Apocalipsis 12:2 - Biblia Dc en Mixe de Quetzaltepec

² Ja to'oxytyëjk yë'ë nyëkëjxm'ajtyp ja u'unk, ets yä'äxy jyoky mëët ja pëjkën ijxën, jä'ä ko ja y'u'unk tpaata'any.

Biblia Mixe de Quetzaltepec

² Ja to'oxytyëjk yë'ë nyëkëjxm'ajtyp ja u'unk, ets yä'äxy jyoky mëët ja pëjkën ijxën, jä'ä ko ja y'u'unk tpaata'any.

Apocalipsis 12:2 Iomraidhean Croise

Isaías 26:17

Jam mwintum jä'ä ënety ëëts nyajpatnëtë jëtu'un tä tu'uk to'oxytyëjkën mëti'ipë pëjkën ijxën myënajx yajnajxypyën ko y'u'unk myääy tyajmëxu'unk'ata'any, ets ja pyëjkën y'ijxën tmëyä'äxy tmëjoky.

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 54:1

Akujk jotkujk tim ya'ax tim jok, mijts to'oxytyëjk ka'apë u'unk maay xymyëëtëtyën, ka'apë u'unk maay tjëkyepy tyaja'tëtyën; ëw ya'ax mijts ko ka'ap nijëna'a u'unk maay të xyajminy të xyajja'tyën naaxwiiny, jä'ä ko yë Wintsën jëtu'un yajkutujkpy: May ni'ik u'unk maay tpaata'any t'ixa'any ja to'oxytyëjk mëti'ipë atu'uk moonp tujkpën këtiinëm mëti'ipë jamën yë nyiye'etyëjk.

Isaías 66:6

Tääpë mëto'owën kajpnjotypë tsyoonyën, tääpë nä'ämpë tsajptëkotypë yajmëtoyën, yë'ë yë Wintsën yajmëtoowëp yë myëk'ajtën ets ëxëëk tyajjata'any tyajkëpäta'any yë myëtsip.

Miqueas 4:9

E tyam, ¿tii ko myä'äxy mjoky, tä tu'uk yë to'oxytyëjkën mëti'ipë u'unk maay pyaatäämpy y'ixäämpyën? ¿Jä'ä ko ka'ap pën ja'ay mëti'ipë yajkutukëpënë? ¿ëkë jä'ä ko të y'o'kta'atë mëti'ipë ijty mwinma'anymyooyëpënë?

Miqueas 5:3

Tyam y'ëk'ëxmajtskojpy yë Wintsën yë jyä'äy, je'eyëp ko jääpaat ma ja to'oxytyëjk tyajmëxu'unk'ata'anyën ja y'u'unk. Ënet jatëkok tyu'ukmuka'any mëët yë jyä'äy, Israel ja'ayëty, mëti'ipë tsumy matsy ijtëpën wiink naax wiink kajpn.

Mateo 24:8

Ko jëtu'un tyunëtëty jyatëtëty, je'eyë ënety ja ëyo'on tsyo'ontä'äkynyëm.

Juan 16:21

Ko tu'uk ja to'oxytyëjk y'u'unkpaata'any, mëk pyikyë y'ixyë, ko wyinkony ma ja y'u'unk myëxu'unk'ata'anyën; e ko ja mëxu'unk myiinë jya'ajnë, jyä'äytyëkooytyääpy ja pëjkën ato'onën jä'äkyëjxm ko tukxoontä'äky ko tëë tu'uk ja mëxu'unk tyajminy tyajja'ty naaxwiiny.

Gálatas 4:19

U'unk ëna'këty, mëk miits jatëkok nku'ëyowëtë ijxtëm tu'uk ja u'unktaak y'ëyoyën ko y'u'unk tyajmëxu'unk'ata'any ets nku'ëyoowëtëtstëp koonëm jëtu'un mjuuky'attëty ijxtëm ja Kristë tsokyën.

Gálatas 4:27

Jä'ä ko jëtu'un ja Dios ja y'aaw y'ayuk kyëxja'ayëty: Jotkujk mijts to'oxytyëjk mëti'ipë ka'ap të tyajminy të tyajja'tyën ja u'unk ëna'k, mëti'ipë ka'ap tmëëtëtyën ja u'unk ëna'k. Ëw ya'ax mëët ja jotkujk'ajtën, jä'ä ko ja to'oxytyëjk mëti'ipë të yaj'ëxmatsyën, wäänëmay ja y'u'unk tpaata'any këtiinëm ja mëti'ipë jamën ja nyiye'etyëjk.

Apocalipsis 12:4

Ja pyi'ixy, jä'ä tyukpijtmujkpy tu'kpëky ja tëkëëk pëkpyë ja matsa'a tsajpwinmëpë ets naaxkëjxy tyajnaaxkëtä'äky. Ja mëj tsa'any, yë'ë wa'ak'o'oyëy ma ja to'oxytyëjkën mëti'ipë u'unkpaataanpën ets ja y'u'unk ënätyë tsu'utsanë ko myëxu'unk'atëty.