Apocalipsis 10:4 - Biblia Dc en Mixe de Quetzaltepec

⁴ Tamës ënety ntimkëjxja'ajanë wi'ix ja ënääw y'ëna'antën koos nmëtooy tu'uk ja ayuk tsajpjotm ets xynyëmaayës: Këtii xykyëxja'ay wi'ix të y'ëna'antën yë ënääw, yu'utsy mëët'at,

Biblia Mixe de Quetzaltepec

⁴ Tamës ënäty ntimkëjxja'ajanë wi'ix ja ënääw y'ëna'antën koos nmëtooy tu'uk ja ayuk tsajpjotm ets xynyëmaayës: Këtii xykyëxja'ay wi'ix të y'ëna'antën yë ënääw, yu'utsy mëët'at,

Apocalipsis 10:4 Iomraidhean Croise

Isaías 29:11

Tu'kë'ëyë mëti'ipë jeexyë ja käjpxynyajxpë nyikäjpxypën, jëtu'un tä jeexyë muum këxja'ay y'ityën ets pëjkë'ëky ets ku'ëtsa'ay. E oy pën ja myëku'uk tja'ënëëmëty mëti'ipë nokykyajpxpën: Tyaa tyaapë noky ënät ëk kajpx, yë'ë je'eyë y'ëtsowa'any: Ka'ap tjëkyepy nkajpxëtyës, jä'ä ko ku'ëtsa'ay tääpë noky.

Isaías 8:1

Jëtu'unës ja Wintsën të xy'ënëëmë: Jam tu'uk yë kepy xy'ixta'ajëty, tu'kpuxyën ets jam xykyëxja'ajëty Maher-salal-hasbaz. Mëjjatyëty xyjya'ajëty ets yaj'ixkapëty.

Isaías 8:16

Pëjkë'ëktë ma mjot mwinma'anyëtyën ya'atë aaw ayuk; jap mëët'atë yu'utsy ya'atë ijxpëjkën mëti'ipë yam miitsëty ntukni''ixëjantëpën.

Daniel 12:4

E mijts Daniel, yu'utsy ya'atë xymyëët'atëty ets ta'tspëky yë noky xy'akëëymyukëty koonëm tpaatëty ja xëëw jëmëjt ma ënety ja juukyajtën jyëjpkëxyën. May ja ja'ay jyëtita'any xiitsow yaatsow t'ixta'aja'any tiijaty y'ëkjaak nija'ap.

Daniel 12:9

Etsës të xy'ëtsoy: Yo'oy yë mtu'u, Daniel, jä'ä ko tyaapë yu'utsy mëpaat y'ity koonëm jyëjpkukëxëty ja nyixëëw nyijëmëjt.

Daniel 8:26

Ko të xywyin'ixy ja jopy'ajtën ets ja jënäkyxyëëwajtën tëë ja myajtuknijawë tii y'antijpyën ets tëy jaanty yë'ë; je'eyë ko mijts yu'utsy xymyëët'atëty, jä'ä ko yë'ë jää nëjkx y'atëy ko ënety tëë nyäxy ja xëëw jëmëjt kanaak.

Deuteronomio 29:29

Jaaktäänëm mëti'ipë ka'ap yajnijawën winë, yë'ë tëy yë nWintsën'ajtëm Dios nyija'ap, e may näjyëtu'un mëti'ipë tëë nija'awëmën ets tëë tnijawëtë ja u'unk ëna'k ets yajpaatunëty, tä ja ënä'ämën tëyajtënën.

Apocalipsis 1:11

mëti'ipës xynyëmaayën: Kuja'a nokyjoty tiijaty m'ijxypyën ets tuknikäx ja mëpëjkpëtëjk mëti'ipë yajpatëpën ma ja niwëxtujkpë ja kajpnën jam Asia y'itjotm: jam Éfeso, Esmirna, Pérgamo, Tiatira, Sardis, Filadelfia ets Laodicea.

Apocalipsis 1:19

Kuja'a mëti'ipë të xy'ixyën ets mëti'ipë tyam tuunëp jajtëpën ets mëti'ipë tunan jatanëpën ok.

Apocalipsis 10:8

Tääts ja ayuk ojts xymyëkajpxkojnëpës mëti'ipë ënety të n'ëkmëtoopën tsajpjotm ets xynyëmaayës: Nëjkx xy'ëxajë ya'atë noky apëtijtwä'kxypyë mëti'ipë yë tsajpjotmëtë kukäjpxy jam kyë'ëkony'ajtypyën, mëti'ipë tënääpyën mejy wiinkëjxm ets naax wiinkëjxm.

Apocalipsis 22:10

Näyjyëtu'un xynyëmaayës: Kajpxwa'kx ja Dios ja y'aaw y'ayuk, këtii yu'utsy xymyëët'aty mëti'ipë yap nokyjoty miinpën kuja'ay, jä'ä ko wiinkoonp ja tiempo tyuna'any jyata'anyë.