyinkuma'ay, ënät ojts ni'ënä'ämë ko myintëty ja najtsja'apëtëjkëty ets ja wijyjyä'äytyëjkëty. Tä yë yajkutujkpë tnimëtyaktaay yë wyinkuma'ay, e ni pën ojts tkayajniwijy.

Ester 1:13

Ja yajkutujkpë Asuero jä'ä ënety nyijawëjäämpy wi'ix ja tëyajtën y'ënä'änyën ko ja jëtu'unpë ja jotmay jyää'aty, jëtu'un ënety jam tuny'atë ko tiijotmay ja yajkutujkpë tpaaty ma yë'ë jyuuky'ajtënën, yë'ë patëtëp tpaye'eytyëty ja ja'ay mëti'ipë nyija'awëtëpën ja ënä'ämën tëyajtën.

Éxodo 7:11

E yë mëj'ënä'ämpë ojts tnikäxë ja wyijyjyä'äytyëjk ets ja xyëëwmääpyëtëjk, yë'ëjëty jëtu'un tä ënety winë tuntën, näjyëtu'un ojts y'ëtëtstëpë.

Isaías 19:3

Jëtu'unës nëjkx nyaj'akumon nyajjotkumonëtë, ka'ap nëjkx jëtu'un tyunyë jyätyë ijxtëm ënety të tjatuknipëjktaakëtën. Ënet nëjkx jam winë tyajtëwtë ma y'awinaxëtyën, ma ja nasja'apëtyën, ma ja o'kpë anëmën ets ma ja patooy panajxpëtyën.

Isaías 8:19

Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

Daniel 1:20

Ma ja jotmayën ets ja winma'any ma tsyokyën ja këpetyajtën ets ja ixpëkyajtën, yë yajkutujkpë xëmë ojts yajtëwëtë ets t'ijxy ko tääpë ja ëna'këty majknipät ijty kyëpety'ajnëtë këtiinëm ja wijyjyä'äytyëjkëty ets ja najtsja'apëtëjkëty mëti'ipë jam tuuntëpën ma ja yajkutujkpën.

Daniel 1:4

ets twin'ixëty ja ëna'ktëjk mëti'ipë oyëtyën mëkëtyën, mëti'ipë kä'pxyëtyën, mëti'ipë wijyëtyën ets këpetyëtyën ets nyija'awëtyääytyëp winë ets mayëtëp tyuntëty ma ja kutujkëntaknën. Yë'ëjëty nëjkxëp yajtukni''ixëtë ja caldeo ja'ayëty ja y'aaw y'ayukëty ets ja y'ijxpëjkënëty.

Daniel 2:10

Ka'ap maa pën naaxwiinyëtë naaxkëjxy yajpaaty. Jëtu'un y'ëtsoowtë ja wijyjyä'äytyëjk, mëti'ipë nyikajpxëpën mëti'ipë Wintsën tsyojkpyën. Näyjyëtu'un ka'ap maa yajkutujkpë mëti'ipë jëtu'un ënaanp ets y'amëtoopyën tii tä mijts të xy'amëtoyën yë wiyjyä'äytyëjkëty, najtsja'apëtëjkëty ets ixpëkytyëjkëty.

Daniel 2:27

Ënet ja Daniel y'ëtsooy: Ka'ap maa wiyjyä'äy, ka'ap ma nasja'apë, xëëwmääpyë, wijyjyä'äy mëti'ipë nyija'apën wi'ix nyiwijyën yë yajkutujkpë wyinkuma'ay.

Daniel 3:8

Ënet ja caldeo ja'ayëty ojts ya'atë winma'any tpaatë ets ja pyoky ojts t'ixtaayëtë ja jutië ja'ayëty ets ojts tni'ëënëtë ma ja yajkutujkpën Nabucodonosor,

Daniel 4:3

Tëë yë myëj'ajtën tyaj'ixyë mëjwiin këjää. Xëmëkyëjxm y'ita'any yë kyutujkën ets y'ënä'ämën ijtëwaanp yë tu'kjuuky tu'kkä'äx.

Daniel 4:6

Ënätës nikajpxëtyääy ja wijyjyä'äytyëjk mëti'ipë yajpatëpën ma Babilonyë kajpnën, etsës xytyukmëmëtya'aktëty wi'ix ja nkuma'ayës nyiwijyën.

Daniel 5:7

Tääts mëk tyëjkëy yaxpë jojkpë ets tmëkajpxmujktaay ja nyasja'apëtëjk, ja wyijyjyä'äytyëjk ets ja xyëëwmääpyëtëjk mëti'ipë jam Babilonyë yajpatëpën ets t'ënëmaay: Pën yajniwijpy xiipë këxja'ay yajpaatyën ets pën xytyukmëmëtyakpës wi'ix y'ënä'änyën, yë'ë yajtukxoxëp yë tsapts yëk wit ets yajtukyo'kwitsëty yë pu'ts pujxn jo'oky ets yë'ë nëjkx y'ity ënä'ämpë ma ja mëtëkëëkpë ja ënä'ämpën ëpa'tkë'ëytsyowpë yajpaatyën.

1 Samuel 6:2

Ets ja filistejë ja'ayëty tyaxmujktaaytyë ja teetytyëjkëty, xëëwmääpyëtëjkëty ets tyajtëëwtë: ¿Tii mëpaat n'ëktu'unëmë mëët ja Wintsën ja kyaaxë? Tuk'ëwa'anëtëkës wi'ixës mëpaat jatëkok nyajwinpitë.