Apocalipsis 4:10 - Biblia Dc en Mixe de Quetzaltepec

¹⁰ Ënätyë ja i'px taxkpë ja mëjja'aytyëjk të nyäkyoxtënaaytya'akëtë ets ja kyujup të tkëëytya'aktë ma ja kutujktaknën ets y'ëna'antë:

Biblia Mixe de Quetzaltepec

¹⁰ Ënätyë ja i'px taxkpë ja mëjja'aytyëjk të nyäkyoxtënaaytya'akëtë ets ja kyujup të tkëëytya'aktë ma ja kutujktaknën ets y'ëna'antë:

Apocalipsis 4:10 Iomraidhean Croise

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

2 Crónicas 7:3

Ko ja Israel ja'ayëty t'ijxtë ja jëën ets ja Wintsën ja myëj'ajt y'oyajtën mëti'ipë jap tsajptëkoty të kyëtä'äkyën, ënät koxtänë kya'ataaytyë, tyukpatëp ja wyimpok ja naax, t'ëwtajtë jëtu'un ja Wintsën ets tyajnajxtë ja kukkajpxën ja'awëkyëtakkën ma Wintsënën, tniwinpitë ja aaw ayuk ets y'ëna'antë: Jä'ä ko yë'ë janty'oy yë'ë ets tsojkp ja'ap xëmë.

Job 1:20

Ënet ja Job pyëti'ky ets tkë'tstëëy ja wyit, jä'ä mëk jya'ap ko ënety jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Salmos 115:1

Wintsën, ja oyajtën ets ja mëj'ajtën mijts yë mpatëp, ets ka'ap y'ëëts'atë. Ja oyajtën ets ja mëj'ajtën mijts mpatëp mëët ko xymyëët'aty ja tsojkën ja'awën ets ja tëyajtën.

Salmos 47:8

Dios yë'ë yajkutujkp ma tu'kë'ëyë naax kajpnën. Jam yë Dios y'u'unyë ma y'ënyääypyäjnën wa'atspë.

Salmos 72:11

Wä'än tëkokyë yë ënä'ämpëtëjk tkoxtänëtë ma yë'ëjën. Ets wä'än tëkokyë yë naax kajpn jam myëtuntë kyupëktë ma yë'ëjën.

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Isaías 6:1

Jä'ä jëmëjt ma ja yajkutujkpë Ozías y'o'kyën, jääjës ojts yë Wintsën n'ixy kuma'ayjoty; jamtëm y'u'unyë ma ja yajkutujktaknën. Jam këjxm ets janty'oy janty tsuj jam, ja wyit janty yonytyëm, jä'ä wa'ats të tyajnitujkta'ay ja tsajptëjk.

Daniel 12:7

Ja ja'ay mëti'ipë linë wit wyit'ajtypyën ënät ja kyë'ë të tyujkxajy jam tsajpjotm ets ja Dios juukpyë të tukajpxpety ets të y'ënä'äny: Ma ënety tëkëëk jëmëjt ja kujkm të nyäxyën, ma ënety o'ktëy të yajtuunta'ayën ja kyutujkën ja Dios ja kyajpn, ënätnëm nëjkx ya'atë ëyo'on kyixy nyäxy.

Daniel 4:34

Ko ojts ja kyäjpxy ja xëëw jëmëjt jënu'un ënety të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Dios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënet tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Lucas 24:52

Ënet twintsë'këtyë ets ojts xoontä'äky nyëjkxnëtë jam Jerusalén.

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

Deuteronomio 32:40

Tyamës yë nkë'ë nxajë'ëky etsës yam nikäjpxy maas ëjts kë'ëyxyëëw kë'ëyjyëmëjt njuuky'ätyën.

Apocalipsis 10:6

ets ja Dios ojts tyajkäjpxy, mëti'ipë xëmëkyëjxm juukyajtpën ets mëti'ipë yajkojën ja naax, ja tsajp, ja mejy ets winëjaty ets y'ënäny: Tëë ja xëëw jëmëjt tpaaty.

Apocalipsis 11:16

Ets nyäkyoxtënaaytyakëtë ja i'px taxkpë ja mëjja'aytyëjk mëti'ipë u'unyääytyëpën jam ma kutujktaknën, Dios wyintum ets ja Dios twintsë'ëkëtë,

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Apocalipsis 15:7

Ënet tu'uk ja nimajktaxkpë ja juuky'ajtpë tmooy ja niwëxtujkpë ja tsajpjotmëtë kukäjpxy, këëktu'uk ja pu'ts pujxn a'ukën ujtsëty mëët ja ëyo'on mëti'ipë ja Dios yäjkpyën ets mëët ja tsyip y'äkë ja Dios, mëti'ipë xëmëkyëjxm juukyajtpën.

Apocalipsis 19:4

Tääts ja i'px taxkpë ja mëjja'aytyëjk ets ja nimajktaxkpë juuky'ajtpë nyäkyoxtënaaytyakëtë naaxkëjxy ets ja Dios tmëjja'aw tjaantyja'awëtë, mëti'ipë u'unyääpyën ma kutujktaknën ets y'ënantë: Tukxoontä'äky mëjjawë yë Dios yë xyëëw nyaxëty.

Apocalipsis 4:2

Tääts tim pojën ja Kënu'kxymyëkajtën xytyuktëjkëyës ets n'ijxpatyës tu'uk ja kutujktakn jam tsajpjotm. Jamts tu'uk y'u'unyë ja juuky'ajtpë.

Apocalipsis 4:4

Ma ja kutujktaknën, jam n'ijxyës na'ëwtity i'px taxk ja kutujktakn. Jamts ja mëjja'aytyëjk ni''i'px taxk y'u'unyëtë aak poop xoxyëty ets aak pu'ts pujxn kyujup'ajtëp.

Apocalipsis 4:9

Ko ja nimajktaxkpë ja juuky'ajtpë tmëjjaw tjaantyjawëtë, twintsë'ëkëtë ets tkukajpxëtë ja mëti'ipë u'unyääpyën jam kutujktaknjotm ets mëti'ipë juukyajtpën xëmëkyëjxm,

Apocalipsis 5:14

Ets ja nimajktaxkpë juuky'ajtpë y'ëtsoowtë: Tëy jëtu'un. Tääts ja i'px taxkpë mëjja'aytyëjk nyäkyoxtënaaytyakëtë ets twintsë'këtyë ets t'ëwtajtë.

Apocalipsis 5:8

Ko t'ëxajëy, ënät ja nimajktaxkpë ja juuky'ajtpë ets ja i'px taxkpë ja mëjja'aytyëjk nyäkyoxtënaaytyakëtë jam wyintum ma ja mëti'ipë yajtijpën Kupixynyën U'unk. Ja mëjja'aytyëjk, këëkjä'ä tmëët'atë ja kow, ets näjyëtu'un tmëët'atë ja poom ato'oyën aak pu'ts pujxnpë. Jä'ä jëtu'un nyiwijy ja Dios ja'amyäjtsën mëti'ipë tyuuntëpën ja mëpëjkpëtëjk.

Apocalipsis 7:11

Jamts ja anklëstëjk na'ëwtity tyänëtë ma ja kutujktaknën, ma ja mëjja'ayëtyën ets ma ja nimajktaxkpë juuky'ajtpëtyën ets nyäkyoxtënaaytyakëtë ma ja kutujktaknën ets ja Dios tja'amyätstë,