Apocalipsis 15:3 - Biblia Dc en Mixe de Quetzaltepec

³ Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.

Biblia Mixe de Quetzaltepec

³ Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.

Apocalipsis 15:3 Iomraidhean Croise

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

1 Crónicas 6:49

Aarón mëët ja y'u'unk y'ok, yë'ë ijty tyimtuunk'ajtëp kyë'ëwtë xyo'oxtë ma ja wintsë'këntyaknën ma ja wintsë'kën yajyäkyën nino'okpyë ets ma ja wintsë'këntyaknën ma ja poom tyoyën. Yë'ë ijty näjyëtu'un tyim ijx'ijtëp ja amaaypyë ja tëkot ets yë'ë t'amëtow tpëjktsowtë ja pokywyinmä'kxën ma Wintsënën mëët ko ja Israel ja'ayëty pyoky jyä'äy'atë, tuntë tëkokyë winë tä ënety ja Moisés të tni'ënä'ämën, mëti'ipë ja Dios tuunpë'ajtëpën.

2 Crónicas 24:6

Ënet ja yajkutujkpë ojts tmëkäjpxy ja teety Joiadá ets t'ënëmaay: ¿Wi'ix ko ka'ap mëktä'äky xytyuk'ëne'emy yë Leví ja'ayëty ets tyajmuktëty ja këpäjtën jam Judá ets Jerusalén mëti'ipë ja Moisés ojts tni'ënä'ämën ets mëti'ipë ja naax kajpn ojts tni'ënä'ämën mëti'ipë jap tunëpën ma ja wit tëjkën ma ja näpyaatë y'ityën?

Nehemías 9:14

Ojts xytyukni''ixë ets tpo'kxtëty ja po'kxënxëëw, ojts xymyo'oy ja ënä'ämën tëyajtën ets ijxpëjkën mëtëypyë, mëti'ipë kyë'ëyajkën ja Moisés.

Job 36:24

Tëkokyë yë ja'ay aak'oy nyänyikäjpxyë winë të tuny; ja'amyäts näjyëtu'un ko mijts oy ijty mnänyimëtyä'äkyë.

Job 5:9

yë'ë tyuunpy winë mëjwiin këjää ets yaj'ijxëp yë myëj'ajtën tsipë nja'akyujkëmëtyën.

Salmos 100:5

Jä'ä ko yë Wintsën oy Tyios'aty; yë tsyojkën jya'awën ijtëëp xëmëkyëjxm, ets wya'atsajtën nijëna'a kyajëjpkëxy.

Salmos 105:5

Yë'ë ja'amyätstë wi'ix winë mëj këjää të tuny të tkäjpxyën ets ja y'aaw y'ayuk mëti'ipë të tmëtyä'äkyën;

Salmos 111:2

Mëti'ipë yë Dios të tyajkojy të tpëjktä'äkyën janty mëj janty këjää yë oy; ets pën yë jëtu'unpë tsyojkpy jya'apën, yajxon t'ijxpëky ets t'ixy tuny.

Salmos 111:7

Mëti'ipë yë'ë tyuunpyën aakyë'ë mëti'ipë oyën ets mëtëyën, yë'ë, jyëkyejpy ntuk'ijxpäjtmëty yë y'ënä'ämën tyiyajtën,

Salmos 139:14

Wintsën, nmëjja'ap njaantyjya'ap mijts, jä'ä ko mëj këjääjës yë jotkujk'ajtën nmëëtëty ets janty mëj këjää mijts winë të xytyuny. Mëët yë'ë nmëpëjkpyës yajxon ko jyëtu'unëty.

Salmos 145:17

Yë Wintsën wa'ats winë tuny ma nyë'ë'aaw tyu'u'aawën, aak'oy winë tuny tkäjpxy.

Salmos 145:6

Nëjkxëp yajnikäjpxy yajnimëtyä'äky yë mëjpë këjääpë të xytyuny të xykyäjpxyën ets atsë'ëk ajawëpë, näjyëtu'un nnimëtya'akäämpyës yë mmëjajtën mkëjxm'ajtën.

Salmos 18:30

Yë Dios yë nyë'ë tyu'u mëtëy yë'ë, ets ja mëti'ipë të twinwanën jyëkyejpy n'a'ijx njëjp'ijxmëty. Dios kyuwäämpy nyixäjpy yë ja'ay mëti'ipë tuk'ijxpäjtëpën.

Salmos 78:12

Dios ojts yë myëj'ajtën tyaj'ixyë ma ja tyeety y'apetyën mëti'ipë ënety jam tsënaaytyëpën Zoan, ma ja Egiptë y'itjotmën.

Salmos 92:5

Mijts Wintsën, tëkokyë mëti'ipë të xyajkojyën të xypyëjktä'äkyën mëj këjää oy. Yë mjot mwinma'any mëj këjää yë'ë.

Salmos 99:4

Mijts jëtu'un tu'uk yajkutujkpë mëti'ipë maaytyääyëpën winë, m'oy'ijxyp ko jyää'aty ja mëtëypyë nipaye'eyën; mijts ojts xyajnaaxkëtä'äky ets jyää'atëty ja tu'knaxajtën, yë Jacob y'u'unk y'ëna'k janty'oy të xymyëët'aty ets tëë xynyipaye'ey yajxon tëy tëtä'äky.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Daniel 6:20

Ko tmëwinkoony ja kaa ijtakn, ënät jë'ë ya'ax tmëkäjpxy ja Daniel: Daniel, Dios mëtuunpë, ¿tëë ja mTios myajtso'okyë kaa aawjoty, mëti'ipë m'ëwtajtypyën ets mëtuumpyën ëmuumtu'ukjotë?

