Apocalipsis 8:8 - Biblia Dc en Mixe de Quetzaltepec

⁸ Ja mëmäjtskpë ja tsajpjotmëtë kukäjpxy ojts tukxu'uxy ja pyujxn xuxn, ënät ojts y'aka'ajë mejyjoty tu'uk mëti'ipë këxë'kpën ijxtëm kopkën jëënyä'änkjoty ets y'awinpijty ne'pynyën tu'kpëkpyë ja mejy ma ja tëkëëk pëkpyën.

Biblia Mixe de Quetzaltepec

⁸ Ja mëmäjtskpë ja tsajpjotmëtë kukäjpxy ojts tukxu'uxy ja pyujxn xuxn, ënät ojts y'aka'ajë mejyjoty tu'uk mëti'ipë këxë'kpën ijxtëm kopkën jëënyä'änkjoty ets y'awinpijty ne'pynyën tu'kpëkpyë ja mejy ma ja tëkëëk pëkpyën.

Apocalipsis 8:8 Iomraidhean Croise

Jeremias 51:25

Ëjts mëtsipës nnaxy ma mijtsën. Jëtu'un mijts tä yë tun kopkën mëti'ipë yajkutëkoopyën, mëti'ipë tu'kë'ëyë yë naaxwiinyëtë yajkutëkoopyën. Ëjts Wintsën, ëjts ënaanp. Nxajtëwäämpyës yë nkë'ë ets mijts ntëytyuna'any, nyajwinkëpipäämpy tsaakäätswiiny ets nyaj'awinpita'any tä kopkën tëëpë nyitooytyu'utyën.

Ezequiel 14:9

E ko tu'uk yë käjpxynyajxpë tëkatsy winë tkajpxnaxëty, ëjts Wintsën, ëjts ënety të nwin'ëëny tääpë käjpxynyajxpë; nëjkxëpës nixajë'ëky ets ntëytyunyës ets njo'otsa'anyës maas yë nnaax nkajpnën, Israel kajpn.

Amós 7:4

Ënätës yë Wintsën të xytyuk'ixy: Ko tu'uk yë ëyo'on të tkexy, mëti'ipë jëtu'un këxë'kpën tä jëënën, tëë tyajtë'ëtsy ja komnëë ets nëkooyë ja tun kopk të tyajwintooytyutaaynyë.

Zacarías 13:8

Jawäänkakujkxwä'kxy nëjkx y'ooktë mëti'ipë yajpatëpën ma ya'atë naax kajpnën: Je'eyë nëjkx wyë'ëmtë juuky nän jawäänë kyakujkwä'kxyëty. E tääpë ënety juuky jyaakwë'ëmtën jëënjotyës nyajnaxa'antë; jëtu'unës nyajwintooywya'atsa'antë tä yë poop pujxn wyintooywyä'ätsyën, etsës nyajwa'atsa'any tä yë ja'ay pu'ts pujxn tyajwa'atsyën. Ënet nëjkx xymyëkajpxtës etsës nëjkx n'ëtsowtë. Ets nëjkx ntijtës Kajpn mëti'ipës nKajpn'ajtypyën, ets nëjkx xy'ëtsowtës: Yë Wintsën, yë'ë ëëts nTios'ajtëp. Ëjts Wintsën, ëjts ënaanp.

Marcos 11:23

Tëy miits n'ënëëmëtë, pën nyëmääpy ya'atë kopk: kä'äk jää, tëkë mejyjoty ets ëmuumtu'ukjot jëtu'un t'ënëëmë ets ni'ikyë y'ënä'äny ko jëtu'un tyuna'any jyata'anyë, janty tun janty jatëtëp jëtu'un.

Apocalipsis 11:6

Ja nimäjtskpë mëti'ipë ja tëyajtën yajktëpën myëët'ajtëp ja mëk'ajtën ets ka'ap tyu'ujëty kanaak xëëw ma ja Dios ja jyä'ä tkajpxwa'kxëtën, ets nän myëët'ajtëp ja mëk'ajtën ets ja nëë tyajne'pynyëtya'atëty ets tyaj'ëyowtëty ja naaxwiinyëtë ja'ay mëët kanaaknax ja ëyo'on jotmay ijxtëm kë'ëm timtsyoktën.

Apocalipsis 12:4

Ja pyi'ixy, jä'ä tyukpijtmujkpy tu'kpëky ja tëkëëk pëkpyë ja matsa'a tsajpwinmëpë ets naaxkëjxy tyajnaaxkëtä'äky. Ja mëj tsa'any, yë'ë wa'ak'o'oyëy ma ja to'oxytyëjkën mëti'ipë u'unkpaataanpën ets ja y'u'unk ënätyë tsu'utsanë ko myëxu'unk'atëty.

Apocalipsis 8:7

Mëtu'ukpë ja tsajpjotmëtë kukäjpxy ojts tukxu'uxy ja pyujxn xuxn ets myiiny naaxwiiny ja tëtsn tuu ets ja jëën ne'pyny myëëtpë, jëtu'un tyooytyëkooy tu'kpëky ja naaxwiinyëtë ma ja tëkëëk pëkpyën mëët tu'kë'ëyë ja aay kepy ets ja aay ujts.

Apocalipsis 9:15

Ënet yajmëkäjëtyë ja nimajktaxkpë ja tsajpjotmëtë kukäjpxy ets tyaj'ooktëty tu'kpëkpyë, ma ja tëkëëk pëkpyë ja naaxwiinyëtë ja'ayëtyën. Tuknipëjktaakë ënety y'itë tääpë xëëw, jä'ä xëëw, jä'ä po'o, jä'ä jëmëjt.

Apocalipsis 9:18

Jëtu'unts tu'kpëky ja tëkëëk pëkpyë naaxwiinyëtë ja'ay y'o'ktë mëët ja jëënyä'änk, jok ets ja azufre mëti'ipë kwaay y'aawjoty pëtsëëmpën.