Apocalipsis 8:9 - Biblia Dc en Mixe de Quetzaltepec

⁹ Jëtu'un tu'kpëky tyëkooytyääy ja juukpyë mëti'ipë ënety jap mejyjoty tsënaaytyëpën ets ja kepy nëëwinye'epyë näjyëtu'un wyintëkooytyë.

Biblia Mixe de Quetzaltepec

⁹ Jëtu'un tu'kpëky tyëkooytyääy ja juukpyë mëti'ipë ënäty jap mejyjoty tsënaaytyëpën ets ja kepy nëëwinye'epyë näjyëtu'un wyintëkooytyë.

Apocalipsis 8:9 Iomraidhean Croise

Salmos 48:7

Jëtu'un tä mëkpoj myinyën anajnytsyow, mëti'ipë yajma'typën yë kepy nëëwinye'epyë jampë yajpaatën Tarsis.

Éxodo 7:21

O'ktaaytyë ja nëë jëyujk, ja nëë ëxëëkëm ojts xyu'knë jyojknë, wi'ix ja Egiptë ja'ayëty t'ëk'uuktëty. Jap Egiptë aak ne'pyny ënety yaj'ijxnëp oy myaa'ajnë.

Isaías 2:16

mëti'ipë jëtu'un näjya'awëtëpën tä ja kepy nëëwinye'epyë jampë Tarsis, tä ja kepy nëëwinye'epyë oyjyätyëtypë.

Isaías 23:1

Ma yaj'akäjpxyën wi'ix yë Tirë kajpn jyata'any kyëpäta'anyën: Je'eyë jyaak mu'uy jyaak niitsy ja kepy nëëwinye'epyë mëti'ipë jam Tarsis tso'onpën, jä'ä ko tëë ja mëtsip tyajma'ta'ay ma jyajta'aktën. Tëë mya'ta'ay ma jya'tën mëti'ipë tso'onpën jam Chipre.

Zacarías 13:8

Jawäänkakujkxwä'kxy nëjkx y'ooktë mëti'ipë yajpatëpën ma ya'atë naax kajpnën: Je'eyë nëjkx wyë'ëmtë juuky nän jawäänë kyakujkwä'kxyëty. E tääpë ënety juuky jyaakwë'ëmtën jëënjotyës nyajnaxa'antë; jëtu'unës nyajwintooywya'atsa'antë tä yë poop pujxn wyintooywyä'ätsyën, etsës nyajwa'atsa'any tä yë ja'ay pu'ts pujxn tyajwa'atsyën. Ënet nëjkx xymyëkajpxtës etsës nëjkx n'ëtsowtë. Ets nëjkx ntijtës Kajpn mëti'ipës nKajpn'ajtypyën, ets nëjkx xy'ëtsowtës: Yë Wintsën, yë'ë ëëts nTios'ajtëp. Ëjts Wintsën, ëjts ënaanp.

Apocalipsis 12:4

Ja pyi'ixy, jä'ä tyukpijtmujkpy tu'kpëky ja tëkëëk pëkpyë ja matsa'a tsajpwinmëpë ets naaxkëjxy tyajnaaxkëtä'äky. Ja mëj tsa'any, yë'ë wa'ak'o'oyëy ma ja to'oxytyëjkën mëti'ipë u'unkpaataanpën ets ja y'u'unk ënätyë tsu'utsanë ko myëxu'unk'atëty.

Apocalipsis 16:3

Tääts ja mëmäjtskpë ja tsajpjotmëtë kukäjpxy tyajtukwatsy ja y'a'ukën mejyjoty ets ja mejy y'awinpijty ijxtëm yë ja'ay nye'pnyën mëti'ipë ja'ay të yaj'ookyën. Jëtu'unts y'o'ktaaytyë mëti'ipë mejyjoty juuky'ajtëpën.

Apocalipsis 8:10

Ko ja mëtëkëëkpë ja tsajpjotmëtë kukäjpxy tukxuxy ja pyujxn xuxn, ënät tu'uk ja mëj matsa'a ojts kyä'äy tsajpwinm, jëtu'un tyoy ijxtëm jëënyä'änkën. Jam kyuka'ajëy ma tu'kpëky ja tëkëëk pëkpyë ja mëjnëëjën ets maajëty ja nëë myuutyën.

Apocalipsis 8:12

Ko ja mëmajktaxkpë ja tsajpjotmëtë kukäjpxy ja xyuxn tukxuxy, ënät tu'kpëky ja tëkëëk pëkpyë ja xëëw, po'o ets ja matsa'a wyintëkooytyë. Jëtu'un ka'ap kyujajy kyutë'kxy ja xëëw, ja po'o ets ja matsa'a; taxk horë xëëny ets taxk horë koots y'ijty.

Apocalipsis 8:7

Mëtu'ukpë ja tsajpjotmëtë kukäjpxy ojts tukxu'uxy ja pyujxn xuxn ets myiiny naaxwiiny ja tëtsn tuu ets ja jëën ne'pyny myëëtpë, jëtu'un tyooytyëkooy tu'kpëky ja naaxwiinyëtë ma ja tëkëëk pëkpyën mëët tu'kë'ëyë ja aay kepy ets ja aay ujts.

Apocalipsis 9:15

Ënet yajmëkäjëtyë ja nimajktaxkpë ja tsajpjotmëtë kukäjpxy ets tyaj'ooktëty tu'kpëkpyë, ma ja tëkëëk pëkpyë ja naaxwiinyëtë ja'ayëtyën. Tuknipëjktaakë ënety y'itë tääpë xëëw, jä'ä xëëw, jä'ä po'o, jä'ä jëmëjt.

Apocalipsis 9:18

Jëtu'unts tu'kpëky ja tëkëëk pëkpyë naaxwiinyëtë ja'ay y'o'ktë mëët ja jëënyä'änk, jok ets ja azufre mëti'ipë kwaay y'aawjoty pëtsëëmpën.