Apocalipsis 4:8 - Biblia Dc en Mixe de Quetzaltepec

⁸ Aak tëtujk ja kyäkn tmëët'atë nitu'ukjaty. Nëkëjxy'tsyow ets käkn pa'tkë'ppaat ja wyiin tmëët'atë. Xëëny koots ja Dios tja'amyätstë ets y'ëna'antë: Wa'ats, wa'ats, wa'ats ja Wintsën, Dios Mëti'ipë Maaytyääyëpën Winë; tëëpë y'ityën, mëti'ipë tää'ajtpën ets mëti'ipë itaanpën.

Biblia Mixe de Quetzaltepec

⁸ Aak tëtujk ja kyäkn tmëët'atë nitu'ukjaty. Nëkëjxy'tsyow ets käkn pa'tkë'ppaat ja wyiin tmëët'atë. Xëëny koots ja Tios tja'amyätstë ets y'ëna'antë: Wa'ats, wa'ats, wa'ats ja Wintsën, Tios Mëti'ipë Maaytyääyëpën Winë; tëëpë y'ityën, mëti'ipë tää'ajtpën ets mëti'ipë itaanpën.

Apocalipsis 4:8 Iomraidhean Croise

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Salmos 91:1

Pën juukyajtpën ma Dios ja kyë'ëpa'tkën, ma nyikë'ëy nyixajyën ja Ni'ik Këjxmëpë ets mëti'ipë maaytyääyëpën winë,

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Éxodo 3:14

Ënet ja Dios y'ëtsoowë: ËJTS JËTU'UN MËTI'IPË ËJTS'AJTPËN. Ets tyaa nëjkx xy'ënëëmë yë Israel ja'ayëty: Yë mëti'ipë ËJTS'AJTPËN, yë'ëjës të xykyexy ma yaa miitsëtyën.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Isaías 62:1

Mëët ko ntsoky njawë mijts Jerusalén kajpn, ka'ap tjëkyepy amonyë n'itëtyës; mëët ko ntsoky njawë mijts Jerusalén kajpn, ëjts ka'apës npo'kxa'any koonëm n'ixëtyës ko ënety jëtu'un tyi'kxy jyäjy tä xyiintyä'äky jyajtä'äkyën, mëët ko ënety të mmëtä'äky, ets koonëmës n'ixëty jëtu'un tyi'kxy jyäjy ja nitsokën tä jëënyä'änkën.

Ezequiel 1:18

Etsës të n'ixy ko ja taxkpë ja tëkäämpë tam tmëëtëty ëpëky yë nyijän, ujts yaj'ixy mëët yë të'kxën jajën na'ëwtity.

Ezequiel 1:5

e itkujky nimajktaxk yë tsajpjotmëtë kukäjpxy yaj'ixy, ja'ayën kyëxë'ëktë.

Ezequiel 1:6

Tu'ukjaty, taxk yaj'ixtë kyëpajk ets taxk yë kyäkn;

Ezequiel 10:12

Aak të'kxp yaj'ixy ja nyini'kxëty, ja jyëxkëty, kyë'ëjëty ets ma kyäknëtyën, näjyëtu'un ja taxkpë ja tëkäämpë.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Hechos 20:31

Paaty yajxon mnäkyëwent'atëtëty. Ja'amyätstë ko miits tëkëëk jëmëjt ojts nyaj'ijxpëktë xëënaxy tsuunaxy ets ka'ap të ntukmëpo'kxtë ja ijxpëjkën, jëëpy yaxp miits të nkajpxwijtë nitu'ukjaty.

2 Corintios 6:18

Ëjts miits xytyeety'atëp, etsës miits n'u'unk'atëty. Jëtu'un ja Wintsën Mëti'ipë maaytyääyëpën winë y'ënä'äny.

1 Tesalonicenses 2:9

Mëku'uktëjkëty, wa'ats ënät miits xyjyä'ämyätstë wi'ix ijty ntuntënës xëëny koots këtiipë myaj'atsiptëty ko ntukmëmëtyaktë ja oy aaw oy ayuk, mëti'ipë Dios jyä'ä'ajtypyën.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënety mëtoow'ijtëpën.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Hebreos 13:8

Jesukristë je'eyëm yajpaaty ijxtëm ëxë'ëyën, tyam ets xëmëkyëjxm.

