Apocalipsis 9:8 - Biblia Dc en Mixe de Quetzaltepec

⁸ Ets ja wyääyëty jëtu'un yaj'ixy ijxtëm ja to'oxytyëjk ja wyääyëtyën; ets tyëtsëty jëtu'un ijxtëm yë kaatëtsën.

Biblia Mixe de Quetzaltepec

⁸ Ets ja wyääyëty jëtu'un yaj'ixy ijxtëm ja to'oxytyëjk ja wyääyëtyën; ets tyëtsëty jëtu'un ijxtëm yë kaatëtsën.

Apocalipsis 9:8 Iomraidhean Croise

2 Reyes 9:30

Ënet ja Jehú ojts jam nyijkxy Jezreel. Ko yë Jezabel tnija'awëy, ënät yajxon tkooy tpëjky ja wyiin jyëjp ets tyaj'o'oyëy yë wyääy; tääts jam kyu'ijxnaxy ma tyëjkwiinën.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Isaías 3:24

Je'eyë nëjkx tyokxu'knëtë ijxtëm jeexyë pya'akxuuktën, tejpxy nëjkx yajtukyo'ktsumtë tä jeexyë pyo'owëën yajkëxpëktën, ni'ikyë nëjkx wyääy yajnëkä'pta'atë ijxtëm jeexyë yenyjyäty tmëët'atën; tä jeexyë oywyit tuktëkëtën, këëts wit nëjkx tyajtuntë, tä jeexyë yaj'oytyuntën, anpujxn nëjkx yajtuktsa'atë.

Joel 1:6

Jä'ä ko yë mu'u jëtu'un myina'any maas yë nnaax nkajpnën tä maytsyiptuunpëtëjk muum jya'tën ets y'aaw tyëtsëty tmëmintë tä kaajën.

Romanos 9:29

Ijxtëm ja Jeséas ënety të y'ënä'änyën: Ko jeexyë ja Wintsën mëti'ipë maaytyääyëpën winë të tkayajwë'ëmy ja u'unk ok, jëtu'un jeexyë tyam nyajpatëmë ijxtëm ja Sodomë kajpn ets Gomorra kajpnën.

1 Timoteo 2:9

Ntsojkpyës näjyëtu'un ets ja to'oxytyëjk nyäxyoxëtëty wintëy wiinkujk ets nyäy'oytyunëtëty ijxtëm pyaat'atyën; ka'ap nëkooyë ja wyääy kyopk nëkaax tsajpkaaxtëty, nän ka'ap ja tsowëtypë ja kë'ëjiits ëkë ja nantsëm tyajtuntëty.

1 Pedro 3:3

Ka'ap yë'ëjëty oy xy'ixtëty ja nëkëjxypyë, wi'ix ja waay yajkaaxyën, tä ja pu'ts pujxnën ëkë ja wit tujkxy oyëtypë,