Apocalipsis 18:8 - Biblia Dc en Mixe de Quetzaltepec

⁸ Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

Biblia Mixe de Quetzaltepec

⁸ Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

Apocalipsis 18:8 Iomraidhean Croise

Job 9:19

Ko atsip ninëjkxmëty, ka'ap xyajmëtakmëty. Ko nja'ëna'anmëty ni'ëënëja'anmëty, ¿maa n'ëkni'ë'ënëmëty?

Salmos 62:11

Ka'apës tyëkokpajkëty je'eyë të nmëtoy, ko yë Dios y'ënä'äny: Yë mëk'ajt oyajtën ets tsojkën ja'awën yë'ë jyä'ä'ajtääpy, yë'ë nitu'ukjaty kyumaaytyääpy wi'ixjaty pën të tyuny të kyäjpxyën.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Isaías 9:14

Ënet ja Wintsën ja Israel kajpn jëtu'un të tuny tä ja'ay tu'uk yë jëyujk tpi'ixy pyujxtu'utyën ets kyëpajk tnëpujxë, ëkë jëtu'un tä ja'ay tu'uk yë kum kepy tpujxkëtayën ëkë tä aats muum tnëpuxyën. Ets tu'kxëëyë të tyaj'atëkoy.

Jeremias 50:31

Yë Wintsën mëti'ipë maaytyääyëpën winë, jëtu'un y'ënä'äny: Naax kajpn mëti'ipë amëj akëjxm kajpn'ajtpën, tëë nmëtsiptsoony; tëë tpaaty ja xëëw jëmëjt ma xykyumëtowëtyën yë mpoky.

Jeremias 50:34

E mëti'ipë yaj'ëwaatsëpëtsëëmpën, mëk yë'ë, jä'ä xyëëwajtyp Wintsën mëti'ipë maaytyääyëpën winë. Yë'ë paye'eyën tyunäämpy; yajminäämpy ja jotkujk'ajtën ma naax kajpnën ets tëytyuna'any ja Babilonyë kajpn.

Jeremias 51:58

Ëjts Wintsën mëti'ipë maaytyääyëpën winë, ëjts ënaanp: Yë mëjwiinpë ja potsy mëti'ipë yë Babilonyë kajpn nyapots'ajtypyën, jijta'ajaanp yë'ë; ets tooytya'ajaanp mëjëtypë tyëjkëtyakn. Natëkë naax kajpn mëk të tyuntë, yë jyot myëjaawëty jëën nëjkx yajkëjxta'ayë.

Jeremias 51:6

Käkpëtsëmtë jam Babilonyë. Näyyajtso'okëtë pënjaty jyëkyäjptëpën nyäyajtso'okëtëty. Këtii nëkoo xykyu'ookëtëty yë nyëë pyoky. Tëë tpaaty maas ntukumëtowa'antën ja nyëë pyokyëty etsës ntukukëpäta'antë tä pyaat'atëtën.

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

1 Corintios 10:22

Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?

Apocalipsis 11:17

ets y'ënantë: Wintsën Mëti'ipë Maaytyääyëpën Winë, mijts m'ijtp tyam ets mijts të m'ity tëëyëp, nkukajpxëtëpës ma mijtsën, jä'ä ko tëë xy'ëxajë ja mëk'ajtën ets të myajkutujktsoony.

Apocalipsis 17:16

Ja majkpë ja waj mëti'ipë të xy'ixyën ma mëj jëyujkën, nëjkxëp t'ëxëëk'ixtë ja ku'into'oxy ets t'ëxwopa'antë niwa'ats ëxwa'ats, nëjkxëp ja nyi'kx kyopk tsu'tsëtë ets nino'këtë.

Apocalipsis 17:18

Yë to'oxytyëjk mëti'ipë të xy'ixyën, yë'ë jëtu'un tyijpy ja mëj kajpn mëti'ipë y'ëne'empyën ja yajkutujkpëtëjk naaxwiinyëtë apëtsëmy.

Apocalipsis 18:17

Ets tim tu'ktsojkyë të kyixy ja mjuukyajtën ets ja mkumeenyajtën. Näyjyëtu'un mëti'ipë yajkepy nëëwinye'eytyëpën, mëti'ipë tuuntëpën mejynyux mejypya'a, mëti'ipë ye'eytyëp najxtëpën kepy nëëwinye'epyëjoty, jëkäm të jyaak tänëtë.

Apocalipsis 18:19

Ets ja naaxway nyätyukuwëjëtë, jä'ä mëk jya'awëtëp ko ja kajpn jëtu'un jyäty ets janty jëëpy janty yaxtëp y'ëna'antë: O'ktëy jyäty yë mëj kajpn. Ja mkumeenyajtën tëë tukumeenytya'aktë ja ja'ayëty mëti'ipë ja kepy nëëwinye'epyë ijty myëët'ajtëpën, mejyotypë tsyëënëtën; janty tim tu'ktsojkyë të kyutëkoy.

Apocalipsis 19:3

Tääts jatëkok y'ënaankojnëpë: Tukxoontä'äky mëjjawë yë Dios yë xyëëw nyaxëty. Nijëna'a yë kajpn kyatooy'ëtukëty, xëmë jam jok yaj'ixëty.