Apocalipsis 11:3 - Biblia Dc en Mixe de Quetzaltepec

³ Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.

Biblia Mixe de Quetzaltepec

³ Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.

Apocalipsis 11:3 Iomraidhean Croise

Génesis 37:34

Ënet yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënety të y'ooky të tyëkoy.

2 Samuel 3:31

Kom ok yë David ojts tuk'ëne'emy yë Joab ets Abisai ets tuktëkëtëty yë ëxëëk wit pakwit ets tnimon tnituktëty ko ënety ja Abner të y'o'knë, ja David ix'am ojts tpaye'ey ja o'kpë ko ojts yajmënëjkxnë ma nyaax tëkëja'anyën.

1 Reyes 21:27

Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

2 Reyes 19:1

Ko yë yajkutujkpë Ezequías ja ayuk pyatë, ënät ojts ja mëkjotmay tyuktëkëty ets ja wyit tyujkxy tkë'tstaay mëët ja jotmay aakjä'ä tyuktëjkëy ja xa'kwit mëti'ipë kuumpën u'kxpën ets ojts nyijkxy ma ja tsajptëjkën.

1 Crónicas 21:16

Ko ja David y'ijxë'ky, ënät t'ijxy ko tamtëm ja Wintsën ja kyukäjpxy yajpaaty, tam tkë'ëkë'ë'aty ja tyiypyujxn ets itkujky yajpaaty ma ja naaxwiinyëtë mëët ja tsajp nyäpyäätyë ets ja tyiypyujxn jamtëm tnajtstijë ma ja Jerusalén kajpnën. Ja David mëët ja mëjja'aytyëjk tëë ënety nyätyukxoxëtë wit këëtsëtypë ets twinkuxtënaaytyë ja Wintsën ja kyukäjpxy,

Nehemías 9:1

Kom i'px majktaxk xëëw, jä'ä po'o tyu'ukmujktaaytyë ja Israel ja'ayëty ets y'ayuu'ata'antë; jä'ä ijty tëëyëp ja'ay tuntë wa'ats ja wyääy kyopk tyaj'ujtsta'atë mëët ja naaxway ets nyätyukxojxta'ajëtë ja wit tujkxy nikëëts ixkëëts,

Job 16:15

Mon tukës yë nwit të nätyukxoxyë, mëti'ipë kuump u'kxpën etsës të nkutijë yë nkëpajk jap naaxwayjoty.

Salmos 69:11

e koos ënät nnäxyoxyë mon tuk etsës ntuktëkë yë wit mëti'ipë kuump u'kxpën, je'eyës nyajnëxi'iky nyajtukxi'iky.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kuttujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

Lamentaciones 2:10

Yë mëjja'aytyëjk amonyë jyaak u'unyëtë naaxkëjxy, tëë naaxway nyätyukupëjkta'ajëtë ets yë'ë wit të tuktëkëtë mëti'ipë u'kxpën nä'ämpën. Yë to'oxy'ëna'këty mëti'ipë kukajpnajtëpën Jerusalén winta'ak naaxkow jyaak jëtitë.

Ezequiel 4:6

Ko ënety të xyajkä'pxy, tääts mnäkyo'okëtëty a'oytsyow ets mnätyuknipëjkta'ajëtëty ja Judá ja'ay ja nyëë pyoky, wëxtyikxy xyëëw jëtu'un m'itëty. Tu'kxëëwjatypë jä'ä nyaxëty tu'kjëmëjtpë të pyokytyuntën.

Daniel 12:7

Ja ja'ay mëti'ipë linë wit wyit'ajtypyën ënät ja kyë'ë të tyujkxajy jam tsajpjotm ets ja Dios juukpyë të tukajpxpety ets të y'ënä'äny: Ma ënety tëkëëk jëmëjt ja kujkm të nyäxyën, ma ënety o'ktëy të yajtuunta'ayën ja kyutujkën ja Dios ja kyajpn, ënätnëm nëjkx ya'atë ëyo'on kyixy nyäxy.

