Apocalipsis 22:2 - Biblia Dc en Mixe de Quetzaltepec

² Jamts mëjtu'ukujkm ye'ey ja mëjnëë ma ya'atë kajpnën ets jam nëëpë'am, jam ja kepy yony mëti'ipë yajjuuky'ajtpën. Wimpo'o ja tyëëm'aty ets ja y'ääy tsooy'ajtëtë ja naaxwiinyëtë ja'ay.

Biblia Mixe de Quetzaltepec

² Jamts mëjtu'ukujkm ye'ey ja mëjnëë ma ya'atë kajpnën ets jam nëëpë'am, jam ja kepy yony mëti'ipë yajjuuky'ajtpën. Wimpo'o ja tyëëm'aty ets ja y'ääy tsooy'ajtëtë ja naaxwiinyëtë ja'ay.

Apocalipsis 22:2 Iomraidhean Croise

Génesis 2:9

Ojts näjyëtu'un tyajyony yë aay kepy oyëtypë tsujëtypë, mëti'ipë yakëpën yë tyëëm ets yajë'kx yajpëkëty. Jam kam'itkujkm ojts tyajyony tu'uk yë kepy mëti'ipë myëët'ajtypyën ja juukyajtën. Ets nän jämyë wiinkpë ja kepy mëti'ipë myëët'ajtypyën ja jot winma'any oypyë ka'oypyë ets tëkokyë jënu'un yajmëët'atyën jootjoty winma'any joty.

Salmos 147:3

Yë'ë yajtsokpy mëti'ipë jya'apën yë y'aaw jyot amo'ots tukmo'otsë ets tnipijt tnimojtsë ja tsyëtyut.

Proverbios 3:18

Yë ja'ay mëti'ipë wijyën, ets mëti'ipë winë nyija'apën, mëj këjää yë juukyajtën tpaaty t'ixy, janty jotkujk ja ja'ay yajpaaty mëti'ipë tyukjajtypyën wi'ix jëtu'unpë tyajwë'ëmëtyën jyootjoty kyëpajkjoty.

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Jeremias 17:14

Wintsën, yajtsooypyäjtkës etsës ntso'okëty; yaj'ëwaatsëpëtsëëmkës etsës njotkujkëty, jä'ä ko mijts tu'uk nyajmëjnajxyp.

Ezequiel 47:1

Ojtsës jatëkok ja ye'etyëjk xywyoownëjkxy ma ja tsajptëjk yajnitëkën. Ënätës n'ijxpaty ko japtëm ma akaj'ëjxën myuuty yë nëë, jam nyajtspëyë'ëkë xëëwpëtsëmtsyow, ma ja tsajptëjk nyajts'ixën. A'oytsyow ja nëë tnaye'ey ja tsajptëjk, ëpa'tkë'ëytsyow ma wintsë'këntyaknën.

Oseas 14:4

Jëtu'un yë Wintsën y'ënä'äny: Nyajtso'okantëp yam ma je'eyë mkäjpxykyumëtoownaxtën; ntsokantëp yam oy mkapaat mkanitëkëtë, jä'äs ko tëëjës ja njoot'an xyeemy.

Zacarías 14:8

Ënet nëjkx jam Jerusalén myuuty yë nëë pa'akpë, mëti'ipë itaanpën ko xyëkopk'atëty ets ko pyotm'atëty, tu'kpëky nëjkx nyajtspëyë'ëkë jam ma ja Mejyën mëti'ipë yajtijpën Ooky myejy ets wiinkpë nëjkx nyajtspëyë'ëkë jam ma ja Mejyën Naax'akujkpyë.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Lucas 4:18

Ja Dios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënety ja mëmäjtsk'okpë o'kën y'ity.

Apocalipsis 21:21

Ja majkmäjtskpë ja tëjk'aaw, aak poop jaam tsaa mëët y'oytyunyëty, tu'ukjaty ja tëjk'aaw aak poop jaam tsa'a mëët y'oytyunyëty. Ets ja mëjtu'u kajpnjotypë aak pu'ts pujxn mëët y'oytyunyëty, tä të'kxy kyiikën.

Apocalipsis 21:24

Näy yë'ë kutë'kx kujajëtëp ja naaxwiinyëtë ja'ay ets ja naaxwiinyëtë yajkutujkpëtëjk tkë'ëyaktë jam ja wyit myeenyëty.

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Dios ets ma ja Kupixyny U'unkën.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

Apocalipsis 22:19

Ets pën jää pën tpëjktuky mëti'ipë yap jaaypyetyën, näjyëtu'un ja Dios pyëjktuka'anxëty mëti'ipë ënety ja paat'ajtëpën ets tjë'kxëty ja kepy tyëëm mëti'ipë yajjuuky'ajtpën ets ka'ap jam y'itëty ma ja kënu'kxypyë ja mëj kajpnën mëti'ipë yap nokyjoty të yajnimëtyä'äkyën.