Apocalipsis 1:4

Yë Juan, nnijayë ja niwëxtujkpë ja kajpn ma yajpaatën ja mëpëjkpëtëjk mëti'ipë ye'eymyujktëpën jam Asia y'itjotm. Ëxajëtë ja kënu'kxën ets ja jotkujk'ajtën mëti'ipë yäjkpyën ja tëëyëmpë yajpaatyën ets mëti'ipë tää'ataanpën, näjyëtu'un ja wëxtujkpë ja Dios ja jya'awën myëk'ajtën mëti'ipë ijtëpën ma ja kyutujktaknën,

Apocalipsis 1:8

Ëjts tso'ontakp ets ëjts jëjpkëjxp jëtu'un ja Wintsën Mëti'ipë Maaytyääyëpën Winë y'ënä'äny, mëti'ipë tyam ijtpën, mëti'ipë tëëyëp ijtën ets mëti'ipë itaanpën.

Apocalipsis 11:17

ets y'ënantë: Wintsën Mëti'ipë Maaytyääyëpën Winë, mijts m'ijtp tyam ets mijts të m'ity tëëyëp, nkukajpxëtëpës ma mijtsën, jä'ä ko tëë xy'ëxajë ja mëk'ajtën ets të myajkutujktsoony.

Apocalipsis 14:11

Xëmëkyëjxm ja jëënjok jap pyëtsimy ëyoowtaknjoty, ka'ap jap ja po'kxën maa, xëëny koots jap y'ëyowëty mëti'ipë ja mëj jëyujk ets ja awinax wyintsë'këpën ets mëti'ipë kyupëjkpyën ja nätsya'ajë.

Apocalipsis 14:3

Jamts ja jempyë ëy t'ëwtë kutujktakn wintum, nimajktaxkpë juuky'ajtpë wyintum ets mëjja'aytyëjk wyintum. Ni pën jëtu'unpë ja ëy tkajaty, yi'iyë ja nimëko'px ja wëxtyikxy taxk milpë jyajtëp mëti'ipë të nyitso'oktën naaxwiiny.

Apocalipsis 15:3

Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.

Apocalipsis 15:7

Ënet tu'uk ja nimajktaxkpë ja juuky'ajtpë tmooy ja niwëxtujkpë ja tsajpjotmëtë kukäjpxy, këëktu'uk ja pu'ts pujxn a'ukën ujtsëty mëët ja ëyo'on mëti'ipë ja Dios yäjkpyën ets mëët ja tsyip y'äkë ja Dios, mëti'ipë xëmëkyëjxm juukyajtpën.

Apocalipsis 16:14

Ja ku'oypyë mëj ijxpäjtën yaj'ijxëp ets ni'ëmukë ja yajkutujkpë tyajnämyujkta'aja'anyë mëti'ipë yaa naaxwiinyëtën ets tsyiptuntëty mëët ja Dios Mëti'ipë Maaytyääyëpën Winë.

Apocalipsis 16:7

Näjyëtu'unës nmëtooy ja ayuk ma ja wintsë'këntyaknën ko y'ënä'äny: Tëy jëtu'un, Wintsën Mëti'ipë Maaytyääyëpën Winë, mëtëy mijts mtëytyuny ets mpaye'ey, ijxtëm pyaat'atyën.

Apocalipsis 19:15

Y'aawjoty jëtu'un jap pyëtsimy të tu'uk ja tëypyujxn mëti'ipë jëjpën, ets yë'ë mëët tyajtsëtyuta'any ja naaxwiinyëtë ja'ay. Ënet ja Dios jää y'ënä'äma'any mëët ja kuttujkën. Ets yë'ë kë'ëm wyintäänäämpy ja tsatsymtsya'am ets tsatym nyëë tyajpëtsëma'any ma ja Dios mëti'ipë maaytyääyëpën winë ja tsyip y'äkë.