Daniel 7:25

Nëjkxëp ja Dios Ni'ik tnëxi'iky tukxi'iky ets nëjkxëp ja nyaax kyajpn ëxëëk tuunë; yatëkatsa'anëp ja Dios ja y'ënä'ämën tyiyajtën ets yajtëkajtsta'aja'anëp ja xëëw mëti'ipë yajtuunpën ma tsajptëjkën ets ja Dios ja nyaax kyajpn yë'ë nëjkx tuntë tëkëëk jëmëjt ja kujkm mëti'ipë ënety yë'ë nyi'ënä'ämëpën.

Daniel 8:14

Ets yajmëtooy ja ëtsoowinpijtën: Jääpaat ma ënety kyä'pxyën mäjtsk mil ja tëkëëk mëko'px ux ets jopy. Ko ënety kyä'pxy tääts nëjkx wyä'ätsy yë tsajptëjk.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Jonás 3:5

Ja ja'ay mëti'ipë jam tsënaaytyëpën ma tääpë kajpnën, mëj mutsk ojts myëpëjkta'atë ma Tiosën ets tkäjpxy'ajtë ko y'ayuu'ata'antë ets nyätyukxoxa'anëtë ja wit mëti'ipë kuump u'kxpën, tyaj'ixa'anëtë ko ënety jyotmaypyaatë.

Jonás 3:8

Ni'ikyë mëpaat miitsëty mnäxyoxëtë mëët ja wit tujkxy mëti'ipë kuumpën u'kxpën ets xyaj'ixëtëty ko mjotmaypyaatë. Amëjaaw yë Dios mënu'kxta'aktë, ëxmatstë ja m'ëxëëk juukyajtënëty ets ja jëën tsip wä'än jääyë tkexy tnaxy;

Mateo 11:21

Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Dios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Mateo 18:16

Pën kajts tmëjpëjktä'äky wi'ix ënety xyjya'ënëëmën wow tu'uk mäjtsk ja ja'ay ets t'ixtëty nijawëtëty wi'ix ënety xim yam ja mpoky mnätyukwinmëtowëtën.

Lucas 10:13

Miitsëty, Corazín ja'ayëty mon tuk myajpaatë ets miits Betsaida ja'ayëty mon tuk myajpaatë. Jä'ä ko jeexyë mëj'ajtën të yajtuny jam Tirë ets Sidón ijxtëm të yajtunyën ma miitsëtyën, wintiixyëp jeexyë ja u'kxywyit tmë'u'unyäänyëtë kuyjaamjoty, jëtu'unts jeexyë të tyajknikëxë'ëktë ko të jyootwinpitë.

Lucas 24:48

Miitsëty ijxpë nija'apë mwë'ëmtë ma tyam winë të tyuny të jyätyën.

Juan 15:27

Ëts miitsëty nän nëjkxëpës xynyimëtya'aktë, jä'ä ko tëë myajpaatë mëët ëjts ets jëtu'un tyimtso'ontäky.

Juan 3:27

Ets ja Juan y'ënëmaayëtë: Ka'ap pën tii tmëëtëty pën ka'ap ja Dios të myo'oyë.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Hechos 13:31

Ets komjeky jatëkok t'ijxtë mëti'ipë ënety tëë mëët jyëtitën ko tsyo'ontë jam Galilea ets ojts nyëjkxtë Jerusalén. Mëti'ipë y'ijxtën ja Jesús ko tëë jyuukpyiky, yë'ë tyam yajtëytyëjkëtyëp ma ja ja'ayëtyën.

Hechos 2:32

Tëëts ja Dios tyajjuukpyiky ja Jesús, ëëtsajtëm tëë wa'ats n'ijx nija'awëmë.

