Daniel 1:4 - Biblia Dc en Mixe de Quetzaltepec

⁴ ets twin'ixëty ja ëna'ktëjk mëti'ipë oyëtyën mëkëtyën, mëti'ipë kä'pxyëtyën, mëti'ipë wijyëtyën ets këpetyëtyën ets nyija'awëtyääytyëp winë ets mayëtëp tyuntëty ma ja kutujkëntaknën. Yë'ëjëty nëjkxëp yajtukni''ixëtë ja caldeo ja'ayëty ja y'aaw y'ayukëty ets ja y'ijxpëjkënëty.

Biblia Mixe de Quetzaltepec

⁴ ets twin'ixëty ja ëna'ktëjk mëti'ipë oyëtyën mëkëtyën, mëti'ipë kä'pxyëtyën, mëti'ipë wijyëtyën ets këpetyëtyën ets nyija'awëtyääytyëp winë ets mayëtëp tyuntëty ma ja kutujkëntaknën. Yë'ëjëty nëjkxëp yajtukni''ixëtë ja caldeo ja'ayëty ja y'aaw y'ayukëty ets ja y'ijxpëjkënëty.

Daniel 1:4 Iomraidhean Croise

Génesis 41:46

I'px majk ënety yë José yë jyëmëjt ko ojts yajmënëjkxy ma yajkutujkpën, mëti'ipë ënety ënä'ämpë'ajtpën jap Egiptë. Ënet yë José nyäy'ëxmajtsë mëët yë yajkutujkpë ets tyëjkëy jëtijtpë maajaty ja kajpnën. T'aye'ey t'anaxy maajaty ja naax kajpnë mëti'ipë Egiptë nyitënääpyën.

2 Samuel 14:25

Ma tëkokyë yë Israel kajpn tnitänën, ka'ap ënety maa ja'ay jëtu'unpë y'oyëty tsyujëty tä yë Absalonkën ets jëtu'unpë akäjpxy y'ityën tä yë'ëjën ka'ap nitii ma'at yaj'ixy, tsyo'ontä'äky ma tyekyën ets jyëjpkëxy ma kyëpajkën.

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

Eclesiastés 7:19

Ni'ik yë ja'ay jotmëk nyäjyawëty mëti'ipë wijyën, këtiinëm jëtu'un ko nimajk njatukjotmëk'ajtmëty yë yajkutujkpë naaxjoty kajpnjoty.

Isaías 36:11

Ënet ja Eliaquim, Sebná ets Joah t'ëtsoowtë ja Asiria ja'ay mëti'ipë tsiptuunpë nyiwintsën'ajtypyën: Tun mëyajtën, arameë ayukës tukmëkajpxtëk ka'apës nwinjawëtë hebreo ayuk, jä'ä ko tam ja'ay potsykyëjxm jyatëtë wa'ats jam tmëtowtë.

Jeremias 5:15

Jëtu'un yë Wintsën y'ënä'äny: Israel, ntuknikäxäämpy tu'uk yë kajpn mëkpë, jekykyajpn ets jëkämpë tsyoonyën, mëti'ipë wiink ayuk kyajpxtëpën, mëti'ipë mijts ka'ap xytyukjatyën.

Daniel 2:10

Ka'ap maa pën naaxwiinyëtë naaxkëjxy yajpaaty. Jëtu'un y'ëtsoowtë ja wijyjyä'äytyëjk, mëti'ipë nyikajpxëpën mëti'ipë Wintsën tsyojkpyën. Näyjyëtu'un ka'ap maa yajkutujkpë mëti'ipë jëtu'un ënaanp ets y'amëtoopyën tii tä mijts të xy'amëtoyën yë wiyjyä'äytyëjkëty, najtsja'apëtëjkëty ets ixpëkytyëjkëty.