Daniel 9:11

Tëkokyë yë Israel ja'ayëty tëë tkäjpxykyumëtoownajxta'atë ja mtëyajtën; paaty ëëtsëty o'ktëy të njat të nkëpätë jëtu'un tä jap myinyën këxja'ay ma ja ënä'ämën tëyajtënën mëti'ipë Moisés jyääyën, mëti'ipë mtuunpëajtën, jä'ä ëëtsëty tëëjës ntëkoytyë.

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Miqueas 7:20

Wintsën, mëët'at xëmë ja tsojkën ja'awën mëti'ipë tëëyëp ojts xytyukwinwanën ëëts ja n'ap n'okëty Abraham ets Jacob.

Sofonías 3:5

E ja Wintsën tamts ja yajpaaty kajpntum, ja oypyë jam tyuunpy ka'ap y'ëxëëkpëty. Jopy jopy tpaye'eykyojy ja mëtëypyë. Ja'ay mëti'ipë ëxëëk ja'ay'ajtpën ka'ap tmëmay tmëtajy yë tsëtyu'un.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Deuteronomio 31:30

Ënet yë Moisés ojts tkajpxtsoony ya'atë ëy, ma tsyo'ontä'äkyën ets ma jyëjpkëxyën, tëë ënety ja Israel ja'ayëty jam nyiye'eypyätë.

Deuteronomio 32:3

Yë'ëjës yam nikajpxäämpy yë Wintsën yë xyëëw, ets xynyijawëtëty ko yë Dios mëj këjää yë winë tuny.

Deuteronomio 34:5

Jëtu'un'äämpy ojts ja Moisés y'o'knë mëti'ipë ja Dios oy myëtuunën, jam ojts y'o'knë Moab ets y'atëëy jëtu'un tä ënety ja Wintsën të tnikäjpxyën.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

Hebreos 3:5

Jëtu'unts ja Moisés y'ijty ijxtëm tu'uk ja tuunpën ma tu'uk ja tëjkën, oy tyuuny ma ja Dios ja kyajpnën ets ojts tnikäjpxy mëti'ipë ja Dios ënety kyajpxäämpyën.

Josue 22:5

Mëti'ipë tëy miits n'amëtoowtëpën ets xytyuntëty, yë'ë ko xypyatuntëty xëmë ja ënä'ämën tëyajtën mëti'ipë ja Moisés yajmooyën, yë Dios yë myëtuunpë. Mtsoktëp mjawëtëp xëmë ja mWintsën Tiosëty ets yë'ë ja nyëë'aaw tyu'u'aaw mtimpyanëjkxëtëp, mëtowtëp ets mkäjpxyjyä'äkyukëtëp; yë'ë mka'ëxmatstëp ets winë aaw winëjot xymyëtuntëty ets tu'ukyë winma'any tu'ukyë winma'any.

Apocalipsis 1:8

Ëjts tso'ontakp ets ëjts jëjpkëjxp jëtu'un ja Wintsën Mëti'ipë Maaytyääyëpën Winë y'ënä'äny, mëti'ipë tyam ijtpën, mëti'ipë tëëyëp ijtën ets mëti'ipë itaanpën.

Apocalipsis 11:17

ets y'ënantë: Wintsën Mëti'ipë Maaytyääyëpën Winë, mijts m'ijtp tyam ets mijts të m'ity tëëyëp, nkukajpxëtëpës ma mijtsën, jä'ä ko tëë xy'ëxajë ja mëk'ajtën ets të myajkutujktsoony.

Apocalipsis 14:3

Jamts ja jempyë ëy t'ëwtë kutujktakn wintum, nimajktaxkpë juuky'ajtpë wyintum ets mëjja'aytyëjk wyintum. Ni pën jëtu'unpë ja ëy tkajaty, yi'iyë ja nimëko'px ja wëxtyikxy taxk milpë jyajtëp mëti'ipë të nyitso'oktën naaxwiiny.

Apocalipsis 14:8

Tääts ja mëmäjtskpë ja tsajpjotmëtë kukäjpxy pyamiinë mëti'ipë ënaanpën: Tëënëm, tëënëm ja mëj kajpn Babilonyë kyuka'anaxy, mëti'ipë tu'kë'ëyë ja naaxwiinyëtë ja'ay të twin'ëënyën ets të tuktuny ja ëxëëk tuunk.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Apocalipsis 19:2

jä'ä ko mëtëy ets tëyajtën yë'ë tyiytyuny ets pyaye'ey. Tëë t'ëyo'onmo'oy ja mëj ku'into'oxy mëti'ipë ja naaxwiinyëtë ja'ay të tyajma'atyën mëët ja y'ëxëëktu'unën, tëë ja Dios tëytyuny ets tpaye'ey ko të yaj'o'kxëty ja tyuunpëtëjk.

Apocalipsis 4:8

Aak tëtujk ja kyäkn tmëët'atë nitu'ukjaty. Nëkëjxy'tsyow ets käkn pa'tkë'ppaat ja wyiin tmëët'atë. Xëëny koots ja Dios tja'amyätstë ets y'ëna'antë: Wa'ats, wa'ats, wa'ats ja Wintsën, Dios Mëti'ipë Maaytyääyëpën Winë; tëëpë y'ityën, mëti'ipë tää'ajtpën ets mëti'ipë itaanpën.