Apocalipsis 16:7 - Biblia Dc en Mixe de Quetzaltepec

⁷ Näjyëtu'unës nmëtooy ja ayuk ma ja wintsë'këntyaknën ko y'ënä'äny: Tëy jëtu'un, Wintsën Mëti'ipë Maaytyääyëpën Winë, mëtëy mijts mtëytyuny ets mpaye'ey, ijxtëm pyaat'atyën.

Biblia Mixe de Quetzaltepec

⁷ Näjyëtu'unës nmëtooy ja ayuk ma ja wintsë'këntyaknën ko y'ënä'äny: Tëy jëtu'un, Wintsën Mëti'ipë Maaytyääyëpën Winë, mëtëy mijts mtëytyuny ets mpaye'ey, ijxtëm pyaat'atyën.

Apocalipsis 16:7 Iomraidhean Croise

Isaías 6:6

Ënet tu'uk ja Wintsën ja kyukäjpxy të xynyiminyës, jëënën të myëjke'eky maas ëjtsën. Tamtëm jëënpajk tmëëtëty, jam të tpëjkë'ëk ma ja wintsë'këntyaknën mëët yë pujxnmä'tn

Ezequiel 10:2

Ets ja Wintsën t'ënëmaay ja ja'ay linë wit mëëtpë: Tëkë jap ma kepy wintëkäämpë ye'eypyäjnën, mëti'ipë tyuktënaaytyëpën yë tsajpjotmëtë kukäjpxy ets xynyu'kpëtsëmëty yë jëënpajk mëti'ipë itkujky yajpatpën ma tsajpjotmëtë kukexyën ets xywëjtëwëty jam kajpnjotm.

Ezequiel 10:7

Ma ja kyäknpa'tkëtyën ja tsajpjotmëtë kukëxy jëtu'un jap yaj'ixy kyë'ë txajpëtsëmtë tä ja'ay kyë'ëjën. Tu'uk ja kyë'ë jam të tnajtstijë ma ja jëënën itkujkpyë tyoyën ets të tpëjkë'ëky tu'knuuky ja jëën tääts të tmo'oy ja ja'ay mëti'ipë linë wit wyit'ajtypyën, ënät ja ja'ay të t'ëxajë ets të nyijkxy.

Apocalipsis 1:8

Ëjts tso'ontakp ets ëjts jëjpkëjxp jëtu'un ja Wintsën Mëti'ipë Maaytyääyëpën Winë y'ënä'äny, mëti'ipë tyam ijtpën, mëti'ipë tëëyëp ijtën ets mëti'ipë itaanpën.

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Dios ja nyaax kyajpnën.

Apocalipsis 14:10

yë'ë ja ëyo'on yajmo'ojaanp jä'äkyëjxm ko ja Dios të tyajjotma'aty; jëtu'unts y'ëyowëty ma ja jëënyä'änk tyoyën mëët ja azufre, Dios y'anklëstëjk wyintum ets mëti'ipë yajtijpën Kupixyn U'unk wyintum.

Apocalipsis 14:18

Tää wiinkpë tsajpjotmëtë kukäjpxy pyëtsiimy ma ja wintsë'këntyaknën mëti'ipë y'ijx'ijtyp kyëwent'ajtypyën ja jëën wintsë'këntyakn ets tmëjyaxëy mëti'ipë ja jëjpë ja tsujkn myëët'ajtypyën ets t'ënëmaay: Tsujkmuk yë tsatymtyëëm mëët yë mtsujkn jëjpë, mëti'ipë yajpatpën naaxwiiny, jä'ä ko tëë yë tsatym tsyaamnë.

Apocalipsis 19:2

jä'ä ko mëtëy ets tëyajtën yë'ë tyiytyuny ets pyaye'ey. Tëë t'ëyo'onmo'oy ja mëj ku'into'oxy mëti'ipë ja naaxwiinyëtë ja'ay të tyajma'atyën mëët ja y'ëxëëktu'unën, tëë ja Dios tëytyuny ets tpaye'ey ko të yaj'o'kxëty ja tyuunpëtëjk.

Apocalipsis 6:9

Ko ja Kupixyny U'unk tyaj'ëwatsy ja mëmëkoxkpë ja tsa'ayën, ënätës n'ijxy jap wintsë'këntyakn pa'tkë'p nimay ja anëmëtëjkëty mëti'ipë të tku'ookëtën ko ja Dios ja y'aaw y'ayuk të tkajpxwa'kxëtë.