Apocalipsis 19:4

Tääts ja i'px taxkpë ja mëjja'aytyëjk ets ja nimajktaxkpë juuky'ajtpë nyäkyoxtënaaytyakëtë naaxkëjxy ets ja Dios tmëjja'aw tjaantyja'awëtë, mëti'ipë u'unyääpyën ma kutujktaknën ets y'ënantë: Tukxoontä'äky mëjjawë yë Dios yë xyëëw nyaxëty.

Apocalipsis 21:22

Ni ma kajpn jëtu'un të nka'ixyës ja tsajptëjk ma Dios yajwintsë'ëkën, jä'ä ko ja Dios mëti'ipë maaytyääyëpën winë ets ja mëti'ipë yajtijpën Kupixyny U'unk, yajwintsë'këtëp jä'ä oymyaajëty.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

Apocalipsis 4:4

Ma ja kutujktaknën, jam n'ijxyës na'ëwtity i'px taxk ja kutujktakn. Jamts ja mëjja'aytyëjk ni''i'px taxk y'u'unyëtë aak poop xoxyëty ets aak pu'ts pujxn kyujup'ajtëp.

Apocalipsis 4:6

Jam ma yë'ëjën tam näjyëtu'un kyëxë'ëky tu'uk ja mejy, janty wa'ats janty të'kxy, ijxtëm ijxnën mëti'ipë yajtuk'ijxnajxpën ets itkujky ma ja kutujktaknën na'ëwtitypë tam nimajktaxk ja juuky'ajtpëty winpity atëjy wintuuy jëxkë'ëm.

Apocalipsis 4:9

Ko ja nimajktaxkpë ja juuky'ajtpë tmëjjaw tjaantyjawëtë, twintsë'ëkëtë ets tkukajpxëtë ja mëti'ipë u'unyääpyën jam kutujktaknjotm ets mëti'ipë juukyajtpën xëmëkyëjxm,

Apocalipsis 5:6

Ënätës n'ijxy tu'uk mëti'ipë yajtijpën Kupixyny U'unk, itkujky tyänë ma ja kutujktaknën, ma ja nimajktaxkpë juukyajtpën ets ja mëjja'aytyëjkëty. Jëtu'un kyëxë'ëky tëë yowë wyintsë'kën'aty. Wëxtujk ja wyaj tmëëtëty ets wëxtujk ja wyiin. Ja wëxtujkpë ja wyiin, yë'ë ja wëxtujkpë ja'awën mëti'ipë ja Dios të tkexyën yaa naaxwiiny.

Apocalipsis 6:1

N'ijxës ko ja Kupixyn U'unk tyaj'ëwatsy mëtu'uk ja wëxtujkpë ja tsa'ayën ets nmëtoowës ko tu'uk ja nimajktaxkpë juuky'ajtpë mëk y'ënäny ijxtëm ja ënääw nyokyën: Min.

Apocalipsis 6:6

Jam itkujky ma ja nimajktaxkpë ja juukyajtpën nmëtooyës tu'uk ja ayuk y'ënä'äny: Je'eyë tu'ktsim ja tsajpmok tu'kxëëw nitunypë; ets tëkëëk tsim ja cebadë tu'kxëëw nitunypë; je'eyëp ko këtii ja on ets ja tsatsym nyëë xyajma'atëty.

Apocalipsis 7:11

Jamts ja anklëstëjk na'ëwtity tyänëtë ma ja kutujktaknën, ma ja mëjja'ayëtyën ets ma ja nimajktaxkpë juuky'ajtpëtyën ets nyäkyoxtënaaytyakëtë ma ja kutujktaknën ets ja Dios tja'amyätstë,

Apocalipsis 7:15

Paaty jam y'itë ma ja kutujktaknën ma ja Dios y'u'unyën, xëënaxy tsunaxy ja Dios tmëtuntë ma ja Dios ja tyëjkën. Yë'ë ijx'ijtëtëp këwent'ajtëtëp mëti'ipë u'unyääpyën ma kutujktaknën.