Daniel 1:3 - Biblia Dc en Mixe de Quetzaltepec

³ ojts näjyëtu'un tuknipëky yë Aspenaz, mëti'ipë nyiwintsën'ajtypyën ja ja'ayëty mëti'ipë këwent'ajtëpën ja kutujkëntëjk,

Biblia Mixe de Quetzaltepec

³ ojts näjyëtu'un tuknipëky yë Aspenaz, mëti'ipë nyiwintsën'ajtypyën ja ja'ayëty mëti'ipë këwent'ajtëpën ja kutujkëntëjk,

Daniel 1:3 Iomraidhean Croise

2 Reyes 24:15

Nabucodonosor ojts tsum tyajnëjkxy ja Joaquín, mëët ja y'u'unk y'ëna'k, y'u'unk tyo'oxytyëjk; ja tyaak ets ja tyuunpëtëjk mëët ja y'u'unk tyo'oxytyëjkëty, y'u'unk y'ëna'këty; wyintsëntëjkëty ets ja tsyiptuunpëtëjkëty ets ja ja'ayëty mëj'äämpyë jam të yajpaatën ma ja naax kajpnën. Tsumy nyëjkxtaaytyë jam Babilonyë, jam tsyo'ontë Jerusalén.

Isaías 39:6

Pyatäämpy ja xëëw jëmëjt ma myina'antë yë mëtsip ets tyajnëjkxta'aja'antë tëkokyë winë mëti'ipë yajpatpën ma mkutujktaknën ets tëkokyë mëti'ipë të tpaat të t'ixtën yë m'ap m'okëty tyampaat; nëjkxëp winë tmënëjkxta'atë jam Babilonyë, nitii kyawë'ëma'any. Jëtu'un yë Wintsën të y'ënä'äny.

Isaías 39:7

Yë'ëpaat nëjkx yajmënëjkxtë m'u'unk m'okëty jam Babilonyë, nëjkxëp yajnëtsuktë y'ëxtsyaajëty ets jap myëtuntëty ma ja yajkutujkpë ja y'akujk tëjkën.

Jeremias 41:1

Ma mëwëxtujk po'o y'apetyën, yë Ismael, yë Netanías yë myaank, yë Elisamá y'ok'u'unk, yë yajkutujkpë y'u'unk y'ok; mëti'ipë ënety yë yajkutujkpë të tsiptuunpë wintsën'atyën, ojts jam nyijkxy Mispá ets tmëëtmëtya'aka'any yë Guedalías. Majk ojts yë jyä'äy pyanëjkxyë. E jam Mispá, kaaytyëp ënety jam,

Deuteronomio 28:41

Mjamëët'atëp yë mmaank ets mnëëx; wäänë y'itëty, tääts yë mmëtsip mtukja'tëtëty ets tyajnëjkxta'ajëty. Tääts nëjkx mijts mwë'ëmnë u'unktuk ëna'ktuk.