Apocalipsis 7:12 - Biblia Dc en Mixe de Quetzaltepec

¹² ets y'ëna'antë: Tëy jëtu'un. Ja mëjja'awën jaanty ja'awën, ja wijyajtën kejyajtën, ja mëj'ajtën jaanty'ajtën, ja kukajpxën, ja wintsë'kën, ja mëk'ajtën ets ja mëjaaw, yë'ë tu'kë'ëyë yajmooytya'ajëp xëmëkyëjxm ja nTios'ajtëmë. Jëtu'un y'itëty

Biblia Mixe de Quetzaltepec

¹² ets y'ëna'antë: Tëy jëtu'un. Ja mëjja'awën jaanty ja'awën, ja wijyajtën kejyajtën, ja mëj'ajtën jaanty'ajtën, ja kukajpxën, ja wintsë'kën, ja mëk'ajtën ets ja mëjaaw, yë'ë tu'kë'ëyë yajmooytya'ajëp xëmëkyëjxm ja nTios'ajtëmë. Jëtu'un y'itëty

Apocalipsis 7:12 Iomraidhean Croise

Nehemías 12:46

Tëëyëp ma David ets Asaf jyuuky'äjtyën, yë ëëpë xuxpëty tam ijty tmëët'atë mëti'ipë tu'uwinye'eyëtëpën, tää'ajtp ijty näjyëtu'un yë ëëpë yaxpëty ets mëti'ipë ëëwtak kajpxtaktëpën.

Nehemías 12:8

Ja Leví ja'ayëty mëti'ipë xyëëwajtëpën: Josué, Binuy, Cadmiel, Serebías, Judá ets Matanías ets mëët ja myëku'uktëjkëty mëti'ipë ënety nyikopk'ajtëpën ja ëëpëtëjkëty;

Salmos 100:4

Mintë ma tyëjkëtyaknën, ets mtëkëtëty ma tsyajptëjkën, tukwin'ëw tukwinya'axtë ja kukkajpxën ja'awëkyëtakkën. Mo'otë yë kukkajpxën ja'awëkyëtakkën, ets mëjjawëtë kënu'kxyjyawëtë yë xyëëw.

Salmos 106:48

Kënu'kxy yë Wintsën yë xyëëw y'itëty, mëti'ipë yë Israel ja'ay Tyios'ajtëpën xëmëkyëjxm. Wä'än ni'ëmukë t'ënaanta'atë: Oy'atëp jëtu'un. Tukxoontä'äky mëjjawë Dios yë xyëëw nyaxëty.

Salmos 107:22

Tukmëyoxtë ets tukwintsë'ëkëtë yë kukkajpxën ja'awëkyëtakkën, ets nimëtya'aktë mëët yë xoontakën ko janty'oy winë tuny tkäjpxy.

Salmos 116:17

Nmo'ojäämpy yë wintsë'kën ets jëtu'un nyajnaxa'anyës yë kukkajpxën ja'awëkyëtakkën, etsës n'ëwtata'any yë mxëëw, Wintsën.

Salmos 147:7

Win'ëw winya'axtë yë Wintsën mëët yë kukkajpxën ja'awëkyëtakkën, tukwin'ëwtë yë nTios'ajtëm yë ëy yä'äxy mëët yë kow.

Salmos 41:13

Kënu'kxy yë Wintsën y'itëty mëti'ipë yë Israel y'ëwtajtypyën tyam ets xëmëkyëjxm. Jëtu'un'atëp.

Salmos 50:14

Wä'än yë Dios yë'ë tyajtukwintsë'ëkë yë kukkajpxën ja'awëkyëtakkën; kuuytyun mëti'ipë të xytyukwinwanën ja Ni'ik Këjxmëpë.

Salmos 72:19

kënu'kxy mëjjawë xëmë y'itëty yë myëjxëëw. Wä'än yë naaxwiinyëtë tyajpaaty mëët yë myëj'ajtën y'oyajtën. Ets jëtu'un tyunëtëty jyatëtëty.

Salmos 89:52

Kënu'kxy mëjjawë yë Wintsën xëmë y'itëty. Jëtu'un, jëtu'un y'itëty.

Salmos 95:2

Tsojk nwinkuwa'këmë mëët yë kukajpxën ets ntukxoontakmëty mëët yë ëy ma yajmëjpëjktä'äkyën.

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

Jeremias 33:11

ja ëy xoontä'äky ets xuxën wojpën. Nëjkxëp ja pëjkpë ukpë yajwinxoonta'aktë ets ja ja'ay tyaka'antë ja wintsë'kën, tyajnaxa'antë ja kukajpxën.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Jonás 2:9

E ëjts nyajnaxäämpyës ja kukkajpxën ja'awëkyëtakkën ma mijtsën ets nmo'ojäämpy yë mwintsë'kën. Mijts tu'ukyë maayëp wi'ix yë ja'ay xyaj'ëwaatsëpëtsëmëtyën.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Romanos 11:36

Dios tu'kë'ëyë winë myëët'ajtääpy, ets yë'ë winë yaj'ijtääpy. Jëtu'un xëmëkyëjxm y'itëty ja Dios ja myëj'ajt y'oyajtën.

1 Corintios 14:16

Ko mijts ja Dios xy'ëwtatëty ets xyajtunëty ja wiink ayuk, ets ja wiink ja'ay tmëtowëty ko tam ja Dios xymyëkäjpxy, ka'ap tjëkyepy mpukajpxëtëty jä'ä ko ka'ap ënety tja'akyukë mëti'ipë mjakäjpxypën.

2 Corintios 4:15

Tu'kë'ëyë ya'atë, paaty jëtu'un të tyuny të jyätyë ets miits xytyuk'oy'atëty; nyimayë'ëtë'ëtstëty ja ja'ay mëti'ipë Dios kënu'kxëtëpën, näjyëtu'un nyimay'atëty ja ja'ay mëti'ipë kyukajpxëtëpën ja Dios ets ja Dios yajmëjjaw yajjaantyjyawëty.

Colosenses 2:7

Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Dios xykyukajpxëtëty.

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Dios ja kukajpxën Jesukristë mëët.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

Apocalipsis 19:4

Tääts ja i'px taxkpë ja mëjja'aytyëjk ets ja nimajktaxkpë juuky'ajtpë nyäkyoxtënaaytyakëtë naaxkëjxy ets ja Dios tmëjja'aw tjaantyja'awëtë, mëti'ipë u'unyääpyën ma kutujktaknën ets y'ënantë: Tukxoontä'äky mëjjawë yë Dios yë xyëëw nyaxëty.