Apocalipsis 11:6 - Biblia Dc en Mixe de Quetzaltepec

⁶ Ja nimäjtskpë mëti'ipë ja tëyajtën yajktëpën myëët'ajtëp ja mëk'ajtën ets ka'ap tyu'ujëty kanaak xëëw ma ja Dios ja jyä'ä tkajpxwa'kxëtën, ets nän myëët'ajtëp ja mëk'ajtën ets ja nëë tyajne'pynyëtya'atëty ets tyaj'ëyowtëty ja naaxwiinyëtë ja'ay mëët kanaaknax ja ëyo'on jotmay ijxtëm kë'ëm timtsyoktën.

Biblia Mixe de Quetzaltepec

⁶ Ja nimäjtskpë mëti'ipë ja tëyajtën yajktëpën myëët'ajtëp ja mëk'ajtën ets ka'ap tyu'ujëty kanaak xëëw ma ja Tios ja jyä'ä tkajpxwa'kxëtën, ets nän myëët'ajtëp ja mëk'ajtën ets ja nëë tyajne'pynyëtya'atëty ets tyaj'ëyowtëty ja naaxwiinyëtë ja'ay mëët kanaaknax ja ëyo'on jotmay ijxtëm kë'ëm timtsyoktën.

Apocalipsis 11:6 Iomraidhean Croise

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

Lucas 4:25

Tëyës n'ëna'any ko tää ënety may ja to'oxytyëjk ja ku'ookpyë yaa Israel ko ja Dios ja kyäjpxynyajxpë Elías jyuuky'äjty, ko ojts kä'äp tyu'uy tëkëëk jëmëjt ja kujkm, ënät ja yuu y'ijty oymyakajpnëty.

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.

Apocalipsis 16:3

Tääts ja mëmäjtskpë ja tsajpjotmëtë kukäjpxy tyajtukwatsy ja y'a'ukën mejyjoty ets ja mejy y'awinpijty ijxtëm yë ja'ay nye'pnyën mëti'ipë ja'ay të yaj'ookyën. Jëtu'unts y'o'ktaaytyë mëti'ipë mejyjoty juuky'ajtëpën.

Apocalipsis 16:4

Tääts ja mëtëkëëkpë ja tsajpjotmëtë kukäjpxy tyajtukwatsy ja tyexy mëjnëëjoty ets maajëty ja nëëkopkën ets näjyëtu'un jya'ajtaay ne'pynyën.

Apocalipsis 8:8

Ja mëmäjtskpë ja tsajpjotmëtë kukäjpxy ojts tukxu'uxy ja pyujxn xuxn, ënät ojts y'aka'ajë mejyjoty tu'uk mëti'ipë këxë'kpën ijxtëm kopkën jëënyä'änkjoty ets y'awinpijty ne'pynyën tu'kpëkpyë ja mejy ma ja tëkëëk pëkpyën.

1 Samuel 4:8

¿Tii ënät ntuuntakmëp? ¿Pën ënät xyajtsokmëp ko jam nka'amëty Dios kyë'ë'am mëti'ipë maaytyääyëpën winë? Wa'ats nija'awëmë ko yë'ë ojts tyaj'o'kta'ay tëkokyë yë Egiptë ja'ayëty jam të'ëts'itjotm mëët ja kanaaknaxpë ja pa'am ëyo'on.