Apocalipsis 3:8 - Biblia Dc en Mixe de Quetzaltepec

⁸ Nija'apës tëkokyë tii mtuunpyën; ix, tëëjës tu'uk ja tëjk'aaw ëwa'atspë npëjktä'äky ma mijtsën, mëti'ipë ka'ap pën tjëkyepy tyaj'ëwa'atsëtyën. Oy ja mëjaaw nëkooyë xykyamëët'aty, tëë ja n'aaw n'ayukës xypyatuny, kä'äp të xykyuyu'utyës.

Biblia Mixe de Quetzaltepec

⁸ Nija'apës tëkokyë tii mtuunpyën; ix, tëëjës tu'uk ja tëjk'aaw ëwa'atspë npëjktä'äky ma mijtsën, mëti'ipë ka'ap pën tjëkyepy tyaj'ëwa'atsëtyën. Oy ja mëjaaw nëkooyë xykyamëët'aty, tëë ja n'aaw n'ayukës xypyatuny, kä'äp të xykyuyu'utyës.

Apocalipsis 3:8 Iomraidhean Croise

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Daniel 11:34

Ko ënety tpaaty ja xëëw jëmëjt jëna'a yaj'ixjëtit yajpajëtitëtyën, nëjkxëp wäänë yajputëkëtë, oy nëjkx may ja ja'ay jyapuwa'akëtë je'eyëp ko ka'ap wyinë aaw wyinë jotëty.

Lucas 12:9

E pën xykyuyu'tspës ma ja'ayëtyën, näjyëtu'un yajkuyu'utsa'any ma Dios yë y'anklësën.

Juan 15:20

Ja'amyätstë ijxtëm të nëëmëtë: Ni pën tuunpë wyintsën tkawinaxy. Pën tëëjës xypyajëtijta'aktë, näjyëtu'un miits myajpajëtijta'aka'antë; ets pën tëëjës ëjts ja n'aaw n'ayuk xykyupëjkëtë, näjyëtu'un miits ja m'aaw m'ayuk yajkupëka'antë.

Juan 17:6

Ja ja'ayëty mëti'ipë mijts të xywin'ixyën naaxwiiny, mëti'ipës të xymye'eyën, tëëjës ntuk'ëwaanëtë mpën mijts. Mijts ijty mjä'ä'ajtyp ets tëë mijts xymyo'oyës ets tëë ja m'aaw m'ayuk tpatuntë.

Hechos 14:27

Ko jyajtë jam Antioquía, ënät ojts tyajmujkta'atë ja mëpëjkpëtëjk ets tukmëmëtyaktaaytyë wi'ix ënety ja Dios të tyunyën ma yë'ëjëtyën ets wi'ix ja Dios ja nyë'ë tyu'u të tyaj'ëwa'atsyën ko näjyëtu'un të myëpëktë mëti'ipë ka'ap jyutiis'atën.

1 Corintios 16:9

jä'ä ko tëëjës ja ntu'u y'ëwa'atsy oymyaajëty etsës ja ntuunk nyajwintu'upëkëty, oy pën wiink tja'ixy.

2 Corintios 2:12

Koos nja'ajty jam Troas etsës nkajpxwä'kxy ja oy aaw oy ayuk ma Kristë yajnimëtyä'äkyën, ja nWintsënës yaj'ëwats ja nnë'ë ntu'ujës.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Colosenses 4:3

Tuknija'amyäjtsëtëkës ja Dios ets ja në'ë tu'u y'ëwa'atsëty ets nkajpxwa'kxëtyës ja Kristë ja y'aaw y'ayuk, mëti'ipë ijty kayajnija'apën ets mëti'ipës tsumy nku'ijtëpën.

1 Timoteo 5:8

Pën ka'ap nyämyëmay nyämyëtajyë ets ka'ap ja jyiiky myëku'uk tmëmay tmëtajy, ka'ap jëtu'unpë ja ja'ay myëpëky ets o'ktëy ni'ik y'ëti'itsy këtiinëm ja mëti'ipë ka'ap myëpëktën.

2 Timoteo 4:7

Tëës nmëmëtä'äky ja tsip, tëëjës nja'ty maajës ënety nja'ta'anyën, ka'apës të n'ëxmatsy ja mëpëjkën.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Dios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Dios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Dios ja y'oyajtën, ni'ikyënëm t'ixtijtë ja Dios ja myëj'ajtën ets ja Jesukristë ja kyutujkën.

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.

Apocalipsis 2:2

Nija'apës tiijaty mtuunpyën; ko janty mëk xëmë mtuny, ets nija'apës ko ka'ap xymye'kxy ja ëxëëkja'aytyëjk. Näy nija'apës ko tëë xywyinma'any'ixy mëti'ipë nätyijëtëpën ko y'ayuk kajpxwa'kxtë ets ka'ap jyëtu'unëty ets tëë xynyijawë ko wyin'ëëntë.

Apocalipsis 22:7

Jëtu'un ja Jesukristë y'ënä'äny: Tsojkës nminëty. Akujk jotkujk ja ja'ay yajpaaty mëti'ipë myëjpëjktäkpyën ja Dios ja y'aaw y'ayuk mëti'ipë käjpxynyajxpë të tnimëtya'aktën, jaaypyetypë myinyën nokyjoty.

Apocalipsis 3:1

Nnijayë yë tsajpjotmëtë kukäjpxy jampë yajpaatyën Sardes: Jëtu'un y'ënä'äny mëti'ipë myëët'ajtypyën wëxtujkpë ja Dios ja jya'awën ets wëxtujkpë ja matsa'a: Nija'apës tii mtuunpyën ets nija'apës ko mjajuuky'ajtp je'eyëp ko ooky myajpaaty.

Apocalipsis 3:10

Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

Apocalipsis 3:15

Nija'apës tëkokyë tii mtuunpyën. Nnija'apës ko ka'ap mtëtsykyëty ets ka'ap m'anëty. Oy ko jeexyë m'anëty ëkë mtëtsykyëty

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy: