Biblia Todo Logo
Bìoball air-loidhne

- Sanasan -




Apocalipsis 11:12 - Biblia Dc en Mixe de Quetzaltepec

12 Ënet ja nimäjtskpë mëti'ipë tëyajtën yajktëpën, ojts ja ayuk tmëtowtë jam tsajpjotm ets y'ënëmaayëtë: Pätë yam. Ets pyäjtë yoots akujky. Ni'ëmukë ja myëtsip t'ijxtë.

Faic an caibideil Dèan lethbhreac

Biblia Mixe de Quetzaltepec

12 Ënät ja nimäjtskpë mëti'ipë tëyajtën yajktëpën, ojts ja ayuk tmëtowtë jam tsajpjotm ets y'ënëmaayëtë: Pätë yam. Ets pyäjtë yoots akujky. Ni'ëmukë ja myëtsip t'ijxtë.

Faic an caibideil Dèan lethbhreac




Apocalipsis 11:12
21 Iomraidhean Croise  

Ko ja xëëw tpaty ma ënety ja Wintsën tyajnëjkxanën ja Elías jam tsajpjotm, mëët yë pojxujtyk; ënät ja Elías mëët ja Elisejë jam tsyo'ontë Guilgal.


E tam ënety jëtu'un tyu'uye'eytyë ets myëtya'aktë, ko ojts ajotkumonë tu'uk yë pujxnwintëkäämpë t'ëkëty y'ijxpaatë jam tu'u ëkë'ëm jëënmëët, mëët yë nyikëwaay nän jëënmëët, mëti'ipë ojts yajwa'akwa'kxëtën, e jëtu'un'äämpy ojts ja Elías tsyajpäjnë mëët tu'uk pojxujtyk.


E ja ja'ayëty mëti'ipë ja Wintsën myëtuuntëpën, jampë yajpaatën Jericó, ojts tjëjpye'eyë'ëktë ja Elisejë ets t'ënëmaaytyë: ¿Mnija'ap ko yë mwintsën tyam myajpëjkëjanë? Jëtu'un, nija'apës, jëtu'un y'ëtsooy ja Elisejë, je'eyëp ko miitsëty këtii tii xynyikajpxtëty.


E niwëxtyikxymyajk ojts yë Wintsën yë myëtuunpë jam jyëjpmëye'eyëtë ets jam jëkämtëkë wya'ak'o'oyëtyë; e ja Elías ets ja Elisejë jam wya'ak'o'oyëtyë ma ja Jordán nëëpa'ajën.


Yë ëxëëk ja'ay ëxëëk nyäjyawëty ko muum y'ixyë, yë ëxëëk ja'ay ka'ap tjëkyepy tii tunëty paaty je'eyë tyëts t'akä'pmuky; yë ëxëëkja'aytyëjk oy tii tjatsojkën'atëty ka'ap tii tpaata'any.


Wintsën, ¿pën mëpaat jam yajpaaty ma mtsajptëjkën? ¿Pën patëp jam tsyëënëty ma mtun nkopkën wa'atspë?


¿Pën jyëkyejpy pyätëty ma ja Wintsën ja kyopkën ¿Pën jyëkyejpy jap yajpaatëty ma ja tsyajptëjkën?


Yak tu'uk yë ijxpäjtën mëti'ipë yajtuk'ixëpën ko oy mTios'aty, e ko jëtu'un yaj'ixëty, tääts nëjkx tsyëyu'unpaatë ja'ayëty mëti'ipës xy'ëxëëk'ijxtëpën. Mijts Wintsën, mijtsës xymyoopy yë putëjk pupäjtën, ets mijtsës näjyëtu'un xymyoopy yë jotkujk'ajtën.


Ënet mya'taay ja kepy wintëkäämpë nyiye'eypyäjn ets oywyi'ix ojts jyaak nëjkxtë, paaty ojts y'ëna'antë ja Egiptë ja'ayëty: Nikë tsojk ntimkyukäkëmë yë Israel ja'ayëty, jä'ä ko jëtu'un kyëxë'knë yë Tyiosëty yë'ë yowë kuwanëtëp ets yë'ë nitsiptuunëtëp ma ëëtsajtëmën.


Mijts, ojts jëtää mjamay mjatajy: Ëjts koonëmës nja'ta'any tsajpkëjxm; etsës jam npëjkta'aka'any yë nkutujktakn ma Wintsën tyaj'ityën myëtsa'a; jam anëkëjxmtsow jamës ntsëënëja'any, jam ma y'itën yë wintsëntëjkëty mëti'ipë ja'ay y'ëwtajtëpën.


yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.


¿Pën tääpëty mëti'ipë pojjëtijtëpën yoots nëma'ajën, mëti'ipë nëjkxtëpën jëtu'un tä pak nyijkxyën ma y'ijtaknën?


Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.


Jap ënety y'ëyoy ja kumeenyjyä'äy ma ja o'kpë nyipätën, tääts ojts y'ijxë'ëky ets t'ijxpaty ko jam tsajpjotm yajpaaty ja Abraham mëët ja Lázaro.


Ko ja Jesús kyajpxtaay, tääts nän jämyë ijxwintë'kxyë tsyajpejty ets yu'tsëy ja yoots.


ets jënu'un ënety njaakjuuky'ajtëmën, tu'kmukyë nëjkx nyajmënëjkxëmë pojjoty yootsjoty ets nëjkx mëët nnäpyatëmë ja Wintsën, jëtu'unts xëmëkyëjxm n'ijtmëty mëët Yë'ë.


Tääts ja to'oxytyëjk ja y'u'unk tpaty, ye'etyëjk mëti'ipë ja naaxwiinyëtë ja'ay y'ënä'ämäämpyën mëët ja mëjkutujkën. E ojts ja y'u'unk yajpëjkë ets ojts yajmënëjkxy ma ja Tiosën ets ma ja kutujktaknën;


Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.


Ko jëtu'un y'ëkjajty y'ëkkëpejty, ënätës n'ijxpaty ko ja tsajp y'ëwa'atsy ijxtëm tu'uk ja tëjk'aawën; ets ja ayuk nmëtooyës janty mëk ijxtëm tu'uk ja xuxnën, mëti'ipës ënety jëwyiin të xymyëkäjpxyën jëtu'unës xynyëmaay: Pät yam ets ntuk'ixëty mëti'ipë ok tunan jatanëpën.


Lean sinn:

Sanasan


Sanasan