Hechos 3:15

Jëtu'un xyaj'o'ktë mëti'ipë ja juukyajtën xymyo'oyëmën. E ja Dios tëë yajjuukpyikyë ets ëëtsëty tëëjës kë'ëm ntimy ixtë.

1 Corintios 12:28

Dios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

2 Corintios 13:1

Mëtëkëëk'ok tyam miits nëjkx nku'ixëja'antë. Jää nëjkx winë tyiytyëkë mëët nimäjtsk nitëkëëkën mëti'ipë y'ixtëp nyijawëtëpën winë.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Dios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

Deuteronomio 17:6

Ko yë kutuunk tni'ënä'ämëty ets tu'uk yë ja'ay y'ookëty. Ënet y'ookëty pën jam'ajtp nimäjtsk nitëkëëk yë ja'ay mëti'ipë ja myëku'uk të t'ixyën tyuuntëkoy. E pën tu'uk je'eyë ja ja'ay mëti'ipë ja myëku'uk nyikäjpxypën, ka'ap tjëkyepy yë kutuunk pën tëytyunëty ëkë tni'ënä'ämëty ets y'ookëty.

Deuteronomio 19:15

Ko je'eyë ja ja'ay tu'uk y'itëty mëti'ipë ja nëë poky nyikajpxëpën, ijxtëm ko ënety muum ja ja'ay ja myëku'uk të tyaj'ooky, ma të tyuuntëkoy të kyajpxtëkoyën, ëkë ma tii poky të tunyën. Ënet mëpaat yajmëpëky ja nëë poky, pën nimäjtsk nitëkëëk y'ity ja mëti'ipë poky nyikajpxtëpën.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 11:2

Je'eyëp ko këtii xykijpxëty ja Dios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.

Apocalipsis 11:6

Ja nimäjtskpë mëti'ipë ja tëyajtën yajktëpën myëët'ajtëp ja mëk'ajtën ets ka'ap tyu'ujëty kanaak xëëw ma ja Dios ja jyä'ä tkajpxwa'kxëtën, ets nän myëët'ajtëp ja mëk'ajtën ets ja nëë tyajne'pynyëtya'atëty ets tyaj'ëyowtëty ja naaxwiinyëtë ja'ay mëët kanaaknax ja ëyo'on jotmay ijxtëm kë'ëm timtsyoktën.

Apocalipsis 12:6

e ja to'oxytyëjk jam ojts kyäknëjkxy të'ëts'itjotm ma ënety ja Dios të t'ijxkukën ja it ets jam tyajkayä'äny tyaj'uuka'any tu'uk mil ja mäjtsk mëko'px ja tëkë'px xëëw.

Apocalipsis 13:5

Tääts näjyëtu'un ja mëj jëyujk yaj'ëwatsy ja tyu'u ets ja Dios tmëkajpxtëkoyëty. Näyjyëtu'un yaj'ëwatsy ja tyu'u ets y'ënä'ämëty wëxtyikxy mäjtsk po'o.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Dios y'itëty. Ets jyaak'ënany: Ya'atë tëyajtën, yë'ë ja Dios ja kyäjpxynyajxpëtëjk winma'anymyooyë.

Apocalipsis 20:4

Ets n'ijxyës kanaak ja kutujktakn, yë'ë jam u'unyääytyëp mëti'ipë ënety të t'ëxajëtën ja kuttujkën ets pyaye'eytyëty; ets n'ijxyës näjyëtu'un ja y'anëmëty mëti'ipë të yajkupuxtën mëët ko të tkajpxwa'kxtë ja Wintsën Jesús ja jyä'ä ets ja Dios ja y'aaw y'ayuk ets mëti'ipë ënety ka'ap të twintsë'ëkëtën ja mëj jëyujk ets ni të tkakupëktë ets yajtsa'atëty wyimpokëjxm ëkë kyë'ëkëjxm; ets n'ijxyës ko jyuukpyëktë jatëkok ets yajkutuka'antë mëët ja Kristë tu'uk mil jëmëjt.