Apocalipsis 12:1 - Biblia Dc en Mixe de Quetzaltepec

¹ Ënet kyëxë'ky tu'uk ja mëj ijxpät jam mëjtsajpwinm: tu'uk ja to'oxytyëjk tyänë xëëw nijuuxy po'okëjxm. Jëtu'un nyi'kx kyopk ijxtëm xëëw y'änyën ets tam yë kyujän, majkmäjtsk ja matsa'a tmëëtëty.

Biblia Mixe de Quetzaltepec

¹ Ënät kyëxë'ky tu'uk ja mëj ijxpät jam mëjtsajpwinm: tu'uk ja to'oxytyëjk tyänë xëëw nijuuxy po'okëjxm. Jëtu'un nyi'kx kyopk ijxtëm xëëw y'änyën ets tam yë kyujän, majkmäjtsk ja matsa'a tmëëtëty.

Apocalipsis 12:1 Iomraidhean Croise

2 Crónicas 32:31

Jëtu'un jyäjty kyëpejty tëkok, ko ja Babilonyë ja'ayëty ja kyutuunkëty tkäjxtë jam ma ja Ezequías ja kyajpnën ets tyajtëwa'antë wi'ixën ja Wintsën ënety ja naax kajpn të tputëkë. Yë Wintsën atu'uk t'ëxmajtsy yë Ezequías ets twinma'any'ixa'any wi'ix myäy tyäjyën.

Salmos 104:2

yë mtë'kxën mjajën këjääpaat tukjajëtyä'äy winë. Jëtu'un yë tsajp të xypyëjktä'äky tä ja'ay wit tyä'ptëyën.

Salmos 84:11

Jä'ä ko yë Dios mëti'ipë yajwintsën'ajtpën, yë'ë xykyutë'kx xykyujajëm ets xykyuwa'anëm; yë Wintsën tsyojkpy jya'ap ets yajmëj'ajtyp yë ja'ay mëti'ipë juuky'ajtëpën wa'ats, ka'ap nitii tukwintuk'ooky.

Cantares 6:10

¿Pën tääpë ja'ay mëti'ipë jëtu'un ijxwo'ompën tä xëëw pyëtsimyën jopyëp? Jëtu'un y'oyëty tä po'ojën, jëtu'un tyi'kxy tä xëëwën, tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 62:3

Mijts mëj'äämpy m'ita'any ma Dios kyë'ëjën, jëtu'un tä tu'uk kujänën mëti'ipë yajkutujkpë yajtuumpyën,

Zacarías 9:16

Jä'ä xëëw jëtu'un nëjkx yë Wintsën tyajtso'oky yë nyaax kyajpn tä yë ja'ay tyajtso'okyën yë kyupixyny mëti'ipë kupixyny këwent'ajtpën ets nëjkx jëtu'un tä tsaajën oypyë y'atë'kx y'ajajtë ma kyë'ëm naax kyë'ëmkajpnëtyën.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Mateo 12:38

Tam ja fariseë ja'ayëty ets ja tsajptëkotyëtë yaj'ijxpëjkpëtëjk mëti'ipë ja Jesús y'ënëmaaytyën: Wintsën, yë'ëjës yë mëj'ajtën ntsojktëp ets xyaj'ixëtëty.

Mateo 24:30

Ets yaj'ixa'any jam tsajpwinm ja ijxpäjtën ko ja naaxwiinyëtë ja'ay ja y'U'unk myina'any yootsjoty, mëët ja mëk'ajtën kuttujkën ets oy'ajt mëj'ajtën,

Marcos 13:25

ka'ajaanp ja matsa'a tsajpwinm ets yu'kxaanp ja mëk'ajtën jam tsajpkëjxm.

Lucas 21:11

Yu'kxaanp yë naaxwiinyëtë, itaanp yë yuu xëëw, pa'am ëyo'on oymyaajëty, ets jam tsajpjotm atsë'ëk ajawë jam yaj'ixa'any.

Lucas 21:25

Yaj'ixaanp jam winë ma xëëwën, ma po'ojën ets ma ja matsa'ajën; ets naaxwiiny jëtu'unyë nëjkx ja naax kajpn myoonkëta'ak tyujkëta'aktë, ko y'ënaanta'akëty ja mejy ets nëë o'pky nëkooyë pyëtë'knëty, nëjkxëp tsyë'ëkëtë.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Hechos 2:19

Nyaj'ixanëpës jam tsajpwinm mëti'ipë ja ja'ay mëk jyawëtëpën, ets ja ne'pny ets ja jëënjok nyaj'ixa'anyës yaa naaxwiiny.

Romanos 13:14

Ni'ikyë miits mnätyukxoxëtëty ja mëpëjkën mëti'ipë jam mmëët'ajtëpën ma ja Wintsën Jesukristën ets ka'ap yi'iyë xymyëmay xymyëtajtëty wi'ix ja mjot mnini'kx tii t'oyjawëtyën.

Romanos 3:22

mëët ja mëpëjkën jam ma ja Jesukristë, Dios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

2 Corintios 11:2

Ni'ikës miits ntsoktë mëët ja Dios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

Gálatas 3:27

jä'ä ko ni'ëmukë mëti'ipë të nyëëpätën mëët ja Kristë ja xyëëw, tëë ja Kristë ja jemywyit myo'ojëtë.

Gálatas 4:26

E ja Jerusalén tsajpjotmëpë, ëwaatsëtum jä'ä ets jëtu'un tpaaty ijxtëm jeexyë ëëts yë'ë nwintaj'ajtëmën.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Efesios 5:32

Yë ya'atë mëti'ipë ijty ka'ap yajnijawën, yë'ë ja Kristë ntijpyës mëët ja mëpëjkpëtëjk.

Apocalipsis 1:20

Ja wëxtujkpë ja matsa'a mëti'ipë të xy'ixyën n'a'oykyë'ëjotyës ets ja wëxtujkpë cera tooytyakn aak pu'ts pujxnpë, yë'ë nyikäjpxyp: Ja wëxtujkpë matsa'a, yë'ë ja niwëxtujkpë ja ayukkajpxwa'kxpë mëti'ipë ijtëpën ma ja mëpëjkpëtëjk ye'eymyuktën; ets ja wëxtujkpë cera ato'oyën, yë'ë ja wëxtujkpë ja kajpn ma ye'eymyuktën ja mëpëjkpëtëjkëty.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 12:3

Ënet ja wiinkpë ja ijxpät kyëxë'ky jam tsajpwinm: tu'uk ja mëj tsapts tsa'any. Wëxtujk ja kyëpajk ets majk ja wyaj ets ja kyujän maajaty ja kyëpajkën.

Apocalipsis 15:1

Ets n'ijxyës wiinkpë mëj ijxpäjtën atsë'ëk ajawëpë: niwëxtujk ja tsajpjotmëtë kukäjpxy mëti'ipë myëët'ajtëpën wëxtujkpëky ja ëyo'on, ets ko tyunëtëty jyatëtëty ja wëxtujk pëkpyë ëyo'on, ënät nyaxëty ja Dios ja y'äkë.

Apocalipsis 21:14

Ja potsy mëti'ipë nyapots'ajtypyën ja kajpn, majkmäjtsk ja tsaa tmëëtëty mëti'ipë y'ëjx'ajtypyën. Japts kyuja'ayëty ja Jesús ja y'ijxpëjkpëtëjk ja xyëëwëty.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Dios ets ja Kupixyny U'unk y'ajajy y'atë'kxy.