Daniel 2:2

Ënet twinwoowmujky kanaak ja këpetyjyä'äytyëjk, najtsja'apëtëjk, kajpxpojkpëtëjk ets ja ijxpëkyjyä'äytyëjk ets tyajniwijtëty ja kuma'ay. Ojts myiinta'atë ja ja'ayëty jam ma ja yajkutujkpën mëti'ipë ojts yajmëkajpxtën,

Daniel 3:8

Ënet ja caldeo ja'ayëty ojts ya'atë winma'any tpaatë ets ja pyoky ojts t'ixtaayëtë ja jutië ja'ayëty ets ojts tni'ëënëtë ma ja yajkutujkpën Nabucodonosor,

Daniel 4:7

Tä myiintaaytyë ja wijyjyä'äytyëjkëty, ja xëëwmääpyëtëjkëty ja najtsja'apëtëjkëty ets tëkokyë ja ijxpëkyjyä'äytyëjkëty, ënätës ntukmëmëtyaktaaytyë ja nkuma'ayës, je'eyëp ko ka'ap ojts tmëwinma'aypyaatë wi'ix nyiwijyën.

Daniel 5:11

ma kutujkëntaknën tam tu'uk yë ja'ay yajpaaty mëti'ipë tu'uwinye'eyëpën yë Wintsën yë myëj'ajtën y'oyajtën. Ko ijty yë'ë ja mteety kyutujkpë'aty tääpë ja'ay ojts tyaj'ixyë wi'ix wyijyëtyën ets wi'ix y'ijxpëkyëtyën, jëtu'un yaj'ijxy tiosën. Paaty yë Nabucodonosor yajkutujkpë ojts yë'ë tpëjktä'äky ets tniwintsën'atëty yë wijyjyä'äytyëjk, najtsja'apëtëjk, ijxpëkytyëjk ets xëëwmyääpyëtëjk mëti'ipë yajpatëpën ma Babilonyë naaxwiinyëtë tnitänën,

Daniel 5:7

Tääts mëk tyëjkëy yaxpë jojkpë ets tmëkajpxmujktaay ja nyasja'apëtëjk, ja wyijyjyä'äytyëjk ets ja xyëëwmääpyëtëjk mëti'ipë jam Babilonyë yajpatëpën ets t'ënëmaay: Pën yajniwijpy xiipë këxja'ay yajpaatyën ets pën xytyukmëmëtyakpës wi'ix y'ënä'änyën, yë'ë yajtukxoxëp yë tsapts yëk wit ets yajtukyo'kwitsëty yë pu'ts pujxn jo'oky ets yë'ë nëjkx y'ity ënä'ämpë ma ja mëtëkëëkpë ja ënä'ämpën ëpa'tkë'ëytsyowpë yajpaatyën.

Daniel 9:1

Yë Daniel, Asuero myaank, medo ja'ay, mëti'ipë ënety jam yajkutujkpën ma Caldeo ja'ayëtyën.

Zacarías 2:4

ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.

Hechos 7:20

Jää jëmëjt ojts myëxu'unk'aty ja Moisés. Tsojkëp ja Dios ijty ni'ik. Tää ja tyaak tyeety yajyä'kë tëkëëk po'o yu'utsy jam tyëkotmëty.

Hechos 7:22

Tääts ja Moisés t'ijxpëjktaay tu'kë'ëyë ja wijyajtën kejyajtën mëti'ipë ja Egiptë ja'ayëty nyija'awëtëpën; ets mëj'äämpy y'awinpijty ma ja aaw ayukën ets ma winë ttuny tkäjpxyën.

Efesios 5:27

ets tyaj'ita'any wa'ats, oy, ka'ap xyootsëty ets ka'ap y'äämyëty.

Jueces 8:18

Tääts tyajtëëy ja Zébah ets Zalmuná: ¿Ja ja'ayëty mëti'ipë jam myaj'o'ktën Tabor wi'ix ënety y'ixë'atë? Tääts y'ëtsoowtë: Aakjëtu'un y'ixë'atë tä mijtsën, aakjëtu'un kyëxë'ëktë tä jeexyë yë yajkutujkpë teety'atën.