Apocalipsis 12:3 - Biblia Dc en Mixe de Quetzaltepec

³ Ënet ja wiinkpë ja ijxpät kyëxë'ky jam tsajpwinm: tu'uk ja mëj tsapts tsa'any. Wëxtujk ja kyëpajk ets majk ja wyaj ets ja kyujän maajaty ja kyëpajkën.

Biblia Mixe de Quetzaltepec

³ Ënät ja wiinkpë ja ijxpät kyëxë'ky jam tsajpwinm: tu'uk ja mëj tsapts tsa'any. Wëxtujk ja kyëpajk ets majk ja wyaj ets ja kyujän maajaty ja kyëpajkën.

Apocalipsis 12:3 Iomraidhean Croise

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

Isaías 9:15

Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.

Daniel 2:41

Yë yajkutujkpë tëë näjyëtu'un twin'ixy ko tam tu'uk ja tyeky mëti'ipë mo'ontsën ets tu'uk yë'ë juunpujxn; tääpë jä'ä nyiwijy ko ja kuttujkën nëjkxëp mäjtskpëky nyäwyä'kxyë, tu'uk nëjkx mëk pyëtsimy ets tu'uk ëmaay paki'ix, jëtu'un tä tu'uk ja tyekyën pujxn ets tu'uk mo'onts.

Daniel 2:42

Ja tyekywyä'äxy tam mëti'ipë pujxnën ets tam mëti'ipë mo'ontsën, tääpë jä'ä nyiwijy ko jëna'ajëty nëjkx ja yajkutujkpë mëk yajpaaty ets jëna'ajëty ka'ap.

Daniel 7:20

Näy jä'äs ënety nijawëjäämpy ja mëti'ipë majk ja wyajën ets ko yaj'ixy ja wyiin tmëëtëty ja mutskpë wyaj mëti'ipë pëtsëëmpën ma mëjätyëtypyën ets ko kyäjpxy amëj akëjxm yajmëtoy kyäjpxy, jëtu'un yajmëtoy ni'ik yowë myëjëty ets ojts tëkëëk nyëka'ay ja mëjatyëtypë ets yë'ë pyëtsiimy.

Daniel 7:24

Yë majktaxkpë yë wyaj, majk yë yajkutujkpë y'ita'any ma tääpë yajkutujkpën. Ok wiinkpë yajkutujkpë jyää'ata'any mëti'ipë nëjkx ja tëkëëkpë tyaj'atëkoyën ets tëkatsy tyuna'any.

Apocalipsis 12:1

Ënet kyëxë'ky tu'uk ja mëj ijxpät jam mëjtsajpwinm: tu'uk ja to'oxytyëjk tyänë xëëw nijuuxy po'okëjxm. Jëtu'un nyi'kx kyopk ijxtëm xëëw y'änyën ets tam yë kyujän, majkmäjtsk ja matsa'a tmëëtëty.

Apocalipsis 12:13

Ko ja mëj tsa'any t'ijxy ko tëë yajkujëpijpnaxy naaxwiiny, ënät tpajëtijtäky ja to'oxytyëjk mëti'ipë ënety ja y'u'unk të tpaatyën.

Apocalipsis 12:17

Jëtu'un ja mëj tsa'any tukjoot'anpëjky ja to'oxytyëjk ets tnipëtë'ky, tää ojts tninëjkxy näjyëtu'un ja to'oxytyëjk ja y'u'unk y'ok mëti'ipë mëët tsyiptuunyën, tëkokyë ja ja'ayëty mëti'ipë ja Dios ja y'ënä'ämën pyatuunëtëpën ets ëmuumtu'ukjot nyäyaj'itëtë mëët ja Jesukristë.

Apocalipsis 12:4

Ja pyi'ixy, jä'ä tyukpijtmujkpy tu'kpëky ja tëkëëk pëkpyë ja matsa'a tsajpwinmëpë ets naaxkëjxy tyajnaaxkëtä'äky. Ja mëj tsa'any, yë'ë wa'ak'o'oyëy ma ja to'oxytyëjkën mëti'ipë u'unkpaataanpën ets ja y'u'unk ënätyë tsu'utsanë ko myëxu'unk'atëty.

