Apocalipsis 6:11 - Biblia Dc en Mixe de Quetzaltepec

¹¹ Ënet yajmooytyë ja poop wit ets yaj'ënëmaaytyë ets jyaak po'kxtëty jawäänë, koonëm ja myëku'uk y'ooktëty mëti'ipë näjyëtu'un kyu'ookëjantëpën ja Kristë ja jyä'ä.

Biblia Mixe de Quetzaltepec

¹¹ Ënät yajmooytyë ja poop wit ets yaj'ënëmaaytyë ets jyaak po'kxtëty jawäänë, koonëm ja myëku'uk y'ooktëty mëti'ipë näjyëtu'un kyu'ookëjantëpën ja Kristë ja jyä'ä.

Apocalipsis 6:11 Iomraidhean Croise

Daniel 12:13

E mijts Daniel, ye'eymyës yë mtu'u mapaat jyä'tyën ets mpo'kxëty, jä'ä ko ënety jëtu'un të nyajxta'ay të kyëjxta'ay winë jää nëjkx mpëtë'ëky ets nëjkx xy'ëxajë ja mkuma'ayën.

Mateo 10:21

Nëjkxëp ja ja'ay ja y'uty ëkë ja y'äjty tkë'ëyäky o'këntum, näjyëtu'un ja teety taak, nëjkxëp ja y'u'unk y'ëna'k tkë'ëyäky ets ja u'unk ëna'k myëtsiptsoonäämpy ja tyeety tyaak ets nëjkxëp tyaj'ooky.

Lucas 15:22

Ënet ja u'unkteety t'ënëmaay ja tyuunpëtëjk: Tsojk nëjkx ja oypyë wit xyajtsoontë ets xytyukxoxtëty, pëjktakëtë kyë'ëjiits ets kyë'ëk.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

2 Tesalonicenses 1:7

ets miits myajpo'kxëtëty ma tyam m'ëyowtën, näjyëtu'un tä ëëtsëtyën. Jää nëjkx jëtu'un jyäty kyëpety ko ënety ja Jesús myiny mëët ja y'anklëstëjk kutujkënmëëtpë jam tsajpjotm.

2 Timoteo 4:7

Tëës nmëmëtä'äky ja tsip, tëëjës nja'ty maajës ënety nja'ta'anyën, ka'apës të n'ëxmatsy ja mëpëjkën.

Hebreos 11:40

jä'ä ko ja Dios nän tam ënety ëëtsajtëm xyjyot'ajtëmë, jawäänë oypyë ënety të tuknipëjktaakë ëts mëët tu'ukyë yë'ëjëty npatmëty ja oyajtën ets ja wa'atsajtën.

Hebreos 12:23

Näy tëë xymyëwinkontë nimay ja Dios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Dios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Dios ojts pyëjkta'akëtë oy wa'ats,

Hebreos 4:10

Pën tëjkëp ma ja Dios ja pyo'kxtaknën, po'kxëp jä'ä ko ënety ja tyuunk tyaj'apaatë, jëtu'un ijxtëm ja Dios ojts pyo'kxyën ko tyaj'apatëy ja tyuunk.

Apocalipsis 10:6

ets ja Dios ojts tyajkäjpxy, mëti'ipë xëmëkyëjxm juukyajtpën ets mëti'ipë yajkojën ja naax, ja tsajp, ja mejy ets winëjaty ets y'ënäny: Tëë ja xëëw jëmëjt tpaaty.

Apocalipsis 13:15

Tääts ja mëk'ajtën yajmooy ja mëmäjtskpë ja mëj jëyujk ets tyajjuukpyëkëty tyajkajpxpëkëty ja mëjëwyiimpë ja mëj jëyujk nikojtu'uty ets tyaj'ookëty mëti'ipë ka'ap wyintsë'ëkëtyën.

Apocalipsis 14:13

Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.