Apocalipsis 7:10 - Biblia Dc en Mixe de Quetzaltepec

¹⁰ Ni'ëmukë mëk y'ëna'antë: Yë Dios të xyajnitsokëmë, mëti'ipë u'unyääpyën jam ma kutujktaknën ets mëti'ipë yajtijpën Kupixyny U'unk.

Biblia Mixe de Quetzaltepec

¹⁰ Ni'ëmukë mëk y'ëna'antë: Yë Tios të xyajnitsokëmë, mëti'ipë u'unyääpyën jam ma kutujktaknën ets mëti'ipë yajtijpën Kupixyny U'unk.

Apocalipsis 7:10 Iomraidhean Croise

Salmos 115:1

Wintsën, ja oyajtën ets ja mëj'ajtën mijts yë mpatëp, ets ka'ap y'ëëts'atë. Ja oyajtën ets ja mëj'ajtën mijts mpatëp mëët ko xymyëët'aty ja tsojkën ja'awën ets ja tëyajtën.

Salmos 3:8

Mijts Wintsën mijts myajtsokp; kënu'kx yë mnaax mkajpn.

Salmos 37:39

Yë putëjkën mëti'ipë oyjyä'äytyëjk yajmo'ojantëpën jam tsyoony ma Wintsënën, mëti'ipë tsoktakn wyantëpën ko tii ëyo'on tpaatë.

Isaías 43:11

Ëjts xëmë Wintsënajtp; ka'ap maa wiinkpë mëti'ipë yajnitsokpën.

Isaías 45:15

E mijts Dios, ka'ap myaj'ixy, Dios mëti'ipë yajnitsokpyën yë Israel kajpn.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Jeremias 3:23

Ni maas nkatuk'oy'atë koos jam muum nëjkxtë tunkëjxm kopkkëjxm jëëpyë yaxpë ëkë yaxpë jojkpë; jam ma Wintsënën mëti'ipës nTios'ajtëpën, yë Israel ja'ayëty pyatëp ja nitsokën.

Oseas 13:4

Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Dios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

Jonás 2:9

E ëjts nyajnaxäämpyës ja kukkajpxën ja'awëkyëtakkën ma mijtsën ets nmo'ojäämpy yë mwintsë'kën. Mijts tu'ukyë maayëp wi'ix yë ja'ay xyaj'ëwaatsëpëtsëmëtyën.

Zacarías 4:7

¿Mpën mijts mëjkopk? Joyjyot mkawinpita'any Zorobabel wyintuuy. Yë'ë yajpëtsëmäämpy ja mëjtsaa mëti'ipë myëtënääpyën ja je'emtyajtën ets ja ja'ay mëk yujk'ëna'antë: Ix janty'oy kyëxë'ëky. Oy yaj'ijxy.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Lucas 3:6

Jëtu'unts ja ja'ay ni'ëmukë t'ixtëty ja yajnitsokpë.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Dios wyintsë'kën mëti'ipë ja naaxwiinyëtë ja'ay yajpokywyätsëpën.

Juan 1:36

Ko t'ijxy ja Jesús nyäxy ets y'ënäny: Ixtë, yë'ë ya'atë Dios wyintsë'kën, ijxtëm ja kupixyny u'unkën.

Juan 4:22

Miitsëty ka'ap xynyijawëtë pën m'ëwtajtëp; ëëts nnija'awëtëpës pën n'ëwtajtëpës, jä'ä ko yë nitsokën jam tsyoony ma jutiis ja'ayëtyën.

Efesios 2:8

Dios të tuny ja mëyajtën ets të myajnitso'okëtë ko të mëpëktë. Ka'ap yë'ëkyëjxmëty ko miits oy tii të xytyuntë, Dios të tuny ja mëyajtën.

Apocalipsis 12:10

Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.

Apocalipsis 19:1

Ko jëtu'un y'ëkjajty, ënätës nmëtooy ko mayjyä'äy kyajpxtë tsajpjotm ets mëk y'ëna'antë: Tukxoontä'äky mëjjawë yë Dios yë xyëëw nyaxëty, ja nitsokën, ja mëj'ajtën jaanty'ajtën ets ja mëk'ajtën Dios yë jyä'ä'ajtääpy,

Apocalipsis 21:5

Ënet y'ënäny mëti'ipë u'unyääpyën jam ma kutujktaknën: Ëjts nyajkojpy aak jemy oy tyimtiijëty. Ets näjyëtu'un y'ënäny: Kuja'a, ko tëy jaanty ya'atë aaw ayuk ets ëmuumtu'ukjot yajmëpëkëty.

Apocalipsis 22:3

Ka'ap jam tii mëti'ipë yajkajpxpojkxpën. Ja Dios ets ja mëti'ipë yajtijpën Kupixyny U'unk, jä'ä ja kyutujktakn jam itëp ets ja tyuunpëtëjk jam y'ëwtatëtëty.

Apocalipsis 4:6

Jam ma yë'ëjën tam näjyëtu'un kyëxë'ëky tu'uk ja mejy, janty wa'ats janty të'kxy, ijxtëm ijxnën mëti'ipë yajtuk'ijxnajxpën ets itkujky ma ja kutujktaknën na'ëwtitypë tam nimajktaxk ja juuky'ajtpëty winpity atëjy wintuuy jëxkë'ëm.

Apocalipsis 5:7

Tääts ja mëti'ipë yajtijpën Kupixyny U'unk t'ëxajëy ja noky apëtity mëti'ipë y'a'oytsyow myëët'ajtypyën mëti'ipë u'unyääpyën jam ma kutujktaknën.