Apocalipsis 12:7

Ënet ja tsip tyuunë jam tsajpjotm; ja Miguel ets ja y'anklës tsiptuuntëp mëët ja mëj tsa'any ets ja mëj tsa'any mëët ja kya'oy anklëstëjk.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Apocalipsis 13:1

Etsës n'ijxy tu'uk ja mëj jëyujk jam pyëtsimy mejyotm. Wëxtujk ja kyëpajk ets majk ja wyaj, ets aak kujänmëët ja wyaj. Tu'uktu'uk ja kyëpajk, aak ëxëëk käjpxy jam këxja'ay, yë'ë Dios wiinkjaty yajtijp.

Apocalipsis 13:2

Ya'atë jëyujk mëti'ipës n'ijxën, jëtu'un kyëxë'ëky ijxtëm yë kuuyxyëpëjyën. Jëtu'un ja tyeky ijxtëm ja osë tekyën ets ja y'aaw ijxtëm ja kaa aawën. Ja mëj tsa'any ojts myo'oyë ja mëk'ajtën, ënä'ämtakn ets ja mëjkutujkën.

Apocalipsis 13:4

Ets twintsë'këtyë ja mëj tsa'any jä'äkyëjxm ko ja mëk'ajtën ets ja kuttujkën ënety të tmo'oy ja mëj jëyujk. Näyjyëtu'un ja mëj jëyujk twintsë'këtë ets y'ëna'antë: ¿Pën jëtää jëtu'un ijxtëm ya'atë mëj jëyujkën? ¿Pën yë'ë ëkmayëtëp?

Apocalipsis 15:1

Ets n'ijxyës wiinkpë mëj ijxpäjtën atsë'ëk ajawëpë: niwëxtujk ja tsajpjotmëtë kukäjpxy mëti'ipë myëët'ajtëpën wëxtujkpëky ja ëyo'on, ets ko tyunëtëty jyatëtëty ja wëxtujk pëkpyë ëyo'on, ënät nyaxëty ja Dios ja y'äkë.

Apocalipsis 16:13

Ënätës n'ijxy nitëkëëk ja ku'oypyë, ijxtëm yë nootsyën, pyëtsëëmtë mëj tsa'any y'aawjoty, mëj jëyujk y'aawjoty ets jap y'aawjoty ma ja mëti'ipë ja Dios käjpxynyajxpë nätyijëpën je'eyëp ko ka'ap myëtëy'atë.

Apocalipsis 17:12

Ja waj mëti'ipë të xy'ixyën, jä'ä ja nyiwijy: nimajkpë yajkutujkpë, mëti'ipë ka'anëm tyëkëtën ënä'ämpë; tu'ktsojkyë je'eyë jyaak ita'any ets tpëktëty ja kyutujkën ets y'ënä'ämëty mëët ja mëj jëyujk.

Apocalipsis 17:16

Ja majkpë ja waj mëti'ipë të xy'ixyën ma mëj jëyujkën, nëjkxëp t'ëxëëk'ixtë ja ku'into'oxy ets t'ëxwopa'antë niwa'ats ëxwa'ats, nëjkxëp ja nyi'kx kyopk tsu'tsëtë ets nino'këtë.

Apocalipsis 17:7

Tääts ja tsajpjotmëtë kukäjpxy xynyëmaayës: ¿Tii ko mëk xyjyawë? Tyam ntuk'ëwaanëty wi'ix yajja'akyukëja'anyën ja to'oxytyëjk ets mëj jëyujk mëti'ipë yë to'oxytyëjk tyuk'u'unyääpyën, mëti'ipë wëxtujk ja kyëpajkën ets majk ja wyajën.

Apocalipsis 19:12

Janty ajajp ja wyiin yaj'ixy ijxtëm ja jëënyä'änkën ets may ja kyujän tmëëtëty ma kyëpajkën. Jamts tu'uk ja xëëw kyuja'ayëty, ka'ap pën t'ijxkäpy, yi'iyë kë'ëm nyija'ap.

Apocalipsis 20:2

Tyaapë tsajpjotmëtë kukäjpxy myajts ja mëj tsa'any mëti'ipë yajtijpën mëjku'u ets Satanás ets tkë'ëtsuumy tekytsyuumy mëët ja mëj pujxntejpxy ets jëtu'un tu'uk mil jëmëjt y'itëty tsumy matsy.