Apocalipsis 9:3 - Biblia Dc en Mixe de Quetzaltepec

³ Jap jokjoty ja maymyu'u pyëtsëëmtë ets ja naaxwiinyëtë twinye'eyëtyääytyë, ojts yajmo'otë ja mëk'ajtën ijxtëm ja kä'pyën ets ja naaxwiinyëtë ja'ay tyajtsëtyutëty.

Biblia Mixe de Quetzaltepec

³ Jap jokjoty ja maymyu'u pyëtsëëmtë ets ja naaxwiinyëtë twinye'eyëtyääytyë, ojts yajmo'otë ja mëk'ajtën ijxtëm ja kä'pyën ets ja naaxwiinyëtë ja'ay tyajtsëtyutëty.

Apocalipsis 9:3 Iomraidhean Croise

1 Reyes 12:11

pën mëk ojts winë mtuktunëtë, ëjts wäänë mëk yam winë ntuktuna'antë; pën mwojpëtëp ijty mëët yë tejpxy, ëjts yë'ëjës yam miits ntukwoptëp yë po'oxu'tsn mëti'ipë pujxn jyëjp'ajtypyën.

2 Crónicas 10:11

pën je'emty ojts winë mtuknitsëmëtë, ëjts wäänë je'emtyës yam miits ja tsëmy nmo'oja'antë; pën ojts mtukwopëtë yë tejpxy, ëjts yë'ëjës yam miitsëty ntukwoptëp yë po'otejpxy mëti'ipë jam jëjp'am pujxn myëët'ajtypyën.

2 Crónicas 10:14

jä'ä ojts ja ëna'ktëjk ja y'aaw y'ayuk tnikajpxë ets t'ënëmaay: Pën Je'emtyëty ojts ja tyeety winë tyuktsëëmë'ëkëtë, yë'ë wäänë je'emty winë tyuktsëëmë'ëka'anëtë ets pën tejpxy ojts ja tyeety tyukwopëtë, yë'ë po'otejpxy tukwopanëtëp mëti'ipë myëët'ajtypyën pujxn jam jëjp'am.

Isaías 33:4

Ja myëtsiptëjk jëtu'un tyukja'tyë tä maymyu'ujën, jëtu'unyë tyukëtä'äkyë ets pyëjkëtyä'äyë winë.

Ezequiel 2:6

Mijts, ye'etyëjk këtii xytsyë'ëkëty ets këtii xymyëpëkëty oy wi'ix jya'ëna'antëty, oy jëtu'un mjanäjyawëtëty äpny akujk ëkë kä'py akujk yowë myajpaaty. Këtii mtsë'ëkëty oy wi'ix m'ënë'ëmxëtëty ets këtii xytsyë'ëkëty ko ëxëëkëm wyintë'kxtëty ets nëkooyë y'ëwa'an'atëty.

Joel 1:4

Wa'ats yë mu'u të tjë'kxta'ay yë pëjktä'äky, mëti'ipë ojts jyaakwë'ëmyën wiinkpë të myintë ets të yajkëxyë.

Joel 2:25

Ëjts mkëpäjta'ajäämpy yë mpëjktä'äkyëty mëti'ipë të tyëkoyën ma ka'ap winë të y'ity të wyintëyën ko ja mu'u të tyuuntëkoy, tääpë tuuntëkoopyë mëti'ipë ojts ntuknikäxtën.

Nahúm 3:15

Tääts jam mnitoyëty ets kupuxy mjaak ookëty. Jëtu'un mnimayëty tä mu'u ets tä pujtpë myäyëtyën.

Nahúm 3:17

Yë mkëwent'ajtpë jëtu'un yë'ëjëty tä mu'ujën; mëti'ipë yajmujktëpën yë tsiptuunpëtëjk jëtu'un yaj'ixtë yëmën: Ko tyityky'äty jam kyëxkäkta'atë potsywinm; ko xëëw pyëtsimy tääts jam tsyo'onta'atë, ka'ap yajnijawëtë maa nyëjkxtë.

Lucas 10:19

Ëjts miits të nmo'otë ja kuttujkën ets ka'ap wi'ix mjatëty oy xyjyatukwa'kpätëty ja tsa'any ëkë ja kä'py ets xymyëmëta'aktëty miits ja mmëtsip, ka'ap wi'ix mjatëty.

Deuteronomio 8:15

Ets ojts myajjëtitëtë jam të'ëts'itjotm ma ënety jam yë ëwa'anëtypë jëyujk yajpaatën, tä tsa'anyën, kaa jëyujkën, yë kä'pyën ets ma ka'ap yajpaatyën ja nëë; e yë'ë ojts yë myëj'ajtën tyaj'ixyë, ojts ja nëë tyajpëtsëmy tsaajoty ets myajnëë'ukëtë.

Apocalipsis 9:5

Näy ka'ap të yajtuknipëktë ets ja ja'ay timyaj'ooktëty, je'eyë ko tyajtsëtyutëty ets ja ja'ay pyëk y'atonëtëty mëkoxk po'o, ijxtëm ja kä'py tyipyën.

Apocalipsis 9:7

Ja mu'ujëty jëtu'un kyëxë'ëktë ijxtëm ja maykyëwaayën mëti'ipë yajmëtsoonaanpën tsiptuunpë. Kyëpajkëjxm tmëët'atë ijxtëm pu'ts pujxn kujupën. Jëtu'un ja wyiin jyëjp kyëxë'ëktë ijxtëm yë ja'ayën.

Jueces 7:12

E ja Madián ja'ayëty, Amalec ja'ayëty ets tëkokyë jënu'un ënety jam tsyoontën xëëwpëtsëmtsyow ets të nyäpyëkëtë, tu'ukyë ënety jam joyjyotm të nyäpyëjkta'akëtë tä yë poomxots tyajwintukyën muum yë kam tu'u ko kyëtyeyä'äny. Yajxon ënety myäy'ajnë ja jëyujk jëku'ux, jëtu'un tä nëë'ajinën.