Apocalipsis 21:3 - Biblia Dc en Mixe de Quetzaltepec

³ Ets nmëtooyës tu'uk ja ayuk mëk tsajpjotm y'ënä'äny: Jam ja Dios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Dios yajpaata'any mëët yë'ëty.

Biblia Mixe de Quetzaltepec

³ Ets nmëtooyës tu'uk ja ayuk mëk tsajpjotm y'ënä'äny: Jam ja Tios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Tios yajpaata'any mëët yë'ëty.

Apocalipsis 21:3 Iomraidhean Croise

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

2 Crónicas 6:18

E kë'ëmtsës yam näyyajtëyë, ko yë Wintsën ¿wä'än jëtää tjëkyepy y'ijtmukëty mëët yë naaxwiinyëtë ja'ayë? Yajnija'ap ko tsajp ets poj yoots ka'ap myëtä'äky mëët yë'ë, e tyam ¿wä'än jëtääjën ënät jap m'ëk'itaanpëtyë ma tu'uk ja tëjkën mëti'ipë mijts të mjayajtuknikojënë?

Éxodo 25:8

Ets xy'oytyuntëty tu'uk yë tsajptëjk, maas ëjts nyajpaatëtyën etsës mëët yë'ëjëty ntsëënëtyës njuuky'atëtyës.

Éxodo 29:45

Ëjtsës kë'ëm jam timyajpaataanp ma Israel ja'ayëtyën ets ëjtsës xyTios'atëp.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Ezequiel 37:27

Ëjts yajpaataanpës ma yë'ëjëtyën, ëjts nëjkx xyTyios'atë ets yë'ëjëty nëjkxëpës nkajpniwa'any.

Ezequiel 43:7

ets xy'ënëmaayës: Ya'atë jëtu'un mpo'kxtakn'ajtypyës maas nyajkutukyën, maas ja nteky mpëjktä'äkyën; yaajës njuuky'ata'any mëët yë Israel ja'ayëty xëmëkyëjxm. Yë Israel ja'ayëty ets kyutujkpëtëjkëty ka'ap nëjkx t'ëkyajnipäxëtëjkënëtë ja nxëëwës wa'atspë mëët ja y'ëxëëktu'un y'ëxëëk kajpxënëty: ka'ap nëjkx t'ëkojnëtë ja potsy ma tyajkëxkojtëtyën ja yajkutujkpë mëti'ipë ënety të y'o'knën,

Ezequiel 48:35

Ja kajpn ja nyapots na'ëwtity jä'ä y'ayeny'atëty tëtujk mil xajpk ets ja naax kajpn jä'ä txëëwajnëty: Yaa yë Wintsën yajpaaty.

Zacarías 8:8

etsës nyajmina'any jam Jerusalén ets jam tsyëënëty. Yë'ë nëjkx nkajpn'atës etsës nëjkx xyTyios'atë, mëti'ipë xëmë mëët'atanëtëpën ets mëti'ipë tëyajtënpë tii nyipaye'epyën.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

2 Corintios 6:16

Ka'ap tjëkyepy tu'ukyë yajpaatëty yë Dios yë jyëën tyëjk mëët yë awinax. Jä'ä ko jëtu'un ja Juukpyë Dios xyajwa'anëmë tsyënaaytyaknën. Jëtu'un ijxtëm ja Dios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

2 Corintios 6:18

Ëjts miits xytyeety'atëp, etsës miits n'u'unk'atëty. Jëtu'un ja Wintsën Mëti'ipë maaytyääyëpën winë y'ënä'äny.

1 Tesalonicenses 3:11

Ntsojktëpës ets ja Dios mëti'ipë nTeety'ajtëmën ets ja Wintsën Jesukristë ëëts xypyutëkëtëty ets miits nëjkx nku'ixëtë.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Dios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

Hebreos 8:2

Jap ja tyuny ma ja mëtëypyën ets wa'atspë ja tsajptëjkën mëti'ipë ja Wintsën të tkojyën, ka'apë jyä'äyëtyën.

Apocalipsis 10:4

Tamës ënety ntimkëjxja'ajanë wi'ix ja ënääw y'ëna'antën koos nmëtooy tu'uk ja ayuk tsajpjotm ets xynyëmaayës: Këtii xykyëxja'ay wi'ix të y'ëna'antën yë ënääw, yu'utsy mëët'at,

Apocalipsis 10:8

Tääts ja ayuk ojts xymyëkajpxkojnëpës mëti'ipë ënety të n'ëkmëtoopën tsajpjotm ets xynyëmaayës: Nëjkx xy'ëxajë ya'atë noky apëtijtwä'kxypyë mëti'ipë yë tsajpjotmëtë kukäjpxy jam kyë'ëkony'ajtypyën, mëti'ipë tënääpyën mejy wiinkëjxm ets naax wiinkëjxm.

Apocalipsis 12:10

Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.

Apocalipsis 21:7

Ya'atë kyuma'ayën'atëp pën ënety mëtakpën, etsës yë'ë xyTios'atëty ets yë'ëjës n'u'unk'atëty.

Apocalipsis 22:3

Ka'ap jam tii mëti'ipë yajkajpxpojkxpën. Ja Dios ets ja mëti'ipë yajtijpën Kupixyny U'unk, jä'ä ja kyutujktakn jam itëp ets ja tyuunpëtëjk jam y'ëwtatëtëty.

Apocalipsis 7:15

Paaty jam y'itë ma ja kutujktaknën ma ja Dios y'u'unyën, xëënaxy tsunaxy ja Dios tmëtuntë ma ja Dios ja tyëjkën. Yë'ë ijx'ijtëtëp këwent'ajtëtëp mëti'ipë u'unyääpyën ma kutujktaknën.